Maꞈtehˬ 5:44 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ Aerkhawf, ngar, nawmaf-anr aernaeq nyar, nawmaf-anr muir-eu tsawrhaq-anr gaq-awr, nawmaf-anr yaqkhaer yaq-eu tsawrhaq-anr dawq ngaeqghae naeq-awq. Nawmaf-anr byae-eu tsawrhaq-anr yawmuiq jeq janrnaeq-awr, nawmaf-anr khaeqlar khavlar-awr, yaeqbawq-aer zmqlar-eu tsawrhaq-euq gharduq guiqlanq shar-awq.

Akha

⁴⁴ Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Naw maꞈ-ahˇ muiˇ-eu tsawˇ haˬ-ahˇ gaˬ-awˇ, naw maꞈ-ahˇ kʼehˬ nehˬ kʼaˆ nehˬ laꞈ-eu tsawˇ haˬ deuˬ gʼaˇ duˬ guiˬ lahˬ shaˇ nehˬ-awˬ.

Maꞈtehˬ 5:44 Referans Kwoze

Lormav 12:14

Nawmaf-anr khaeqlar khavlar-eu deuq-anr dawq ngaeqghae naeq-awr, yaqkhaer maqyaq-aer, dawqmuiq ngaeqnaeq-awq.

1 Beˬtuˆluˆ 3:9

Aqcawq yawdoer jeq janrlar-eu khawf, yawdoer jeq taq janrkhofnaeq. Aqcawq dawqdoer ngaeqlar khawf, dawqdoer maq ngaeqkhof naeqni, dawq ngaeqghae naeq-awq. Miqyaer-aq, nawmaf-anr guiqlanq-euq jeqbir biza-eu laer kur-euq mae laer siqnya-awq.

Luˇkaꞈ 23:34

Khoerngae, Yeqsur aer-eu, “Aqda-or! Aqyawf maf-euq iqbax-anr pyaeqnaeq-awq. Aqjeq mirnae aernar-aq, aqyawfmaf aqjeq mrluf-eu le laer aqyawfmaf maq siqnya-a.” Khoerngae, aqyawfmaf shaevtsaq tsaq-awr, Yeqsur-euq maeqtsoeq birgeuf-euq mae.

1 Beˬtuˆluˆ 2:23

Aqcawq, aqyawf-anr yaeqbawq-aer aer-euq khawf, aqyawf yaeqbawq-aer maq ngaeqkhof haw-aq. Aqyawf shaqzanq yadaq ngae khawf, aqcawq-anr guvtsiq nyaef-eu dawq maqngaeq-aer, aqyawf-euq mawrdo, tsaq-awr dawr-eu lafkhoer yarkhaq dar-eu Miqyaer-euq aqlaf-euq lafkhoer a’naeq-euq mae.

Gʼaˬkʼehˇ 7:60

Khoernar-aq, aqyawf pawqtsuif pawqdmq dmq-awr tersar yawkhav-aer aer-eu, “Sanqpaq Miqyaer-or! Iqbax heu aqyawf maf-euq khoertav taqbi jav.” Aqyawf khoerlof-aer aerghaq-awr yufkhav-euq mae.

Jaceuq 7:4

Ngar dawqpae yawmuiq-aer jawrtaf luf-eu tiq ghaq-anr, Ngar yawdoer janrnaeq-euq jav-awr, tiqjeq-iq maqngeur-eu gar, ngaq-anr muir-eu tsawrhaq-anr nawqdzaq khavdzaq taq-euq jav nar-aq,

Dawqdaq 19:11

Noeqdanr doe-eu tsawrhaq-aq, Nuima paerlar-eu maqkawr-aer, Aqcawq-euq yawbanq yawlaeq hawdzeur nya-eu khoer-aq, Aqyawf-euq khanqsaer mae.

Yoˇhaˬ 13:34

Nawmaf tiqghaq tirghaq gaq-awq laer ngar, nawmaf-anr dawq yawshuif tiq dawq bif-eu ma. Ngar, nawmaf-anr gaq-euq lof-aer, nawmaf khawf tiqghaq tirghaq gaq-awq.

1 Teˇsaˬloˇni 5:15

Nawmaf, aqgeu ghaq maqkaq, aqcawq yawdoer jeq janrlar khawf, yawdoer jeq taq janrkhofnaeq. Nawmaf aqmyanluf laejae-awr tiqghaq tirghaq hawr-eu yawqghaq navluf-anr yawmuiq jeq taef-aer janrnaeq-awq.

Gʼaˬkʼehˇ 16:28

Aerkhawf, Pawrluv tersar yawkhav-aer gur-eu, “Yawqha-euq mawrdo-anr lavtanq lavnar-eu jeq taqjanr. Nga’maf yawqghaq navluf heugar jawrluf ma.”