Maꞈtehˬ 5:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ “Nawmaf-aq, mirtsaq-euq yawshaef mae. Gawqjawq-euq uqdu jav-eu meuq-anr maq daeqkaqzaf nya-a.

Akha

¹⁴ “Naw maꞈ-aˬ, miˇ tsaˬ dawˬ tawˆ luꞈ gʼaˇ duˬ yaw shehꞈ pyeuꞈ-eu meh. Gawˬ jawˬ uˬ du jaˆ-eu meuˬ-ahˇ maˬ dehˬ kaˬ zaꞈ nya-a.

Maꞈtehˬ 5:14 Referans Kwoze

Piˇliˇpiˆ 2:15

Khoerlof-aer mr nar-aq, nawmaf iqbax taqkhar maqza-aer, aqcawq-anr maqcoeq maqciv-eu tsawrhaq pyeuf taef-a. Khoeruqtaf, nuighof anr-awr, nanrpov-aer daefluf-eu heuzir-euq tsawrhaq hawr-eu mirtsaqzaq-euq ghanrcae, nawmaf-aq, yawlaeq maqanr-eu yawshaef lof-aer bya’naeq luf-eu Miqyaer-euq zaq pyeuf taef-a.

Yoˇhaˬ 8:12

Yeqsur, aqyawf maf-anr tiq pov par aernaeq-eu, “Ngar-aq, mirtsaq-euq yawshaef ma. Ngaq-euq maeqnan cantae-eu tsawrhaq-aq, yawzanr-euq lafkhoer maqpar can-aer, daef-eu jeq bif-eu yawshaef za taef-a.”

1 Teˇsaˬloˇni 5:5

Nawmaf yawqghaq navluf yawshaef-euq zaq hawr-eu nan’ghanr-euq zaq mae. Aqdui-aq, uqcif-anr taf-eu tsawrhaq maqngeur, yawzanr-euq lafkhoer jawr-eu tsawrhaq khawf maqngeur.

Dawqdaq 4:18

Aerkhawf, tsaq-awr dawr-eu tsawrhaq-euq cankawv-aq, Yawshaef bya-eu nanrma-anr dur-awr, Yawshaef bya-eu khoer, nanlov ngaeq-aer caelar nar-aq, ngaeq-aer byadzaeq lar-eu mae.

Yoˇhaˬ 12:36

Nawmaf jawr-eu gar yawshaef byaluf ngae, nawmaf yawshaef-euq zaq pyeuflarni yawshaef-anr jan-awq.” Yeqsur dawq heudeuq ngaeqghaq ngae, aqyawfmaf jawr-eu gar nae dov-ir-awr yawzaf zaf-aer jawr-ir-euq mae.

2 Gawˇliˬtu 6:14

Nawmaf, Kali-anr maqjan-eu tsawrhaq naeq-aer taqgawf. Tsaq-awr dawr-eu jeq hawr-eu zanrdawq-anr leur-eu jeq aqjox-aer gmler nya-eu? Yawshaef hawr-eu yawzanr cawq aqjox-aer cawqtaf nya-eu?

Yoˇhaˬ 5:35

Yorhaq-aq, dofbya taq-euq tsirkhmq lof-aer dur-eu mae. Nawmaf, aqyawf-euq yawshaef-euq lafkhoer tiqkhaeq-euq lafkhoer laqkhaq caer-eu nuima anr-eu mae.

Panmaeq 1:20

Nawq nae ya’mawr-euq, ngaq-euq armar laf-anr anr-eu aqguir shif siq hawr-eu, shuir nae janr-euq tsirkhmq dofdavduq shif hmq-anr tafler-awr zaftaq-euq dawqtsuif-aq heulof-aer mae: aqguir shif siq-aq, Kalizaq armur shif mur-euq mqtav ghaqkhaer deuq mae. Shuir nae janr-euq tsirkhmq dofdavduq shif hmq-aq, Kalizaq armur shif mur mae.”

Yoˇhaˬ 9:5

Ngar, mirtsaq-euq khoertav kharjawr-eu khoerkeuvni, ngar-aq, mirtsaq-euq yawshaef ma.”

Panmaeq 2:5

Khoermirnae, nawr aqgeugar nae gaka lef-euq le laer sharnoeq-awr, noeqpov noeqpar mr-eu uqtaf, nawq nae yawbae mr-euq lof-aer mr-awq. Nawr noeqpov noeqpar maqmr nar-aq, ngar, nawr jawr-eu gar yawkawr-aer oe-awr, nawq-euq tsirkhmq, ciqtaq duq-anr nae ciqdzae ma.