Maꞈtehˬ 6:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ “Nawmaf bifnaeq gamfnaeq ngae, tsawrhaq bimawr-eu laer dirdaq-aer aqcawq-euq maeqshi mr-eu jeq maqbi pyeufni yanr-awq. Khoerlof-aer mr nar-aq, mq-euq khoertav jawr-eu nawmaf-euq Aqda-euq mrpoeq lafsawq maqza-a.

Akha

¹ “Uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu muiˬ-eu jaˬ-eu gaˇ deuˬ-ahˇ naw maꞈ mˇ ngeh, aˬ cawˬ mawˇ ni mˇ-eu jeˬ taˬ bi pyeuꞈ. Kʼoeˇ loꞈ-ehˇ jahˇ naˇ, mˬ kʼoeˇ taˆ jawˇ-eu naw maꞈ-euˬ Aˬda naw maꞈ-ahˇ guiˬ lahˬ maˬ biꞈ-a.

Maꞈtehˬ 6:1 Referans Kwoze

Maꞈtehˬ 23:5

Aqyawfmaf kharmr kharshar-eu jeq aqcawq bimawr-eu laer taef-aer mr-eu mae. Aqyawf maf-euq narkhawr hawr-eu lafdu-anr paftawf-eu, Yaerbof-euq shaqkhov pawqbaev khoerdeuq ghawqloeni gufhuiq taq-awr, paerkhanq paerdanq-anr dawqsheur ghawqmanrni guftsof taq-euq mae.

Yoˇhaˬ 12:43

Aqyawfmaf, Miqyaer nae jaceuq-eu gar geufmawf-eu navmaqtser, tsawrhaqzaq nae jaceuq-eu gar geufmawf-eu mae.

HeˬByehˇ 6:10

Miqyaer-euq tsawrmyanr-anr gaq-eu lafkhoer mrdov shardov laf-euq nga laer bi mawrlarni, dzeurlaf ngae nawmaf nae tsawrshawr deuq-anr cawba naeq-awr, nymq-mr khawf cawba naeqluf-eu gar, Miqyaer-aq, ngaernya-awr maqtsaq maqdawr-eu maqngeur-a.

Luˇkaꞈ 16:15

Khoerngae, Yeqsur, aqyawf maf-anr heulof-aer aernaeq-euq mae, “Nawmaf-aq, tsawrhaq-euq maeqshi tsaq-awr dawr-eu janrgeuf-eu khawf, Miqyaer, nawmaf-euq nuima-anr siqnya mae. Aqjeq mirnae aernar-aq, tsawrhaq taqhuiq-eu jeq-anr Miqyaer nuidav dav-eu mae.

Gaˬlaˬtiˆ 6:12

Shiqshaq-euq lafkhoer yawmuiq janrgeuf mawf-awr tsawrhaq khoerdeuq, nawmaf-anr bawkhov maeqdzaq yaeq laer katir lar-eu khoer-aq, aqyawfmaf, Kali-euq lafyaq-euq baqda’nae khaeq-awr khav-eu gar maqya daqni janr-eu taef mae.

Yoˇhaˬ 5:44

“Nawmaf-euq yawkaq tiqghaq tirghaq taqhuiq taqmanr-eu jeq povluf-awr, nawmaf, aqyawf tiq ghaq taef-aer Miqyaer pyeuf-eu ghaq-anr nae oe-euq taqhuiq taqmanr-eu jeq-anr maqpov-eu mirnae, nawmaf, ngaq-anr aqjox-aer jannya nmr-mq?

2 Yoˇhaˬ 1:8

Aqdui nae mr-awr shar-euq deuq maqbi byov-ir-aer mrpoeq lafsawq tiqbyanni za’nya paq-aer yawqhar yawqha yanr-awq.

Maˬkuˆ 8:15

Khoerngae, Yeqsur, aqyawf maf-anr dawq bif-eu, “Nawmaf, Paqliqsaer deuq-euq daeqtseq hawr-eu Heqlor-euq daeqtseq-anr hawdov-awr yawkhav-aer yanr-awq.”

Maꞈtehˬ 6:16

“Nawmaf dzardzaq sheuq-awr guiqlanqshar ngae, yawmuiq janrgeuf-eu tsawrhaq lof-aer myavpyawq nyoeqkheurni taqjawr. Aqjeq mirnae aernar-aq, aqyawf maf-aq, dzardzaq sheuq-awr guiqlanq sharluf nga laer, aqcawq bisiq bimawr-eu laer, myavpyawq nyoeqkheurni jawr-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Maꞈtehˬ 16:6

Khoerngae, Yeqsur, aqyawf maf-anr aernaeq-eu, “Nawmaf, Paqliqsaer deuq hawr-eu Saqduqgaer deuq-euq daeqtseq-anr haw-awr yanr de-eq.”

Luˇkaꞈ 12:15

Khoerngae, Yeqsur, aqyawf maf-anr par aernaeq-eu, “Nawmaf maerjuir maqjuirni, yawqhar yawqha yawmuiq-aer yanr-awq. Aqjeq mirnae aernar-aq, pyurshuir myawqganq ghawqmya’ni jav-eu mirnae, tsawrhaq yawdaef daefnya-eu maqngeur-a.”

Maꞈtehˬ 5:48

Khoermirnae, mq-euq khoertav jawr-eu nawmaf-euq Aqda byan-eu lof-aer nawmaf khawf byanlar-awq.

Maꞈtehˬ 5:16

Khoerlof-aer durni, nawmaf-euq yawshaef khawf aqcawq-euq maeqshi bibya-awq. Khoerlof-aer mr nar-aq, aqcawq, nawmaf mr-eu yawmuiq jeq-anr ya’mawr ngae, mq-euq khoertav jawr-eu nawmaf-euq Aqda-anr jaceuq taef-a.

Luˇkaꞈ 11:35

Khoermirnae, nawq-euq lafkhoer anr-eu yawshaef zanrtsuini maqbi pyeuf-ir ni yanr-awq.

Jaceuq 112:9

Aqyawf, ghawqmya’ni saeq-awr, irshaqzaq-anr bifkhawq naeq-euq mae. Aqyawf-euq uqcoer yabi ciqpoeq ciqgor-awr yabi taqhuiq taqmanr taef-a. Aqyawf-euq tsaq-awr dawr-eu jeq li-eu maqbawni zif taef-a.

Luˇkaꞈ 12:1

Khoerngae, tsawrhaq tiqghaq tirghaq nawqtaeq tsarni, maq guijircoer paq-aer uiqlar taq-euq mae. Yeqsur danqbae-awr, aqyawf-euq zaqlanr deuq-anr heulof-aer aernaeq-euq mae: “Paqliqsaer deuq-euq daeqtseq-anr yanr-awq. Daeqtseq laer aer-eu-aq, yawmuiq janrgeuf-eu jeq-anr aermawf-eu mae.

Maꞈtehˬ 25:40

Khoerngae, Sanqpaq khoerghaq, aqyawf maf-anr aerkhof naeq-eu, ‘Ngar, nawmaf-anr aqdirma-aer aernaeq nyar, nawmaf nae ngaq-euq aqyuif aqnyir heudeuq-euq lafkhoer nae nyirdzaeq dzaeq-eu tiq ghaq-anr janrnaeq-euq khoer-aq, ngaq-anr janrnaeq laf-euq mae.’

Maꞈtehˬ 5:46

Nawmaf, nawmaf-anr gaq-eu tsawrhaq-anr taef-aer gaq nar-aq, aqjeq-euq mrpoeq lafsawq za-eu? Jeq taf-eu tsawrhaq khawf khoerlof-aer janrluf-eu maqngeur-a lor?

Maꞈtehˬ 23:13

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, aqcawq-euq maeqshi nawmaf, mqtav mirkhanq-euq larghov piqtaeq-eu mae. Yawqha maq urler-eu uqtaf, urler-eu laer ghae-eu tsawrhaq-anr khawf nawmaf, aqyawf maf-anr maqbi urler-a.

Maꞈtehˬ 6:9

Khoermirnae, nawmaf guiqlanqshar ngae heulof-aer shar-awq: Mq-euq khoertav jawr-eu nga’maf-euq Aqda-or! Nawq-euq tsawrmyanr-anr yawzeu bibaw law.

HeˬByehˇ 2:1

Khoermirnae, aqdui yawqpawyawq maqya jivdovghae paq-aer, aqdui nae yagaq taq-euq dawq-anr yawmuiq-aer narhaq-eu tsaq mae.

HeˬByehˇ 11:26

Kali-euq gharduq yaeqbawq-aer janrlar-eu gar yadaq-eu jeq-aq, Irjirtuv-euq pyurshuir myawqganq navmaqtser poeqdzaeq-eu ngar-a laer aqyawf noeqjir-eu mae. Aqjeq mirnae aernar-aq, aqyawf-aq, aqkar za-eu mrpoeq lafsawq-anr hawtsov taq-euq mae.

Maꞈtehˬ 16:27

Tsawrhaq-euq Zaqyo-aq, aqyawf-euq Aqda-euq yawshaef khanqsaer-euq lafkhoer, aqyawf-euq mqtav ghaqkhaer deuq naeq-aer zafkale taef-a. Khoerngae, tsawrhaq yawqghaq navluf-anr yawqha nae khar mrtaq-euq lof-aer janrkhofnaeq taef-a.

Gʼaˬkʼehˇ 3:12

Beqtuvluv khoer-anr ya’mawr ngae, tsawrhaq khoerdeuq-anr heulof-aer aernaeq-euq mae: “Irsaqleqlav tsawrhaq deuq-or! Nawmaf aqjeq mirnae garkawv heu-anr zanqler-eu nya? Nga’maf-anr aqjeq mirnae hawtsov taq-euq le? Nga’nyaf-euq baoq hawr-eu nga’nyaf, Miqyaer-anr yawzeu baw-eu baqda’nae heughaq-anr garma bi cannya lar-euq nga laer nawmaf noeq-eu le lor?