Maꞈtehˬ 5:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Ngar, nawmaf-anr aqdirma-aer aernaeq nyar, mq hawr-eu mir byov-ir jir khawf, zanrdawq-euq lafkhoer-euq sanqbof tiq bof, tiq toeq taef-aer khawf maqbyov-ir-ar, dawqtawvluf ya byanlar taef-a.

Akha

¹⁸ Ngaˇ naw maꞈ-ahˇ dawˇ coe ni ehˇ nehˬ nyaˇ. Mˬ hawˇ-eu miˇ kʼaˇ ziꞈ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ kʼaˇ ahˇ-eu jeˬ dawˬ tawˆ luꞈ maꞈ byah laˇ kʼoeˇ keuˆ ni maˬ ehˇ, Zahˇ dawˬ kʼoꞈ dawˬ laꞈ kʼoeˇ boꞈ taˬ-euˬ aˇ boꞈ boꞈ zaˬ tiˬ boꞈ tehꞈ-ehˇ kʼawꞈ maˬ byoˆ-iˇ-aˇ.

Maꞈtehˬ 5:18 Referans Kwoze

Luˇkaꞈ 16:17

Mq hawr-eu mir byov-ir-eu-aq, zanrdawq-euq lafkhoer-euq arbof bofzaq tiq bof byov-ir-eu navmaqtser awqdzaeq-eu mae.

1 Beˬtuˆluˆ 1:25

Aerkhawf, Sanqpaq Miqyaer-euq Dawq-aq, li-eu maqbawni zif-eu mae.” (Isy 40:6-8) Dawq heudawq-aq, nawmaf-anr maeqnaeq-euq guiqlanqdawq khoer mae.

Maˬkuˆ 13:30

Ngar, nawmaf-anr aqdirma-aer aernaeq nyar, heuzir maqjir-euq minav-aer, heudeuq dawqtawvluf pyeuflar taef-a.

Panmaeq 20:11

Khoerngae, ngar, pyurdeuqni ghae-eu nuirmanq manqma hawr-eu nuirmanq-anr nuirluf-eu ghaq-anr ya’mawr-euq ma. Mq hawr-eu mir, aqyawf-euq maeqshi nae caevdov ghae-awr, aqyawf maf-euq javduq javzar maqpar povmawr nya-eu mae.

Jaceuq 102:26

Mqmir cawv-ir jir khawf, nawr-aq, zif taef-a. Khoerdeuq dawqtawvluf, maeqtsoeq lof-aer caer-ir taef-a. Nawr, paerkhanq paermanr dmpar-eu lof-aer, khoerdeuq-anr lavparnaeq taef-a.

Yoˇhaˬ 5:19

Khoernar-aq, Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, Zaqyo-aq, yawqha yawqha tiqjeq-iq maq mrnya-a. Aqda mr-eu gar mawr-awr, aqyawf mr-eu taef mae. Aqda kharmr-eu yawqjeq navluf Zaqyo khawf mrluf-eu mae.

Maꞈtehˬ 17:20

Khoerngae, Yeqsur, aqyawf maf-anr heulof-aer aernaeq-euq mae: “Nawmaf jan-eu ghaq maqkhav-eu mirnae mae. Ngar, nawmaf-anr aqdirma-aer aernaeq nyar, nawmaf jan-eu jeq ghawqpaf arnuiv huini anr nar-aq, ‘Nawr heugar nae khoerpaw jiv-ir-awq’ laer gawqjawq heujawq-anr aernaeq ngae jiv-ir taef-a. Khoeruqtaf, nawmaf maq janrnya-eu tiqjeq-iq maqjav-ar.

Maꞈtehˬ 16:28

“Ngar, nawmaf-anr aqdirma-aer aernaeq nyar, heugar yawfluf-eu tiqpavnav deuq-aq, maqshir-euq minav-aer, Tsawrhaq-euq Zaqyo, aqyawf-euq tsawrhaq-anr uvlanr le-eu gar ya’mawr taef-a.”

Maꞈtehˬ 13:17

Ngar, nawmaf-anr aqdirma-aer aernaeq nyar, arhu-euq Miqyaer gharduq ngaeqdan-eu tsawrhaq ghawqmya ghaq hawr-eu tsaq-awr dawr-eu tsawrhaq ghawqmya ghaq, nawmaf nae ya’mawr-euq deuq-anr mawrmawf khawf maqya mawr-aer, nawmaf nae yagaq-euq deuq-anr gaqmawf khawf maqya gaq-aq.

Maꞈtehˬ 10:23

Nawmaf tiq meuq-anr jawr ngae, aqcawq khaeqlar nar-aq, yawqmeuq yawq-anr caevjawr-ir-awq. Ngar, nawmaf-anr aqdirma-aer aernaeq nyar, nawmaf, Irsaqleqlav-euq meuqdeuq-anr maq candoe-euq minav-aer, Tsawrhaq-euq Zaqyo oekeuv taef-a.

Maꞈtehˬ 6:2

“Khoermirnae, nawr bifnaeq gamfnaeq ngae, yawmuiq janrgeuf-eu tsawrhaq lof-aer taqmr. Aqyawf maf-aq, aqcawq bi jaceuq-eu laer zanrdawq khawqnymr-anr hawr-eu, garma doeni maeqhu paw darhae bibaw-awr bifnaeq gamfnaeq-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq mrpoeq lafsawq yawqha zadzeur-euq mae.

Maꞈtehˬ 5:26

Ngar, nawq-anr aqdirma-aer aernaeq nyar, maq tsoeqtsaev-euq pyur tiq paev khardzer-eu khoer-aq, nawr, kuv-anr nae tiqjeq ghaenae-iq maqya dovle-ar.

Jaceuq 119:152

Nawq-euq dawqdzawr-euq garkawv, mqmaq maqbyav yarzir zifni, Dawqpaeq lavzif taq-euq mae laer, Ngar arhuba nae siqnya-euq ma.

Yoˇhaˬ 21:18

Ngar, nawq-anr aqdirma-aer aernaeq nyar, nawr zaqguq ngae, yawqhar yawqha jofpaf paf-awr, khar irmawf-eu gar ir-eu mae. Aerkhawf, nawr mawq-ir ngae, nawr aqlaf cawqja-awr, aqcawq, nawq-anr jofpaf pafnaeq-awr, nawr maq irmawf-eu gar sheuqghae naeqlaf taef-a.”

Yoˇhaˬ 16:23

“Khoerngae nan keuvlar nar-aq, nawmaf, ngaq-anr tiqjeq-iq maqpar shar-ar. Ngar, nawmaf-anr aqdirma-aer aernaeq nyar, ngaq-euq tsawrmyanr-anr ghoe-awr, nawmaf, Aqda-anr kharshar-eu jeq aqyawf, nawmaf-anr bifnaeqlaf taef-a.

Yoˇhaˬ 16:20

Ngar, nawmaf-anr aqdirma-aer aernaeq nyar, nawmaf yawkhav-aer ngoer-awr, tsawrngoer ya’ngoer taef-a. Aerkhawf, mirtsaqzaq laqkhaqcaer taef-a. Nawmaf ya noeqshaq-eu khawf, nawmaf noeqshaq-eu khoer laqkhaq caer-eu jeq pyeuflar taef-a.

Yoˇhaˬ 14:12

“Ngar, nawmaf-anr aqdirma-aer aernaeq nyar, ngaq-anr jan-eu tsawrhaq-aq, ngaq nae mr-euq gardeuq mr taef-a. Ngar, ngaqDa jawr-eu gar ghofler-eu mirnae, aqyawf heunav maqtser huiq-eu gardeuq mr taef-a.

Yoˇhaˬ 13:38

Yeqsur, aqyawf-anr aerkhof-eu, “Nawr, ngaq-euq gharduq nawq-euq zir shirdanpeuq le laer? Ngar, nawq-anr aqdirma-aer aernaeq nyar, yapoer maq doerlar-euq minav-aer, nawr, ngaq-anr maqsiq laer smq pov keuvni pyaer taef-a.”

Yoˇhaˬ 13:16

Ngar, nawmaf-anr aqdirma-aer aernaeq nyar, kuirlaf zaqkhav-aq, yawqha-euq yawsanr navmaqtser maq huiqdzaeq-a. Bikhaer-eu ghaq khawf, aqyawf-anr khaer-euq ghaq navmaqtser maq huiqdzaeq-a.

Yoˇhaˬ 12:24

Ngar, nawmaf-anr aqdirma-aer aernaeq nyar, caer siqyoeq tiq nuiv mirtsaq-anr maqga-ir-aer maqshir nar-aq, siqyoeq khoer tiq nuiv taef mae. Aerkhawf, shir nar-aq, caersiq ghawqmya’ni tsofle-eu mae.

Yoˇhaˬ 10:7

Khoernar-aq, Yeqsur, aqyawf maf-anr heulof-aer par aernaeq-euq mae, “Ngar, nawmaf-anr aqdir aqmar aernaeq nyar, ngar-aq, yawrdeuq urlar-eu ghovkhaeq ma.

Yoˇhaˬ 10:1

Yeqsur heulof-aer aer-eu mae, “Ngar, nawmaf-anr aqdir aqmar aernaeq nyar, yawr, yawrkuv-anr urlar ngae, ghovkhaeq-anr nae maq urlarni, yawqpawyawq nae davurlar-eu ghaq-aq, smrkhoeq hawr-eu tanrjoe mae.

Yoˇhaˬ 8:58

Yeqsur, aqyawf maf-anr aernaeq-eu, “Ngar, nawmaf-anr aqdir aqmar aernaeq nyar, Aqbyaqhaq maq daefle-euq minav-aer ngar-aq, jawrluf-eu ma.”

Yoˇhaˬ 8:51

Ngar, nawmaf-anr aqdir aqmar aernaeq nyar, ngaq-euq dawq-anr mrcaw-eu tsawrhaq aqsur ghaq maqkaq, shir-eu jeq-anr tiqjawr-iq maqya mawr-ar.”

Yoˇhaˬ 8:34

Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, aqsur ghaq maqkaq, iqbax mr nar-aq, iqbax-euq zaqkhav mae.

Yoˇhaˬ 6:53

Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdir aqmar aernaeq nyar, nawmaf, Tsawrhaq-euq Zaqyo-euq shaqjir maqdzaq-aer, aqyawf-euq shiq maqdawr nar-aq, nawmaf-euq lafkhoer daef-eu jeq maqanr-a.

Yoˇhaˬ 6:47

Ngar, nawmaf-anr aqdir aqmar aernaeq nyar, ngaq-anr jan-eu tsawrhaq-aq, mqmaq maqbyav yarzir daef-eu jeq za-eu mae.

Yoˇhaˬ 6:32

Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdir aqmar aernaeq nyar, nawmaf-anr mqtav-euq kaqmur bif-euq ghaq-aq, Morseq maqngeur-a. Aerkhawf, marmarni mqtav-euq kaqmur, nawmaf-anr bif-eu ghaq-aq ngaqDa mae.

Yoˇhaˬ 6:26

Yeqsur heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, nawmaf, ngaq-anr pov-eu-aq, bisiq bimawr-eu jeq ya’mawr-euq mirnae maqngeur-a. Aerkhawf, kaqmur tiqdaev yadzaq-euq mirnae pov-eu mae.

Yoˇhaˬ 3:11

Ngar, nawq-anr aqdir aqmar aernaeq nyar, nga’maf siqluf-eu garkawv nga’maf ja-awr, nga’maf mawrluf-eu garkawv nga’maf sarkir kamq-eu ma. Aerkhawf, nga’maf sarkir kamq-eu gar nawmaf maq hageuf-a.

Yoˇhaˬ 3:5

Khoerngae, Yeqsur heulof-aer aerkhof naeq-euq mae, “Ngar, nawq-anr aqdir aqmar aernaeq nyar, tsawrhaq tiq ghaq ircuf hawr-eu muiq-eu Saflar-anr nae daefle-euq maqngeur nar-aq, Miqyaer uvlanr-eu lafkhoer maqya urler-a.

Yoˇhaˬ 3:3

Yeqsur aerkhof naeq-eu, “Ngar, nawq-anr aqdir aqmar aernaeq nyar, tsawrhaq tiq ghaq maq daefpov maq daefpar nar-aq, Miqyaer uvlanr-eu jeq-anr maqya mawr-ar.”

Yoˇhaˬ 1:51

Yeqsur, aqyawf-anr paraer-eu, “Ngar, nawmaf-anr aqdir aqmar aernaeq nyar, mq pantaq-euq gar ya’mawr taef-a. Miqyaer-euq mqtav ghaqkhaer, Tsawrhaq-euq Zaqyo-euq khoertav tsawqtoeq tsawqdav-aer canluf-eu gar khawf ya’mawr taef-a.”

Luˇkaꞈ 23:43

Khoerngae, Yeqsur, aqyawf-anr aernaeq-eu, “Ngar, nawq-anr aqdirma-aer aernaeq nyar. Iqnan, nawr, ngaq naeq-aer Baqlaqdirsuv-euq lafkhoer yajawr taef-a.”

Luˇkaꞈ 18:29

Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, Miqyaer uvlanr-eu jeq-euq gharduq, nymr, miqzaq, maernmr, aqma aqda hawr-eu zaqdeuq-anr byaerdzae yaf-euq tsawrhaq aqgeu ghaq maqkaq,

Luˇkaꞈ 18:17

Ngar, nawmaf-anr aqdirma-aer aernaeq nyar, aqsur ghaq maqkaq, zaq yawnyir lof-aer nuima taq-awr Miqyaer uvlanr-eu jeq-anr maq hageuf nar-aq, Miqyaer uvlanr-eu lafkhoer maqya urler-ar.”

Luˇkaꞈ 13:35

Hawtaq-awq. Nawmaf-euq nymr, nymrtsoeq tsoeq-ir taef-a. Ngar, nawmaf-anr aernaeq nyar, ‘Sanqpaq Miqyaer-euq tsawrmyanr-euq uqmov oeluf-eu ghaq-aq, guiqlanqhuiq luf-ur!’ (Jc 118:26) laer ya’aer-eu aryamq maq keuvlar-euq nmrkaq, nawmaf, ngaq-anr maqya mawr-ar.”

Luˇkaꞈ 12:37

Yawsanr ghaq ghoflar ngae, yawbeur beur-aer lofluf-eu kuirlaf zaqkhav deuq-aq, guiqlanqhuiq taef-a. Ngar, nawmaf-anr aqdirma-aer aernaeq nyar, yawsanr ghaq jofpaf paf-awr, kuirlaf zaqkhav deuq-anr hawqjawq bijawq-awr, aqyawf hawqbyawr lavdawvnaeq taef-a.

Luˇkaꞈ 11:51

Aqbeqlav-euq shiq-anr nae, lawrduq hawr-eu uqduq tanqnymr nymrma-euq yawkaq-anr bisaef-euq Zeqkaqlir-euq shiq-anr keuvni, heuzir-euq tsawrhaq-euq khoertav keuvle taef-a laer ngar, nawmaf-anr aernaeq-eu ma.

Maˬkuˆ 14:30

Yeqsur, Beqtuvluv-anr aernaeq-eu, “Ngar, nawq-anr aqdirma-aer aernaeq nyar, iqnan, nymrcif yapoer nyiq tanq maq doerlar-euq minav-aer, nawr, ngaq-anr maq siqnya nya laer smq pov keuvni pyaer taef-a.”

Maˬkuˆ 14:25

Ngar, nawmaf-anr aqdirma-aer aernaeq nyar, Miqyaer uvlanr-eu jeq-euq lafkhoer, aqgaf dzaruir yawshuif yadawr-eu arnan maq keuvlar-eu siq khoer-aq, ngar, aqgaf arsiq-euq dzaruir maqpar dawr ma.”

Maˬkuˆ 14:18

Aqyawfmaf hawqjawq jawq-awr dzaqluf ngae, Yeqsur aernaeq-eu, “Ngar, nawmaf-anr aqdirma-aer aernaeq nyar, nawmaf-euq lafkhoer ngaq naeq-aer tiqgar dzaqluf-eu tiq ghaq, ngaq-anr anqdzaq taef-a.”

Maˬkuˆ 14:9

Ngar, nawmaf-anr aqdirma-aer aernaeq nyar, mirtsaq doeni guiqlanqdawq heu khar maeqkeuv-ir gar, zaqmiq aqbur heughaq nae mr-euq garkawv heu khawf maeqnaeq-awr, aqyawf-anr noeqkeuv taef-a.”

Maˬkuˆ 12:43

Yeqsur, aqyawf-euq zaqlanr deuq-anr kurlaf-awr heulof-aer aernaeq-euq mae, “Ngar, nawmaf-anr aqdirma-aer aernaeq nyar, irshaq irtaw miqcoeq miqma heughaq-aq, pyurdamq khar dawvlar-euq tsawrhaq dawqtawv luf-euq myavmaqtser dawv-euq mae.

Maˬkuˆ 11:23

Ngar, nawmaf-anr aqdirma-aer aernaeq nyar, aqsur ghaq maqkaq, yawqha nae aer-euq lof-aer pyeuflar taef-a laer jan-awr, nuima povpov lavlav-aer maqghaeni, gawqjawq heujawq-anr, ‘Nawq-euq jawrduq-anr nae dov-ir-awr, iqmalavshav-anr gapuf-ir-awq’ laer aernaeq ngae, aqyawf nae aer-euq lof-aer pyeuflar taef-a.

Maˬkuˆ 10:29

Yeqsur heulof-aer aerkhof naeq-euq mae, “Ngar, nawmaf-anr aqdirma-aer aernaeq nyar, ngaq-euq gharduq hawr-eu guiqlanq dawq-euq gharduq, nymr, maernmr, dmrma, aqma aqda, zaqmiq zaqyo hawr-eu daeyar byaerdzae yaf-euq tsawrhaq deuq-aq,

Maˬkuˆ 10:15

Ngar, nawmaf-anr aqdirma-aer aernaeq nyar, zaq yawnyir tiq ghaq lof-aer Miqyaer uvlanr-eu jeq-anr maq hageuf-eu aqsur ghaq maqkaq, Miqyaer uvlanr-eu jeq-anr tiqjeq ghaenae-iq maqya urler-ar.”

Maˬkuˆ 9:41

Ngar, nawmaf-anr aqdirma-aer aernaeq nyar, nawmaf, Kali-anr taf-eu tsawrhaq mirnae, ngaq-euq tsawrmyanr-anr ghoe-awr nawmaf-anr ircuf tiq khmq kharbi dawr naeqlaf-eu aqsur ghaq maqkaq, aqyawf-aq, mrpoeq lafsawq maqza-aer maqghae-ar.

Maˬkuˆ 9:1

Khoerngae, Yeqsur, aqyawf maf-anr aernaeq-eu, “Ngar, nawmaf-anr aqdirma-aer aernaeq nyar, heugar yawfluf-eu tiqpavnav deuq shir-eu jeq-anr maq myeufhaw-euq minav-aer, Miqyaer uvlanr-eu jeq baoq tiqbyanni anr-awr keuvle-eu gar ya’mawr taef-a.”

Maˬkuˆ 8:12

Khoerngae, Yeqsur, aqyawf-euq saflar-euq lafkhoer saf safma ghawrdav-awr aer-eu, “Heuzir-aq, aqjeq mirnae bisiq bimawr-eu jeq sharpov-eu nga? Ngar, nawmaf-anr aqdirma-aer aernaeq nyar, heuzir-anr bihaw-eu bisiq bimawr-eu jeq maqjav.”

Maˬkuˆ 6:11

Aqgeugar jawr-eu tsawrhaq maqaer, nawmaf-anr maqha-aer, nawmaf-euq dawq maq narhaq nar-aq, nawmaf khoergar nae dov-ir ngae, aqyawf maf-euq yawlaeq bi dovlar-eu sarkir pyeufni, nawmaf-euq aqkuir paeqzaq-euq uqmov-euq khaqlaer byuqkhar yaf-awq. Ngar, nawmaf-anr aqdirma-aer aernaeq nyar, yarkhaqdar ngae nan, meuq khoermeuq-aq, Sordoq hawr-eu Gormorlav navmaqtser yadaq taef-a.”

Maˬkuˆ 3:28

“Ngar, nawmaf-anr aqdirma-aer aernaeq nyar, tsawrhaqzaq nae mrbanq-euq yawqjeq navluf hawr-eu yaeqbawq saerlu-aer aer-euq yawqjeq navluf-euq iqbax-anr pyaeqnaeqnya taef-a.

Maꞈtehˬ 25:45

Khoerngae, sanqpaq, aqyawf maf-anr heulof-aer aerkhofnaeq taef-a, ‘Ngar, nawmaf-anr aqdirma-aer aernaeq nyar, tsawrhaq heudeuq-euq lafkhoer nae nyirdzaeq dzaeq-eu aqgeu ghaq-anr maqkaq, nawmaf maq janrnaeq-euq khoer-aq, ngaq-anr maq janrnaeq-euq gar dur-eu mae.’

Maꞈtehˬ 25:40

Khoerngae, Sanqpaq khoerghaq, aqyawf maf-anr aerkhof naeq-eu, ‘Ngar, nawmaf-anr aqdirma-aer aernaeq nyar, nawmaf nae ngaq-euq aqyuif aqnyir heudeuq-euq lafkhoer nae nyirdzaeq dzaeq-eu tiq ghaq-anr janrnaeq-euq khoer-aq, ngaq-anr janrnaeq laf-euq mae.’

Maꞈtehˬ 25:12

Aerkhawf, aqyawf aerkhof naeq-eu, ‘Ngar, nawmaf-anr aqdirma-aer aernaeq nyar, ngar, nawmaf-anr maq siqnya nya.’

Maꞈtehˬ 24:47

Ngar, nawmaf-anr aqdirma-aer aernaeq nyar, nymrsanr ghaq, kuirlaf zaqkhav khoerghaq-anr myawqganq dawqtawv luf-anr hawlanr-eu ghaq bigeuf taef-a.

Maꞈtehˬ 24:2

Yeqsur, aqyawf maf-anr aernaeq-eu, “Nawmaf heudeuq dawqtawv luf-anr mawrluf-eu ngar-a. Ngar, nawmaf-anr aqdirma-aer aernaeq nyar, khaqlo tiqsiq-euq khoertav tiqsiq jav-eu heudeuq dawqtawvluf, tiq siq taef-aer khawf maqbi dzaeqlarni yabi daepyav dzaejir taef-a.”

Maꞈtehˬ 23:36

Ngar, nawmaf-anr aqdirma-aer aernaeq nyar, heudeuq dawqtawvluf heuzir-euq khoertav keuvle taef-a.

Maꞈtehˬ 21:31

Zaqyo khoer nyiq ghaq-anr nae, aqda-euq nuima tsaqni mr-eu aqgeu ghaq nya?” Aqyawfmaf aerkhof-eu, “Aqyuif ghaq mir-a.” Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, jeq taf-eu tsawrhaq hawr-eu mawrdo anq-eu tsawrhaq deuq-aq, nawmaf-euq jeqhu nae Miqyaer uvlanr-eu jeq-euq lafkhoer urler luf-eu mae.

Maꞈtehˬ 21:21

Khoerngae, Yeqsur, aqyawf maf-anr heulof-aer aerkhof naeq-euq mae: “Ngar, nawmaf-anr aqdirma-aer aernaeq nyar, nawmaf jan-awr, nuima povpov lavlav-aer maqghae nar-aq, ngaq nae siqguq arbawr heubawr-anr janrnaeq-euq lof-aer, nawmaf khawf janrnya-eu uqtaf, ‘Nawq-euq jawrduq-anr nae dov-ir-awr, iqmalavshav-anr gapuf-ir-awq’ laer gawqjawq heujawq-anr aernaeq ngae, khoerlof-aer pyeuflar taef-a.

Maꞈtehˬ 19:28

Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, yawqjeq navluf yawshuif parlar-awr, Tsawrhaq-euq Zaqyo, aqyawf-euq yawshaef khanqsaer huiq-eu nuirmanq-anr nuir ngae, ngaq-euq maeqnan cantae-eu nawmaf khawf, nuirmanq 12 manq-anr nuir-awr, Irsaqleqlav tsawrjeuq 12 jeuq-anr yarkhaq yadar taef-a.

Maꞈtehˬ 19:23

Khoerngae, Yeqsur, aqyawf-euq zaqlanr deuq-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, smrmuiq smrbaw deuq, mqtav mirkhanq-anr urler-eu-aq shaq duidui-eu mae.

Maꞈtehˬ 18:18

“Ngar, nawmaf-anr aqdirma-aer aernaeq nyar, mirtsaq-euq khoertav nawmaf nae khar paftawf-euq jeq, mq-euq khoertav khawf paftawf taef-a. Mirtsaq-euq khoertav nawmaf nae khar puirpyaeq-euq jeq, mq-euq khoertav khawf puirpyaeq taef-a.

Maꞈtehˬ 18:3

heulof-aer aer-eu mae: “Ngar, nawmaf-anr aqdirma-aer aernaeq nyar, nawmaf nuima par-awr, zaq yawnyir lof-aer maq pyeuflar nar-aq, mqtav mirkhanq-anr tiqjeq ghaenae-iq maqya urler-a.

Maꞈtehˬ 11:11

“Ngar, nawmaf-anr aqdirma-aer aernaeq nyar, zaqmiq aqbur-anr nae khar daefle-euq tsawrhaq-anr nae, bartirsaq mrnaeq-eu Yorhaq navmaqtser huiqdzaeq-eu tiqghaq-iq maq dovlar haw-aq. Aerkhawf, mqtav mirkhanq-euq lafkhoer nyirdzaeq-eu ghaq khawf, Yorhaq navmaqtser huiqdzaeq-eu mae.

Maꞈtehˬ 10:42

Ngar, nawmaf-anr aqdirma-aer aernaeq nyar, aqsur ghaq maqkaq, aqcawq taf-aer nyirdzaeq-eu ngaq-euq zaqlanr tiq ghaq-anr ircuf yawtsaef tiq khmq bidawr-euq taef khawf, khoerghaq-aq, guiqlanq maqza-aer maqghae-ar.”

Maꞈtehˬ 10:15

Ngar, nawmaf-anr aqdirma-aer aernaeq nyar, yarkhaqdar ngae nan, meuq khoermeuq-aq, Sordoq hawr-eu Gormorlav mirtsaq navmaqtser yadaq taef-a.

Maꞈtehˬ 8:10

Yeqsur khoerlof-aer aer-eu gar yagaq ngae, zanq duidui ler-awr aqyawf-euq maeqnan cantae luf-eu deuq-anr heulof-aer aernaeq-euq mae: “Ngar, nawmaf-anr aqdirma-aer aernaeq nyar, Irsaqleqlav tsawrhaq-euq lafkhoer, ngar heunav nav-aer jan-eu tsawrhaq maq mawrhaw-aq.

Maꞈtehˬ 6:16

“Nawmaf dzardzaq sheuq-awr guiqlanqshar ngae, yawmuiq janrgeuf-eu tsawrhaq lof-aer myavpyawq nyoeqkheurni taqjawr. Aqjeq mirnae aernar-aq, aqyawf maf-aq, dzardzaq sheuq-awr guiqlanq sharluf nga laer, aqcawq bisiq bimawr-eu laer, myavpyawq nyoeqkheurni jawr-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Luˇkaꞈ 4:24

Yeqsur heulof-aer par aernaeq-euq mae, “Ngar, nawmaf-anr aqdirma-aer aernaeq nyar, Miqyaer gharduq ngaeqdan-eu tsawrhaq tiqghaq-iq yawqha-euq jawrkhanq-anr khanqsaer maqza-a.

Jaceuq 111:8

Heudeuq-aq, yawtsaq yawdawr-euq lafkhoer dawrcoeni mr-euq mirnae, Arsaq saq-awr li-eu maqbawni zif-eu mae.