Maꞈtehˬ 5:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aerkhawf, ngar, nawmaf-anr aernaeq nyar, tiqjeq-iq garkawv maqjav-eu gar nae nuima kharpaer-eu tsawrhaq-aq, yarkhaq dar-eu gar yadaq taef-a. Aqyuif aqnyir-anr ‘Dawrga’ laer khardaeq-eu tsawrhaq-aq, khavma armur-euq maeqshi yarkhaq dar-eu gar yadaq taef-a. Aqyuif aqnyir-anr ‘Aqdzawq argan’ laer khardaeq-eu tsawrhaq-aq, shiqbuir lanma miqdzaq-euq lafkhoer yadaq taef-a.

Akha

²² Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.

Maꞈtehˬ 5:22 Referans Kwoze

1 Yoˇhaˬ 2:9

Tsawrhaq tiqghaqnav, ngar yawshaef-euq lafkhoer jawrluf ma laer aer-eu khawf, aqyawf-euq maernmr-anr byae nar-aq, aqyawf-aq, nymq-mr keuvni yawzanr-euq lafkhoer jawrluf-a siq.

Yaˬkoˆ 3:6

Maeqlar-aq, miqdzaq lof-aer dur-awr, maqtsaq maqdawr-eu mirkhanq pyeuf-eu mae. Mawrdo dolan-aer lavjawf nya-awr, daefzir-anr taf-eu yawqjeq navluf-anr khawf shiqbuir lanma-euq miqdzaq keuqdof-awr, bi puivdzaqjir nya-eu mae.

Tiˇtuˆ 3:2

Aqcawq-anr dawqdoer taqngaeq, taq caedzaq. Nuima nanqyuni taq-eu lafkhoer tsawrhaq yawqghaq navluf-anr nuinanq nuiyu anr-eu nga laer bimawr-awq.

Maꞈtehˬ 10:28

Mawrdo-anr saefnya-eu khawf, saflar-anr maq saefnya-eu deuq-anr taqguv. Aerkhawf, mawrdo hawr-eu saflar-anr shiqbuir lanma-euq lafkhoer lavcawv nya-eu ghaq-anr guv-awq.

Maꞈtehˬ 18:35

“Nawmaf yawqghaq navluf khawf, nuima-euq lafkhoer nae yawqha-euq aqyuif aqnyir-anr, mrbanq lavbanq-euq iqbax maq pyaeqnaeq nar-aq, mq-euq khoertav jawr-eu ngaqDa khawf, nawmaf-anr khoerlof-aer janrnaeqlaf taef-a.”

1 Beˬtuˆluˆ 3:9

Aqcawq yawdoer jeq janrlar-eu khawf, yawdoer jeq taq janrkhofnaeq. Aqcawq dawqdoer ngaeqlar khawf, dawqdoer maq ngaeqkhof naeqni, dawq ngaeqghae naeq-awq. Miqyaer-aq, nawmaf-anr guiqlanq-euq jeqbir biza-eu laer kur-euq mae laer siqnya-awq.

Lormav 12:10

Aqyuif aqnyir yawkaq gaq-eu lof-aer tiqghaq tirghaq ghoer-awr gaq-awq. Yawqha-anr navmaqtser aqcawq-anr noeqpoeq-awr, tiqghaq tirghaq taqhuiq taqmanr-awq.

1 Beˬtuˆluˆ 2:23

Aqcawq, aqyawf-anr yaeqbawq-aer aer-euq khawf, aqyawf yaeqbawq-aer maq ngaeqkhof haw-aq. Aqyawf shaqzanq yadaq ngae khawf, aqcawq-anr guvtsiq nyaef-eu dawq maqngaeq-aer, aqyawf-euq mawrdo, tsaq-awr dawr-eu lafkhoer yarkhaq dar-eu Miqyaer-euq aqlaf-euq lafkhoer a’naeq-euq mae.

Maꞈtehˬ 18:21

Khoerngae, Beqtuvluv, Yeqsur jawr-eu gar lar-awr narhaq-eu, “Sanqpaq-or! Ngaq-euq aqyuif aqnyir, ngaq-anr mrlaeqlar nar-aq, ngar, aqyawf-euq iqbax armyav pov keuvni ya pyaeqnaeq-eu la? Shif pov keuvni lor?”

Jaceuq 109:3

Aqyawfmaf, ngaq-anr byae-eu dawq, ngaq-euq tiqjawq jabyan taq-awr; Tiqjeq-iq maqngeur-eu gar, ngaq-anr caelar luf-eu mae.

Jaceuq 37:8

Nuima paer-eu naq-awr, nuima nuipaer byaerdzae-awq. Nuima taqlanr. Heu-aq, deuqlar narlar-eu jeq bi dovlar-eu taef mae.

Yuˇdaˆ 1:9

Mqtav ghaqkhaer-euq lafkhoer aqyuif pyeuf-eu Mirgeqlar-aq, naef sanqpaq naeq-aer dawqja ja-eu lafkhoer, shir-euq Morseq-euq mawrdo-euq garkawv tsawrpyaerpyaer ngae, aqyawf-anr dawqdoer maqngaeq-aer yarkhaq maqdarni aer-eu, “Sanqpaq Miqyaer, nawq-anr daeq luf-ur!”

1 Yoˇhaˬ 3:10

Khoermirnae, Miqyaer-euq zaq hawr-eu naef sanqpaq-euq zaq beugar-eu byacaevni siqlar-eu mae. Tsaq-awr dawr-eu jeq maqmr-eu tsawrhaq hawr-eu yawqha-euq maernmr-anr maqgaq-eu aqsur ghaq maqkaq, Miqyaer-euq zaq maqngeur-a.

Gʼaˬkʼehˇ 17:18

Khoerngae, Erpirgurlu armaf hawr-eu Saqtovif armaf-euq tsawrganr siqzaq deuq khawf, Pawrluv naeq-aer jasawx-euq mae. Khoerngae, tiqpavnav deuq aer-eu, “Heugar maqloev maqlawv-aer tortor-aer can-eu heughaq aqjeq aermawf-eu nga?” Pawrluv, Yeqsur-euq garkawv hawr-eu ghofdaef lar-euq garkawv maeq-eu mirnae, tiqpavnav deuq aer-eu, “Aqyawf-aq, yawqkhanq yawqmir yawq-euq miqyaer deuq-euq garkawv maeq-eu lof-aer dur nga.”

1 Teˇsaˬloˇni 4:6

Garkawv heu-anr tafler-awr nae tsawrhaq tiqghaq-iq yawqha-euq aqyuif aqnyir-anr coeqler civlerni, myawf-awr shuir-eu jeq taqmr. Nawmaf yanr de-eq laer dzeurlaf ngae ngar, nawmaf-anr yawkhav khav-aer maeqnaeq-euq lof-aer, Sanqpaq Miqyaer khoerlof-aer janr-euq tsawrhaq-anr yarkhaq darnaeq taef-a.

Maˬkuˆ 14:55

Pirma aqyuif deuq hawr-eu khavma armur murlan-aer, Yeqsur yashirni, aqyawf-euq khoertav iqbax taq-eu tsawrhaq pov-euq khawf maq povmawr nya-a.

Maꞈtehˬ 26:59

Pirma aqyuif deuq, aqyuif aqtsu deuq hawr-eu khavma armur murlan-aer, Yeqsur yashirni, aqyawf-euq garkawv maqtsaq maqdawr-eu sarkir sharpov luf-eu mae.

Yoˇhaˬ 11:47

Khoerngae, Paqliqsaer deuq hawr-eu pirma aqyuif deuq, khavma armur-anr kuruiq-awr aer-eu, “Aqduimaf aqjox-aer janr nmr-mq? Tsawrhaq heughaq-aq, bisiq bimawr-eu jeq ghawqmya’ni mrluf-eu mae.

Panmaeq 20:14

Khoerngae, shir-eu jeq hawr-eu shir-eu mirkhanq khawf, miqdzaq-euq lan-euq lafkhoer bi bafpuf-euq mae. Heu-aq, nyiq pov tiqpov shir-eu jeq pyeuf-eu mae.

Gʼaˬkʼehˇ 7:37

“Tsawrhaq heughaq-aq, Irsaqleqlav tsawrhaq-anr heulof-aer aernaeq-euq Morseq mae, ‘Sanqpaq Miqyaer, ngaq-anr bi dovlar-euq lof-aer, nawmaf-euq gharduq, nawmaf-euq aqyuif aqnyir-euq lafkhoer nae, Miqyaer gharduq ngaeqdan-eu tiq ghaq bi dovlar taef-a. Nawmaf, aqyawf-anr ya narhaqgeuf taef-a.’ (Dm 18:15)

Luˇkaꞈ 12:5

Nawmaf, aqsur ghaq-anr guv paq-aer ghae-eu la laer ngar, nawmaf-anr panmaeqnaeq nyar. Lavsaef-awr shiqbuir lanma-anr biqanr nya-eu aryaq jav-eu ghaq-anr guv-awq. Ngar, nawmaf-anr aernaeq nyar, aqyawf-anr guv-awq!

Maꞈtehˬ 5:44

Aerkhawf, ngar, nawmaf-anr aernaeq nyar, nawmaf-anr muir-eu tsawrhaq-anr gaq-awr, nawmaf-anr yaqkhaer yaq-eu tsawrhaq-anr dawq ngaeqghae naeq-awq. Nawmaf-anr byae-eu tsawrhaq-anr yawmuiq jeq janrnaeq-awr, nawmaf-anr khaeqlar khavlar-awr, yaeqbawq-aer zmqlar-eu tsawrhaq-euq gharduq guiqlanq shar-awq.

Maꞈtehˬ 5:34

Aerkhawf, ngar, nawmaf-anr aernaeq nyar, tiqpawf-iq taqkamq, mq-anr ghoe-awr taqkamq. Aqjeq mirnae aernar-aq, mq-aq, Miqyaer-euq nuirmanq mae.

Maꞈtehˬ 3:17

Khoerngae, mq-anr nae tersar ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.”

Dawqdaq 14:16

Tsawrganr anr-eu tsawrhaq-aq, guv-eu siqnya-awr yawdoer jeq-anr jawdzeur-eu mae. Aerkhawf, aqdzawq argan-aq, yawqhar yawqha yawduq baw-awr maqyanr-a.

Jaceuq 7:4

Ngar dawqpae yawmuiq-aer jawrtaf luf-eu tiq ghaq-anr, Ngar yawdoer janrnaeq-euq jav-awr, tiqjeq-iq maqngeur-eu gar, ngaq-anr muir-eu tsawrhaq-anr nawqdzaq khavdzaq taq-euq jav nar-aq,

1 Yoˇhaˬ 5:16

Nawmaf tiqghaqnav, yawqha-euq maernmr shir-eu gar maqkeuv-eu iqbax mrluf-eu gar ya’mawr nar-aq, khoerghaq-euq gharduq guiqlanq shar-eu tsaq mae. Miqyaer, khoerghaq-euq saflar-anr bi daeflar taef-a. Shir-eu gar maqkeuv-eu iqbax mr-euq deuq-anr ngar aer-eu taef ma. Shir-eu gar keuv-eu iqbax khawf jav-eu mae, khoerdeuq-euq gharduq yashar-a laer ngar aer-eu maqngeur.

Yaˬkoˆ 2:20

Maq sharnoeq nya-eu tsawrhaq deuq-or! Mr-awr shar-eu jeq maqanr-eu nuijan-aq, tiqjeq-iq gardanr maqtsoeq nga laer nawr siqnya’mawf mir-a lor?

HeˬByehˇ 12:25

Nawmaf-anr dawq ngaeqcawq lar-eu ghaq-euq dawq-anr maq narhaq-aer maqghaeni yanr-awq. Aqjeq mirnae aernar-aq, mirtsaq-euq khoertav aqyawf maf-anr aernoeq naeq-euq khoerghaq-euq dawq-anr, aqyawfmaf maq narhaq-euq mirnae, maqya dzeur-ir-euq ngeur nar-aq, mq-anr nae aernoeq naeqlaf-euq khoerghaq-euq dawq-anr aqdui maq narhaq nar-aq, ngeurdzaeq aqjox-aer parya dzeur-ir nmr-mq?

HeˬByehˇ 5:9

Aqyawf khoerlof-aer byanlar-euq nar-aq, aqyawf-anr narhaq geuf-eu yawqghaq navluf-euq, li-eu maqbawni kakhof-eu jeq-euq dawqpaeq duqpur pyeuflar-euq mae.

1 Gawˇliˬtu 6:10

smrkhoeq khoeq-eu, aqcawq-euq myawq-anr maerjuir juir-eu, jirbaq dawryaef-eu, jabu jadoer-eu hawr-eu, aqcawq-euq myawq-anr khaeqgeuf khavgeuf-eu, heulof-aer ghae-eu tsawrhaq-aq, Miqyaer uvlanr-eu jeq maqza nya-a.

1 Gawˇliˬtu 6:6

Nawmaf-aq, maernmr yawkaq yarkhaq ja-eu uqtaf, maqjan-eu tsawrhaq-euq maeqshi yarkhaq ja-ir-eu nga siq!

Gʼaˬkʼehˇ 5:27

Ghaqkhaer deuq-anr sheuqkeuv laf-euq nar-aq, khavma armur-euq maeqshi biyawf-awr, pirma yawhuiq ghaq, aqyawf maf-anr narhaq-eu lafkhoer,

Yoˇhaˬ 15:25

Khoerlof-aer pyeuflar-euq-aq, aqyawf maf-euq zanrdawq-euq lafkhoer boftaq-euq dawq heudawq byanlar-euq mae, ‘Tiqjeq-iq maqngeur-eu gar, aqyawfmaf, ngaq-anr byae-eu mae.’ (Jc 35:19; 69:4)

Yoˇhaˬ 8:48

Khoerngae, Yurdav tsawrhaq, aqyawf-anr aerkhof naeq-eu, nga’maf, “Nawr-aq, Saqmaqliv tsawrhaq pyeuf-eu uqtaf, naef ur-eu nga laer aer-eu khoer, tsaq-eu maqngeur-a lor?”

Yoˇhaˬ 7:20

Tsawrhaq khoerdeuq aerkhof naeq-eu, “Nawr-aq, naef ur-eu ngar-a. Aqsur ghaq, nawq-anr saef-eu laer jawqluf-eu la?”

Maˬkuˆ 15:1

Uqbya byalar-euq naeq-aer, pirma aqyuif deuq, aqyuif aqtsu deuq, zanr maeq-eu deuq hawr-eu khavma armur deuq dawqtawvluf uiqler-awr bawqdzaq-euq mae. Khoernar-aq, Yeqsur-anr paf-awr nae Pirlav jawr-eu gar sheuqha naeq-ir-euq mae.

Maꞈtehˬ 25:41

“Khoernar-aq, Sanqpaq, arcar paw jawr-eu deuq-anr heulof-aer aernaeq taef-a: ‘Yaqkhaer yaq-eu gar yadaq-eu tsawrhaq deuq-or! Ngar jawr-eu gar nae dov-ir-awr, naef sanqpaq hawr-eu aqyawf-euq ghaqkhaer deuq-euq gharduq laeqhmq taq-euq jawrduq, miv-ir-eu maqbaw-eu miqdzaq-euq lafkhoer ur-ir-awq.

Maꞈtehˬ 23:33

Arlawr-euq baqmaf-or! Dof khav-eu arlawr-euq zaqdeuq-or! Yarkhaqdar ngae nan, nawmaf shiqbuir lanma yarkhaq dar-eu jeq-anr nae aqjox-aer dzeur-ir nya-eu?

Maꞈtehˬ 23:15

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, nawmaf, mirtsaq-euq khoertav hawr-eu ircuf-euq khoertav doeni can-awr, tsawrhaq tiq ghaq, nawmaf-euq zanr tawqlarni laejae-awr, tawqlar-euq nar-aq, aqyawf-anr nawmaf navmaqtser nyiq bymr shiqbuir lanma-euq zaq bi pyeuflar-eu mae.

Maꞈtehˬ 17:5

Beqtuvluv, dawq ngaeqluf ngae, yawshaef bya-eu mqdmr tiq tsanq aqyawf maf-anr uvtaeq le-awr, mqdmr-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma. Nawmaf, aqyawf-euq dawq narhaq geuf-awq.”

Maꞈtehˬ 12:24

Aerkhawf, Paqliqsaer deuq yagaq ngae aer-eu, “Tsawrhaq teughaq naef-anr taedov-eu-aq, naef-euq sanqpaq Beqsaqburlar-anr ghoeghoe-aer taedov-eu nga.”

Maꞈtehˬ 10:17

Nawmaf, tsawrhaq khoerdeuq-anr yanr-awq. Aqjeq mirnae aernar-aq, aqyawfmaf, nawmaf-anr khavma armur-anr a’naeq taef-a. Zanrdawq khawqnymr-euq lafkhoer nawmaf-anr juiflar taef-a.

Dawqdaq 18:6

Aqdzawq argan-euq maeqluq-aq, Iqdaeq iqcae bi dovlar-awr, Aqyawf-euq khaqmae-aq, Darcuir nae bidiq-eu laer kur-eu mae.

Jaceuq 92:6

Nuinoeq maqbaw-eu tsawrhaq-aq, maq siqnya-aer; Aqdzawq argan-aq, maq ghovshaw nya-a.

Jaceuq 69:4

Tiqjeq-iq maqngeur-eu gar, ngaq-anr byae-eu tsawrhaq deuq, Ngaq-euq uqduq tsaerkanr myavmaqtser myaq-eu mae. Tiqjeq-iq maqngeur-eu gar, ngaq-anr muir-eu deuq, aqyawfmaf ghaq khav-awr, Ngaq-anr lavcawv-eu laer ghae-eu mae. Ngaq nae maqkhoeq-euq jeq-anr, ngar ya tsoeqkhof naeq-eu mae.

Jaceuq 49:10

Aqdzawq argan hawr-eu dawrga deuq zir jir-eu lof-aer, Tsawrganr anr-eu deuq khawf shir-awr, yawqha-euq pyurshuir myawqganq, Aqcawq-anr taqyaf-eu gar, aqyawf mawrluf-eu mae.

Jaceuq 35:19

Ngar tiqjeq-iq maqlaeq-eu gar muir-eu deuq, Ngaq-euq baqda’nae laqkhaq taqbi caer law. Tiqjeq-iq maqngeur-eu gar, ngaq-anr byae-eu deuq myavtaev taqbi taevcawq law.

Jaceuq 25:3

Nawq-anr khar dawqluf-eu tsawrhaq-anr khawf, taqbi shafdawr-ir naeqlaf. Tiqjeq-iq maqngeur-eu gar janrdoer naeqlaf-euq deuq-anr bi shafdawr-ir-awq.

Jaceuq 14:1

Aqdzawq argan-aq, yawha-euq nuima-euq lafkhoer, “Miqyaer maqjawr-a” laer aer-eu mae. Aqyawfmaf daefcawv-awr, nuidav davlar paq-aer ghae-eu jeq mrluf-eu mae. Yawmuiq jeq mr-eu tsawrhaq tiqghaq-iq maqjawr-a.

Luˇkaꞈ 22:66

Uqbya byalar-euq naeq-aer, Yurdav tsawrhaq-euq aqyuif aqtsu deuq, pirma aqyuif deuq hawr-eu zanr maeq-eu deuq tiqkawv lof-aer uiqler-awr, Yeqsur-anr aqyawf maf-euq khavma armur bawqdzaq-eu gar sheuqur lef-awr nae aer-eu,

Gʼaˬkʼehˇ 4:15

Khoernar-aq, aqyawfmaf, aqyawf nyaf-anr dawq bif-awr, khavma armur-anr nae lafnyir paw bidov-ir-awr, aqyawf maf-euq yawkaq bawqdzaq bawqdzaq-aer heulof-aer aer-eu mae:

Gʼaˬkʼehˇ 5:21

Ghaqkhaer deuq dawq khoerdawq yagaq-euq mirnae uqshawq yawnaf-aer, uqduq tanqnymr nymrma-anr urler-awr maeqnaeq tsovnaeq-euq mae. Khoerngae, pirma yawhuiq ghaq hawr-eu aqyawf naeq-aer jawr-eu tsawrhaq deuq lar-awr, khavma armur hawr-eu Irsaqleqlav tsawrhaq-euq aqyuif aqtsu dawqtawvluf kuruiq jir-awr, kuv-anr nyaefur taq-euq ghaqkhaer deuq-anr bi sheuqdov laq-ir-euq mae.

Gʼaˬkʼehˇ 6:12

Khoernar-aq, aqyawfmaf nae mirkhanqzaq, aqyuif aqtsu deuq hawr-eu, zanr maeq-eu deuq-anr lavteuv-euq mae. Khoermirnae, aqyawfmaf, Saqteqpaq jawr-eu gar oe-awr, aqyawf-anr nyaef-awr nae, aqyawf-anr khavma armur jawr-eu gar sheuqghae-euq mae.

Gʼaˬkʼehˇ 6:15

Khoerngae, khavma armur-euq lafkhoer nuirluf-eu tsawrhaq dawqtawvluf, Saqteqpaq-anr hawtsov taq-awr, aqyawf-euq myavpyawq, mqtav ghaqkhaer-euq myavpyawq lof-aer dur-eu gar ya’mawr-euq mae.

Gʼaˬkʼehˇ 22:30

Nishawq ngae nan, tanrdzoeq guirhuq, Pawrluv-anr shmrcav puirnaeq-awr, Yurdav tsawrhaq, Pawrluv-anr iqbax aqjox-aer taq-eu nga laer siqnya mawf-eu mirnae, pirma aqyuif deuq hawr-eu khavma armur dawqtawv luf-anr dawq bif-awr bi uiqlar-euq mae. Khoernar-aq, Pawrluv-anr sheuqlef-awr, aqyawf maf-euq maeqshi biyawf-euq mae.

Gʼaˬkʼehˇ 23:1

Khoerngae, Pawrluv khavma armur-anr hawtsov taq-awr aer-eu, “Aqyuif aqnyir deuq-or! Iqnan keuvni, ngar, Miqyaer-euq maeqshi kharmr-euq jeq, zaqsiq nuisiq shawrjaevni anr-awr daefluf-eu ma.”

Gʼaˬkʼehˇ 24:20

Maqngeur nar-aq, khavma armur-euq maeqshi, ngar yawfluf ngae, ngar tiqjeqnav mrlaeq-euq gar mawrtaq-euq jav nar-aq, bi aerdovlaf sher-eq.