Maꞈtehˬ 4:24 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Aqyawf-euq garkawv Surliv mirkhanq-anr keuvni gaqdoe-ir-euq mae. Khoerngae, nargawr ghawqmya jeq nar-eu tsawrhaq, nargawr yawkhav-aer ya daqluf-eu tsawrhaq, naef ur-eu tsawrhaq, mawrbawq seu-eu tsawrhaq hawr-eu kuirshir lafshir shir-eu tsawrhaq dawqtawv luf-anr, aqcawq, Yeqsur jawr-eu gar sheuqlaf-awr, Yeqsur, aqyawf maf-anr lavtaq naeq-euq mae.

Akha

²⁴ Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Maꞈtehˬ 4:24 Referans Kwoze

Maꞈtehˬ 17:15

“Sanqpaq-or! Ngaqli-anr ghawqshaq gaqnaeq laf-awq. Aqyawf mawrbawq coq-awr, shaq duidui luf-eu mae. Aqyawf ghawqmya pov miqdzaq-anr coqpuiv-awr, ghawqmya pov ircuf-anr coqpuf-eu mae.

Maꞈtehˬ 8:6

aer-eu, “Sanqpaq-or! Ngaq-euq kuirlaf zaqkhav tiq ghaq kuirshir lafshir shir-awr, nar duidui-eu lafkhoer irkanr galuf-eu mae.”

Luˇkaꞈ 5:15

Aerkhawf, Yeqsur-euq garkawv yawbae navmaqtser par gaqdoe-ir-euq mae. Tsawrhaq ghawqmya’ni aqyawf-euq dawq narhaqni maqaer, aqyawf maf-euq nar-awr gawr-eu jeq aqyawf nae bi lavtaqni maqaer uiqlar taq-euq mae.

Luˇkaꞈ 2:2

Heupov-aq, Surliv-anr Gurleqnir meuqsanr geufluf ngae, tsawrmyanr dawvbae bae-euq pov mae.

Maꞈtehˬ 17:18

Yeqsur, naef khoermawr-anr daeq ngae, naef khoermawr, aqyawf-anr nae dovle-euq mae. Khoerngae yamq-anr nae nar-aq, aqli khoerghaq taqler-euq mae.

Maꞈtehˬ 15:22

Khoerngae, Kaqnaq tsawrhaq-euq zaqmiq aqbur tiq ghaq mirkhanq khoercoer-anr nae lar-awr heulof-aer gur-eu mae, “Daqbir-euq Zaqyo, Sanqpaq-or! Ngaq-anr ghawqshaq gaqnaeq laf-awq. Ngaqbur-anr naef urler-awr yadaq duidui luf-eu mae.”

Maꞈtehˬ 12:22

Khoerngae, naef ur-awr dawq maq ngaeqnya-aer, myavbaef khawf baef-eu tiq ghaq-anr, aqcawq, Yeqsur jawr-eu gar sheuqlaf-euq mae. Yeqsur, khoerghaq-anr lavtaqnaeq ngae, dawq ngaeqnya lar-awr, myavnuiv khawf mawrnya lar-euq mae.

Gʼaˬkʼehˇ 10:38

Miqyaer, Naqzaqlaer tsawrhaq Yeqsur-anr Yawshawr Saflar hawr-eu baoq nae tsaqtsov-awr, aqyawf doedoe-aer can ngae, Miqyaer, aqyawf naeq-aer jawr-eu mirnae, yawmuiq jeq mr-awr, naef sanqpaq khaeq-awr khav-eu gar daqluf-eu tsawrhaq dawqtawv luf-anr bi taqler-euq mae.

Gʼaˬkʼehˇ 15:23

Aqyawfmaf nae bof-euq sanqbof-aq, heulof-aer boftaq-euq mae: “Nga’maf, ghaqkhaer deuq, aqyuif aqtsu deuq hawr-eu aqyuif aqnyir deuq, nawmaf, Aqdirawq, Surliv hawr-eu Girlirciv-anr jawr-eu, aqcawq tsawrjeuq tsawrca pyeuf-eu aqyuif aqnyir deuq-anr dawqcawqpuq ma.

Maˬkuˆ 2:3

Khoerngae, tsawrhaq oeq ghaq kuirshir lafshir shir-eu tiq ghaq-anr baf-awr lar-euq mae.

Maˬkuˆ 1:32

Nanrma ga’anr-awr, uqcif cifleluf ngae, aqcawq nar-awr gawr-eu tsawrhaq dawqtawvluf hawr-eu naef ur-eu tsawrhaq, Yeqsur jawr-eu gar sheuqlaf-euq mae.

Maꞈtehˬ 4:23

Yeqsur, Gaqliqlaer mirkhanq doeni cancan-aer, zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq guiqlanqdawq maeqnaeq-euq uqtaf, tsawrhaq khoerdeuq kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Gʼaˬkʼehˇ 15:41

Aqyawf, Surliv hawr-eu Girlirciv doedoe-aer, Kalizaq armur deuq-anr ghaq bifbif-aer can-euq mae.

Luˇkaꞈ 4:14

Yeqsur-aq, muiq-eu Saflar-euq baoq tiqbyanni anr-eu lafkhoer, Gaqliqlaer mirkhanq-anr ghofler-euq mae. Aqyawf-euq garkawv khoerkaq khoerlanr-anr gaqdoe-ir-euq mae.

Maˬkuˆ 1:28

Khoermirnae, Yeqsur-euq tsawrmyanr Gaqliqlaer mirkhanq jawqlaw jawrlawr doeni yawkawr-aer gaqdoe-ir-euq mae.

Maꞈtehˬ 14:1

Khoerngae, Yeqsur-euq garkawv gaqdoe-ir luf-eu gar sanqpaq Heqlor yagaq-awr,

Yoˇhaˬ 10:21

Aerkhawf, tiqpavnav deuq paraer-eu, “Aqyawf-euq dawq-aq, naef ur-eu tsawrhaq-euq dawq maqngeur nya. Naef-aq, myavbaef-anr bi mawrlarnya taef-a lor?”

Maꞈtehˬ 9:35

Khoerngae, Yeqsur, meuqdeuq pudeuq doeni ir-awr, aqyawf maf-euq zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq garkawv guiqlanqdawq maeqnaeq-euq mae. Khoeruqtaf, kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Maꞈtehˬ 9:26

Garkawv khoer mirkhanq khoerkhanq khanqlanni gaqdoe-ir-euq mae.

Maꞈtehˬ 8:28

Yeqsur, lan-euq nuibaq-anr jav-eu Gaqdaqlar mirkhanq-anr irkeuv ngae, naef ur-eu tsawrhaq nyiq ghaq lmqbymr-anr nae dovle-awr, Yeqsur jawr-eu gar oe-euq mae. Aqyawfnyaf ardzaeq-aer ghae-eu mirnae, garma khoerkanr-anr tiqghaq-iq maq cantsaev peuq-a.

Maꞈtehˬ 8:33

Aqzaf bo-eu deuq, meuq-euq lafkhoer caevghof ghae-awr, khar pyeuflar-euq yawqjeq navluf hawr-eu naef ur-eu khoer nyiq ghaq-euq garkawv dzawr-ir-euq mae.

Maˬkuˆ 2:4

Tsawrhaq jawrbyan taq-euq mirnae, Yeqsur jawr-eu gar maq bafurlef nya-aer, Yeqsur-euq uqduq-euq khoertav paw nymrmq lavpaef-euq mae. Aqyawfmaf, nymrmq lavpaef ghaq-euq nar-aq, kuirshir lafshir shir-eu khoerghaq-anr yufzar buibanq naeq-aer pyaeqka ghae-euq mae.

Maˬkuˆ 2:9

Kuirshir lafshir shir-eu ghaq-anr dawq aqgeu dawq aernaeq-eu awqdzaeq-eu la? ‘Nawq-euq iqbax pyaeqnaeq ghaq-euq ma’ laer aer-eu lor? Maqngeur nar-aq, ‘Tur-awr, nawq-euq yufzar baf-awr can’ghae-awq’ laer aer-eu laq?

Luˇkaꞈ 4:38

Yeqsur tur-awr zanrdawq khawqnymr-anr nae dov-ir-awr, Sirmoq-euq nymr-anr ur-ir-euq mae. Sirmoq-euq tsawrmawq aqbur ghaq yawlanr ardzaeq-aer lanrlanr-aer pyaqluf-eu mirnae, aqcawq, aqyawf-euq gharduq Yeqsur-anr tanqshar-euq mae.

Luˇkaꞈ 5:24

Aerkhawf, Tsawrhaq-euq Zaqyo-aq, mirtsaq-euq khoertav iqbax pyaeqnya-eu aryaq jav-eu ngar-a laer nawmaf-anr bisiq-eu ma.” Khoernar-aq, kuirshir lafshir shir-eu khoerghaq-anr aernaeq-eu, “Ngar, nawq-anr aernaeq nyar, tur-awr nawq-euq yufzar baf-awr irkanr ghof-ir-awq.”

Gʼaˬkʼehˇ 8:7

Aqjeq mirnae aernar-aq, tsawrhaq ghawqmya ghaq-euq lafkhoer ur-eu naef yawjawf deuq, tersar yawkhav-aer gurgur-aer dovle-euq mae. Kuirshir lafshir shir-eu hawr-eu kuircawv ghawqmya ghaq khawf taqler-euq mae.

Luˇkaꞈ 7:17

Yeqsur nae mr-euq garkawv khoer Yurdav mirkhanq hawr-eu jawqlaw jawrlawr gaqdoe-ir-euq mae.

Gʼaˬkʼehˇ 28:9

Khoerlof-aer pyeuflar ghaq-euq nar-aq, irjawlanr-anr jawr-eu nar-eu tsawrhaq nuideuq khawf lar-awr, nargawr taqler jir-euq mae.