Maꞈtehˬ 5:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ “Nuima nanqyuni ghae-eu tsawrhaq deuq-aq, guiqlanq huiq-eu mae. Aqjeq mirnae aernar-aq, mirtsaq-aq, aqyawf maf-anr of-eu jeqbir mae.

Akha

⁵ “Nui nahˬ nui yu ahˇ-eu tsawˇ haˬ deuˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, miˇ tsaˬ dawˬ tawˆ luꞈ aˬ yawꞈ maꞈ-ahˇ oꞈ-eu jeˬ biˇ meh.

Maꞈtehˬ 5:5 Referans Kwoze

Jaceuq 37:11

Aerkhawf, nuinanq nuiyu anr-eu deuq-aq, jeqbir of-awr mirkhanq za taef-a. Khoernar-aq, aqyawfmaf nuisar of-eu jeq byan-eu mirnae laqkhaq yacaer taef-a.

Yaˬkoˆ 3:13

Nawmaf-euq lafkhoer, tsawrganr anr-awr ghovshaw nya-eu tsawrhaq aqsur ghaq le? Tsawrhaq khoerghaq-aq, nuinanq nanqyu byan-eu zaqsiq tsawrganr anr-awr, yawmuiq jeq mrdov laf-eu gar bimawr-awq.

Jaceuq 149:4

Aqjeq mirnae aernar-aq, Ya’we Miqyaer-aq, Aqyawf-euq tsawrhaq-anr nuikhanr shir-eu mae; Aqyawf, nuinanq nuiyu anr-eu deuq-anr kakhof-eu jeq nae, Hawmuiq paq-aer lavmuiqnaeq taef-a.

Gaˬlaˬtiˆ 5:23

nuima nanqyuni ghae-eu, yawqha-euq nuima-anr ghaqler-eu, heudeuq mae. Heudeuq taqmr laer boftaq-euq zanrdawq maqjav-a.

Yaˬkoˆ 1:21

Khoermirnae, nawmaf-euq lafkhoer anr-eu yawjawf yawqjeq navluf hawr-eu yawcawv jeq dawqtawvluf byaerdzae jir-awq. Nawmaf-euq saflar-anr kakhof nya-eu, nawmaf-euq lafkhoer kataq-euq dawq-anr nuima nanqyuni anr-awr hageuf-awq.

Jaceuq 25:9

Aqyawf, nuinanq nuiyu anr-eu deuq-anr, dawr-awr tsaq-eu paw sheuqghae naeq-awr; Aqyawf, nuinanq nuiyu anr-eu tsawrhaq-anr, aqyawf-euq garma maeqnaeq-eu mae.

Gawˇlawˇsehˇ 3:12

Nawmaf-aq, Miqyaer nae tserdov taq-awr, aqyawf zawr gaq-awr shawr-eu tsawrhaq pyeuf-eu mirnae, ghawqshaq gaq-eu, yawmuiq jeq mr-eu, nuinanq nuiyu anr-eu, nuima nanqyuni ghae-eu, nuinoeq ghawqmanrni noeq-eu, heudeuq dmdav-awq.

Maꞈtehˬ 11:29

Ngar-aq, nuima nanqyuni ghae-awr nuinanq nuiyu anr-eu ma. Nawmaf, ngaq-euq khavbaf baf-awr, ngaq-anr dzawgeuf-awq. Khoerlof-aer dzawgeuf nar-aq, nawmaf-euq nuima saflar ghaqnaq za taef-a.

Eˇpeˇsu 4:2

Yawqjeq navluf-euq lafkhoer, nuinanq nuiyu anr-awr, nuima nanqyuni ghae-eu uqtaf, nuinoeq ghawqmanrni noeq-awr, gaq-eu lafkhoer tiqghaq tirghaq or-awq.

1 Beˬtuˆluˆ 3:15

Aerkhawf, nawmaf-euq nuima-euq lafkhoer Sanqpaq Miqyaer-aq, yawshawr mae laer noeqtsov taq-awq. Nawmaf noeqtmq luf-eu garkawv khar narhaq lar-eu tsawrhaq-anr, aqjox-aer aerkhof naeq-eu laer aqmyanluf yawmuiq-aer laeqhmq taq-awr, nuima nanqyuni yawzeu baw-eu lafkhoer jashaw naeq-awq.

Tiˇtuˆ 3:2

Aqcawq-anr dawqdoer taqngaeq, taq caedzaq. Nuima nanqyuni taq-eu lafkhoer tsawrhaq yawqghaq navluf-anr nuinanq nuiyu anr-eu nga laer bimawr-awq.

Jaceuq 37:22

Miqyaer nae guiqlanq bif-euq deuq-aq, jeqbir of-awr mirkhanq za taef-a. Aerkhawf, Miqyaer nae yaqkhaer yaq-euq deuq-aq, yabi deuvtsaevdzae taef-a.

Jaceuq 37:9

Aqjeq mirnae aernar-aq, tsawrdoer-aq, yabi deuvtsaev dzae-eu khawf, Ya’we Miqyaer-anr dawq-eu deuq-aq, jeqbir of-awr mirkhanq za taef-a.

1 Beˬtuˆluˆ 3:4

Aerkhawf, maq mawrlar-eu nawmaf-euq nuima-anr maqcawv-ir nya-eu myawqgur pyeuf-eu; nanqyuni ghae-awr, ciqcurni ghae-eu saflar nae lavmuiq-awq. Heu-aq, Miqyaer-euq maeqshi poeq duidui-eu jeq pyeuf-eu mae.

Jaceuq 25:13

Aqyawf-euq nuima saflar-aq, bawle zale-eu lafkhoer yadaef-awr, Aqyawf-euq aryoeq deuq-anr-aq, mirkhanq of taef-a.

1 Tiˆmoˇseˬ 6:11

Aerkhawf, Miqyaer-euq tsawrhaq pyeuf-eu nawr ghaq-aq, khoerdeuq-anr caevdzeur-awq. Tsaq-awr dawr-eu jeq, Miqyaer-anr yawzeu baw-eu jeq, jan-eu jeq, gaq-eu jeq, daqcoer orcoer-eu jeq hawr-eu nuinanq nuiyu anr-eu jeq, heudeuq-anr taemir nya’ni laejae-awq.

Jaceuq 69:32

Nuinanq nuiyu anr-eu deuq, heu-anr ya’mawr-awr laqkhaqcaer taef-a. Miqyaer-anr pov-eu nawmaf-euq nuima khawf, par daeflar taef-a.

Jaceuq 37:29

Tsaq-awr dawr-eu tsawrhaq-anr, jeqbir lof-aer mirkhanq of-awr; Heu-euq lafkhoer mqmaq maqbyav yarzir yajawr taef-a.

Jaceuq 37:34

Ya’we Miqyaer-anr dawq-awr, aqyawf-euq garma-anr can-awq. Aqyawf, nawq-anr ciqgor-awr, jeqbir lof-aer mirkhanq bi’of taef-a; Tsawrcawv bi deuvtsaevdzae ngae, nawr ya’mawr taef-a.

2 Tiˆmoˇseˬ 2:25

Maeq-eu gar pyaerlar-eu tsawrhaq-anr nuinanq nuiyu anr-awr maeqnaeq nya-eu tsawrhaq khawf yapyeuf-eu mae. Khoerlof-aer janr nar-aq, aqyawfmaf yawtsaq yawdawr-anr siqnya larni, Miqyaer, aqyawf maf-anr bi noeqpov bi noeqpar lar-eu baw-mr.

Lormav 4:13

Miqyaer, Aqbyaqhaq hawr-eu aqyawf-euq aryoeq-anr mirtsaq heu dawqtawvluf za’ni jeqbir of-eu tsawrhaq bipyeuf ma laer sarjax dzaqtaq-euq mae. Khoer-aq, zanrdawq-euq baqda’nae maqngeur-eu, jan-eu jeq-anr taf-eu tsaq-awr dawr-eu jeq-euq baqda’nae za-eu mae.

Jaceuq 147:6

Ya’we Miqyaer-aq, nuinanq nuiyu anr-eu deuq-anr ciqgor naeq-awr; Tsawrcawv deuq-anr mirtsa biqkaghae naeq-eu mae.

Maꞈtehˬ 21:5

“Ziroq-euq zaqmiq-anr heulof-aer aernaeq-awq, ‘Hawsher-eq, nawq-euq Sanqpaq nuima nanqyuni, manq tanqlav-anr dziq-awr oeluf ngar-a, Manq tanqlavzaq-anr dziq-awr, nawr jawr-eu gar oeluf-eu mae.’ ” (Isy 62:11; Zkl 9:9)

Jaceuq 22:26

Irshaqzaq nuikhanr tiqshir ya dzaqdaev-awr; Ya’we Miqyaer-anr pov-eu deuq, aqyawf-anr ya jaceuq taef-a. Nawq-euq nuima mqmaq maqbyav yarzir daef luf-ur!