Maꞈtehˬ 5:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ “Ngar baqda’nae aqcawq, nawmaf-anr yaeqbawq-aer aerlar, nawmaf-anr khaeqlar khavlar, maqngeur-eu gar jaqmyawf myawf-eu lafkhoer nawmaf-anr ghawqmya jeq aerdoerlar ngae, nawmaf guiqlanq huiq-eu mae.

Akha

¹¹ “Naw maꞈ ngaˬ-euˬ mehˬ nah caw teh-eu baˬ da neh, aˬ cawˬ yehˬ bawˬ sehˇ lu-ehˇ ehˇ-eu, kʼehˬ-eu kʼaˆ-eu, maˬ ngeuˇ gaˇ keuˆ ni gʼawˬ mya jeˬ ja bu ja doeˇ-eu, heu deuˬ-ahˇ naw maꞈ ya daˬ ngeh, guiˬ lahˬ huiˬ-eu meh.

Maꞈtehˬ 5:11 Referans Kwoze

1 Beˬtuˆluˆ 4:14

Kali-euq tsawrmyanr baqda’nae, aqcawq, nawmaf-anr yaeqbawq-aer aerlar nar-aq, nawmaf guiqlanqhuiq taef-a. Aqjeq mirnae aernar-aq, yawshaef khanqsaer hawr-eu Miqyaer-euq Saflar, nawmaf-euq khoertav jawrluf-eu mae.

Luˇkaꞈ 21:17

Khoeruqtaf, ngaq-euq tsawrmyanr baqda’nae, tsawrhaq dawqtawvluf nawmaf-anr byae taef-a.

Maˬkuˆ 13:13

Khoeruqtaf, ngaq-euq tsawrmyanr baqda’nae, tsawrhaq dawqtawvluf nawmaf-anr byae taef-a. Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

Maꞈtehˬ 24:9

“Khoerngae, aqyawfmaf, nawmaf-anr khaeq-awr khav-eu jeq-euq lafkhoer a’naeq-awr nawmaf-anr saef taef-a. Ngaq-euq tsawrmyanr baqda’nae, mirkhanq-euq tsawrjeuq dawqtawvluf nawmaf-anr byae taef-a.

Luˇkaꞈ 6:22

“Tsawrhaq-euq Zaqyo-euq baqda’nae aqcawq, nawmaf-anr byae-awr nawmaf-anr sawxdzae naeqlaf-eu uqtaf, nawmaf-anr yaeqbawq saerlu-aer aerlar-awr, nawmaf-euq tsawrmyanr-anr yawdoer laer sawxdzae naeflaf ngae, nawmaf guiqlanqhuiq taef-a.

1 Beˬtuˆluˆ 2:23

Aqcawq, aqyawf-anr yaeqbawq-aer aer-euq khawf, aqyawf yaeqbawq-aer maq ngaeqkhof haw-aq. Aqyawf shaqzanq yadaq ngae khawf, aqcawq-anr guvtsiq nyaef-eu dawq maqngaeq-aer, aqyawf-euq mawrdo, tsaq-awr dawr-eu lafkhoer yarkhaq dar-eu Miqyaer-euq aqlaf-euq lafkhoer a’naeq-euq mae.

Yoˇhaˬ 15:21

Aerkhawf, ngaq-euq tsawrmyanr baqda’nae, khoerdeuq dawqtawvluf, aqyawfmaf, nawmaf-anr janrlar taef-a. Aqjeq mirnae aernar-aq, aqyawfmaf, ngaq-anr khaerghae lef-euq ghaq-anr maq siqnya-a.

Maꞈtehˬ 10:22

Khoeruqtaf, ngaq-euq tsawrmyanr baqda’nae tsawrhaq dawqtawvluf, nawmaf-anr byae taef-a. Aerkhawf, arsaqsaq ngae keuvni zif-eu tsawrhaq-aq, yabuq-ir taef-a.

Maꞈtehˬ 10:39

Yawqha-euq daefzir za’ni pov-eu tsawrhaq-aq, daefzir yasmq taef-a. Aerkhawf, ngaq-euq gharduq daefzir smq-euq tsawrhaq-aq, daefzir ya povmawr taef-a.

Panmaeq 2:3

Nawr daqcoer-awr orcoer duidui-eu lafkhoer, ngaq-euq tsawrmyanr-euq gharduq, ghaqdoer maqdoerni laejae duidui-euq mae.

Maꞈtehˬ 19:29

Ngaq-euq tsawrmyanr-euq gharduq, yawqha-euq nymr, maqngeur nar-aq, maernmr, dmrma, aqma aqda, zaqmiq zaqyo, daeyar, heudeuq byaerdzae yaf-euq tsawrhaq yawqghaq navluf, khoermyav maqtser 100 bymr za-eu uqtaf, mqmaq maqbyav yarzir daef-eu jeq za taef-a.

2 Gawˇliˬtu 4:11

Aqjeq mirnae aernar-aq, Yeqsur-euq daef-eu jeq, shirnya-eu nga’maf-euq mawrdo-anr nae byacaevni dovlar nya’ni, nga’maf daefluf-eu deuq-aq, aqmyanluf Yeqsur-euq gharduq shirni a’naeq-eu gar ya daqluf-eu ma.

1 Gawˇliˬtu 4:10

Nga’maf, Kali-euq gharduq aqdzawq argan pyeuf-eu khawf, nawmaf-aq, Kali-euq lafkhoer tsawrganr anr-eu tsawrhaq ngar-a! Nga’maf ghaq baq-eu khawf, nawmaf ghaq khav-eu ngar-a! Nga’maf-aq, hawteq hawdoer-eu gar yadaq-eu khawf, nawmaf-aq, myavpyawq narmaer jav-eu ngar-a!

Lormav 8:36

Yaerbof-euq lafkhoer boftaq-euq lof-aer, “Nawq-euq gharduq, nga’maf nan’ga-i saef-eu gar ya daqluf-eu ma. Nga’maf-aq, yabi saef-eu laer ghae-eu yawr lof-aer bi sawxtaq-euq ma.” (Jc 44:22)

Luˇkaꞈ 21:12

“Aerkhawf, heudeuq dawqtawvluf maq pyeuflar-euq minav-aer, aqcawq, nawmaf-anr nyaef-awr, khaeqlar khavlar taef-a. Aqcawq, nawmaf-anr zanrdawq khawqnymr-anr a’naeq-awr, kuv-anr khawf nyaefur naeqlaf taef-a. Ngaq-euq tsawrmyanr baqda’nae, nawmaf-anr sanqpaq deuq hawr-eu uvlanr-eu deuq-euq maeqshi sheuqghae naeqlaf taef-a.

Luˇkaꞈ 9:24

Aqjeq mirnae aernar-aq, aqsur ghaq maqkaq, yawqha-euq daefzir bibuq-ir mawf nar-aq, daef-eu jeq yasmq taef-a. Aerkhawf, aqsur ghaq maqkaq, ngaq-euq gharduq, yawqha-euq daefzir bismq nar-aq, daefzir za taef-a.

Maˬkuˆ 8:35

Aqjeq mirnae aernar-aq, aqsur ghaq maqkaq, yawqha-euq daefzir bibuq-ir mawf nar-aq, daefzir yasmq taef-a. Aerkhawf, aqsur ghaq maqkaq, ngaq-euq gharduq hawr-eu guiqlanq dawq-euq gharduq yawqha-euq daefzir bismq nar-aq, daefzir za taef-a.

Maꞈtehˬ 10:25

Zaqlanr tiq ghaq, saqlaq lof-aer durlar-awr, kuirlaf zaqkhav tiq ghaq, yawsanr ghaq lof-aer durlar nar-aq, nuikhanr shir-awq. Aqcawq, nymrsanr ghaq-anr Beqsaqburlar laer kur-euq nar-aq, aqyawf-euq miqsawrzaq deuq-anr ngeurdzaeq arnavni par kurdoer-eu paq nga!

Gʼaˬkʼehˇ 9:16

Ngaq-euq tsawrmyanr baqda’nae, aqyawf shaqzanq ghawqmya jeq yadaq-a laer ngar, aqyawf-anr bimawr ma.”

Jaceuq 44:22

Aerkhawf, nawq-euq gharduq, nga’maf nan’ga-i saef-eu gar ya daqluf-eu ma. Nga’maf-aq, yabi saef-eu laer ghae-eu yawr lof-aer bi sawxtaq-euq ma.

Maˬkuˆ 13:9

“Nawmaf yawqhar yawqha yawmuiq-aer yanr-awq. Aqjeq mirnae aernar-aq, aqcawq, nawmaf-anr khavma armur-anr a’naeq taef-a. Nawmaf, zanrdawq khawqnymr-euq lafkhoer yabi diq taef-a. Nawmaf, ngaq-euq baqda’nae, mirkhanq-anr uvlanr-eu deuq hawr-eu sanqpaq deuq-euq maeqshi yawf-awr, aqyawf maf-anr sarkir yakamq taef-a.

Maꞈtehˬ 27:39

Khoergar nae irtsaev lartsaev luf-eu deuq naqlaf zeuvzeuv-aer, Yeqsur-anr yaeqbawq saerlu-aer aer-eu mae.

Maˬkuˆ 4:17

Aerkhawf, aqyawf maf-euq lafkhoer duqcir maq ka’naf nya-euq mirnae, ghawqmyanrni maqgmq-a. Yaerdawq khoer-euq baqda’nae, shaq-awr zanq-eu jeq hawr-eu khaeq-awr khav-eu jeq keuvle ngae, aqyawfmaf tiqpov taef-aer coq-ir-eu mae.

Maꞈtehˬ 10:18

Khoeruqtaf, ngaq-euq baqda’nae aqcawq, nawmaf-anr meuqsanr deuq hawr-eu sanqpaq deuq-euq maeqshi sheuqghae taef-a. Nawmaf, ngaq-euq gharduq aqyawf maf-euq maeqshi hawr-eu aqcawq tsawrjeuq tsawrca-euq maeqshi sarkir yakamq taef-a.

Yoˇhaˬ 9:28

Khoerngae, aqyawfmaf, aqyawf-anr heulof-aer daeq-eu mae, “Nawr nga lawr nae, aqyawf-euq zaqlanr. Aerkhawf, nga’maf-aq, Morseq-euq zaqlanr le.

Jaceuq 35:11

Tsawrkaq geuf-eu yawghae deuq turlar-awr, Aqyawfmaf, ngar maq siqnya-eu jeq-anr keuvni narhaq lar-eu mae.

Piˇliˇpiˆ 1:29

Aqjeq mirnae aernar-aq, nawmaf, Kali-anr janni taef-aer maqngeur-eu, aqyawf-euq gharduq daqnya’ni khawf guiqlanq bifnaeq taq-euq mae.