Maꞈtehˬ 4:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoerngae nae nar-aq, Yeqsur dawqmaeq maeqdanq bae-eu lafkhoer aer-eu, “Noeqpov noeqpar-awq. Aqjeq mirnae aernar-aq, mqtav mirkhanq keuvle taq-euq mae.”

Akha

¹⁷ Aˇ yamˬ kʼoeˇ yamˬ-ahˇ neh aˇ dahˬ beh-awˇ, Yeˬsuˇ dawˬ mehˬ mehˬ-euˬ meh. “Mˬ taˆ Miˇ kʼahˬ peh le luꞈ meh. Iˬ baˇ noeˬ poˆ-awˬ” lehˇ ehˇ-eu gaˇ kawˆ mehˬ-euˬ meh.

Maꞈtehˬ 4:17 Referans Kwoze

Maꞈtehˬ 3:2

“Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”

Gʼaˬkʼehˇ 2:38

Khoerngae, Beqtuvluv, aqyawf maf-anr heulof-aer aernaeq-euq mae: “Miqyaer, nawmaf-euq iqbax pyaeqnaeqni noeqpov noeqpar-awr, Yeqsur Kali-euq tsawrmyanr-euq uqmov bartirsaq hageuf-awq. Khoerlof-aer janr nar-aq, Yawshawr Saflar-euq lafsawq za taef-a.

Luˇkaꞈ 5:32

Ngar, tsaq-awr dawr-eu tsawrhaq-anr kur-eu laer oe-euq maqngeur, iqbaxzaq yawqha-euq iqbax noeqpov noeqpar larni oe-euq ma.”

Luˇkaꞈ 24:47

Khoeruqtaf, nawmaf, aqyawf-euq tsawrmyanr-anr ghoe-awr, iqbax noeqpov-eu jeq hawr-eu iqbax pyaeqnaeq-eu garkawv, Yeqlursaqlaeq-anr nae mirkhanq-euq tsawrjeuq tsawrca dawqtawv luf-anr dawqmaeq ya’maeq-ir taef-a.

Gʼaˬkʼehˇ 17:30

Dzeurlaf ngae, tsawrhaq nae maq siqnya-aer mr-euq deuq-anr Miqyaer hawdzeur-euq mae. Aerkhawf, nymq-mr yawqgar navluf jawr-eu tsawrhaq dawqtawvluf noeqpov noeqpar-awq laer dawq bif-euq mae.

Maꞈtehˬ 9:13

Nawmaf heudawq-euq dawqtsuif dzaw-ir-awq, ‘Ngar lawrnaeq-eu jeq-anr geufmawf-eu maqngeur, ghawqshaq gaq-eu jeq-anr geufmawf mir-a.’ (Hs 6:6) Ngar, tsaq-awr dawr-eu tsawrhaq-anr kur-eu laer oe-euq maqngeur, iqbaxzaq noeqpov noeqpar larni oe-euq ma.”

Gʼaˬkʼehˇ 26:20

Khoernar-aq, ngar, Daqmaqsaer-anr maeqdanq bae-awr, Yeqlursaqlaeq-anr jawr-eu deuq, Yurdav mirkhanq doeni jawr-eu deuq hawr-eu, aqcawq tsawrjeuq tsawrca-anr noeqpov noeqpar-awr, Miqyaer jawr-eu paw pyawrlar-eu uqtaf, nawmaf noeqpov noeqpar-euq gar geux-eu gardeuq mrmr-aer daef-awq laer maeqnaeq-ir-euq ma.

Luˇkaꞈ 15:7

Khoerlof-aer durni, ngar, nawmaf-anr aernaeq nyar, iqbax maqya noeqpov-eu dawr-awr tsaq-eu tsawrhaq 99 ghaq-euq gharduq, mq-euq khoertav laqkhaq caer-eu navmaqtser, iqbaxzaq tiq ghaq noeqpov noeqpar-euq mirnae, mq-euq khoertav laqkhaq caerdzaeq-eu mae.

Gʼaˬkʼehˇ 3:19

Khoermirnae, noeqpov noeqpar-awr daefpov daefpar-awq. Khoerlof-aer janr nar-aq, Miqyaer, nawmaf-euq iqbax sivdzae naeqlaf-awr, Sanqpaq Miqyaer-euq maeqshi lavshuif-eu aryamq keuvle taef-a.

Luˇkaꞈ 15:10

Khoerlof-aer durni, ngar, nawmaf-anr aernaeq nyar, iqbaxzaq tiq ghaq noeqpov noeqpar nar-aq, Miqyaer-euq mqtav ghaqkhaer deuq-euq maeqshi khawf, aqyawf-euq gharduq laqkhaqcaer taef-a.”

Gʼaˬkʼehˇ 20:21

Yurdav tsawrhaq hawr-eu Heqlaqsar tsawrhaq-anr khawf, Miqyaer-euq maeqshi iqbax noeqpov-awr, aqdui-euq Sanqpaq Yeqsur Kali-anr jan-awq laer sarkir kamq-euq ma.

HeˬByehˇ 6:1

Khoermirnae, Kali-anr taf-eu dzawdanq bae-eu garkawv taef-aer jaja-aer maqpar jawr-aer, aqdui tsawrkhav khavlarni, garkawv heudeuq-anr dawqpaeq baepar baepar-aer maqpar jawrni maeqhu paw le kar-eur: gar yawshir-anr nae noeqpov noeqpar-eu, Miqyaer-anr jan-eu jeq-euq garkawv,

Gʼaˬkʼehˇ 11:18

Aqyawfmaf garkawv khoer-anr yagaq ngae, ciqcur savni jawr-awr Miqyaer-anr ciqhuiq ciqmanr-eu, “Tox-aer mar-iq, aqcawq tsawrjeuq tsawrca-anr khawf daef-eu jeq bi za’ni Miqyaer, aqyawf maf-anr bi noeqpov bi noeqpar-euq ngar-a.”

Maꞈtehˬ 25:1

“Khoermirnae, mqtav mirkhanq-aq heulof-aer dur taef-a. Yawqha-euq tsirkhmq ciq-awr, yoshuif-anr halaq ler-eu miqdaf dafshawr tser ghaq-anr dur taef-a.

Maꞈtehˬ 13:47

“Khoeruqtaf, mqtav mirkhanq-aq, za gheu-eu gar dur-eu mae. Iqmalavshav-anr za gheu ngae, ngaqshaq ngaqder yawqjeq navluf pafler-eu mae.

Maꞈtehˬ 10:7

Nawmaf irluf ngae, ‘Mqtav mirkhanq keuvle shaw-iq mae’ laer dawqmaeq maeqmaeq-aer can-ir-awq.

Luˇkaꞈ 9:2

Miqyaer uvlanr-eu garkawv maeqnaeqni hawr-eu nar-eu deuq-anr lavtaq naeqni, aqyawf maf-anr khaerdov ghae-euq mae.

Maꞈtehˬ 11:12

Bartirsaq mrnaeq-eu Yorhaq dovle-euq yamq-anr nae iqnan keuvni, mqtav mirkhanq za’ni deuvcae caeluf-eu mae. Nuima keuv-awr deuvcae cae-eu tsawrhaq deuq-aq, deuvza luf-eu mae.

Maꞈtehˬ 13:24

Yeqsur, aqyawf maf-anr yawjeq majeq dawq, yawqdawq yawq-anr nae heulof-aer maeqnaeq-euq mae: “Mqtav mirkhanq-aq heulof-aer dur-eu mae. Tsawrhaq tiq ghaq, aqyawf-euq caeryar-anr caer siqyoeq yawmuiq saeq-euq mae.

Maꞈtehˬ 13:9

Naqbawr tsof-awr khar gaqnya-eu tsawrhaq narhaq-awq.”

Maꞈtehˬ 13:11

Yeqsur heulof-aer aerkhof naeq-euq mae, “Aqjeq mirnae aernar-aq, mqtav mirkhanq-euq garkawv zaftaq-euq deuq nawmaf-anr taef-aer bi siqnya-awr, aqyawf maf-anr maqbi siqnya-aq.

Maꞈtehˬ 6:10

Nawr uvlanr-eu jeq bi keuvle law. Mq-euq khoertav nawq-euq nuikhanr shir-eu jeq byan-eu lof-aer, mirtsaq-euq khoertav khawf bi byanle law.

Luˇkaꞈ 3:23

Yeqsur, aqyawf-euq guiqlanq-euq gar mrdanqbae ngae, 30 khof aerghaqni khawvlar-euq mae. Aqyawf-aq, Yorsaev-euq zaqyo mae laer tsawrhaq noeq-eu mae. Tsuif guidavlef ngae heulof-aer mae: Yorsaev, Heqlir,