Maꞈtehˬ 3:17 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoerngae, mq-anr nae tersar ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.”

Akha

¹⁷ “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

Maꞈtehˬ 3:17 Referans Kwoze

Maꞈtehˬ 17:5

Beqtuvluv, dawq ngaeqluf ngae, yawshaef bya-eu mqdmr tiq tsanq aqyawf maf-anr uvtaeq le-awr, mqdmr-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma. Nawmaf, aqyawf-euq dawq narhaq geuf-awq.”

Jaceuq 2:7

Ngar, Ya’we Miqyaer-euq zanrtaq khoftaq bisiq bigaq ma. Ya’we Miqyaer, ngaq-anr heulof-aer aernaeq laf-euq mae, “Nawr-aq, ngaq-euq Zaqyo mae. Iqnan, ngar, nawq-euq Aqda pyeuflar-euq ma.

2 Beˬtuˆluˆ 1:17

Byan duidui-eu yawshaef khanqsaer-euq lafkhoer nae, ngaeqdov lef-euq tersar aer-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.” Khoerngae, aqyawf, Aqda Miqyaer-euq taqhuiq taqmanr-eu jeq hawr-eu yawshaef khanqsaer-anr za-euq mae.

Luˇkaꞈ 9:35

Khoerngae, mqdmr-anr nae tersar ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Nawmaf, aqyawf-euq dawq narhaq geuf-awq.”

Maꞈtehˬ 12:18

“Ngaq nae tserdov taq-euq ghaqzaq ghaqkhaer-anr hawsher-eq. Ngaq-euq nuima saflar, aqyawf-anr gaq duidui-awr, aqyawf-anr nuikhanrshir nya. Ngar, ngaq-euq Saflar, aqyawf-anr bif ma. Aqyawf, aqcawq tsawrjeuq tsawrca-anr tsaq-awr dawr-eu garkawv ja’maeq taef-a.

Maˬkuˆ 9:7

Khoerngae, jeqtmq tiq tsanq aqyawf maf-anr tanqtsanq le-awr, jeqtmq-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Nawmaf, aqyawf-euq dawq narhaq geuf-awq.”

Luˇkaꞈ 3:22

Khoerngae, Yawshawr Saflar, khaqkhoeq lof-aer dur-eu lafkhoer, aqyawf-euq khoertav zafka le-awr, mq-anr nae tersar ngaeqdov lef-eu, “Nawr-aq, ngar zawr gaq-eu ngaq-euq Zaqyo ma. Ngar, nawq-anr nuikhanrshir duidui ma.”

Maˬkuˆ 1:11

Khoernar-aq, mq-anr nae tersar ngaeqdov lef-eu, “Nawr-aq, ngar zawr gaq-eu ngaq-euq Zaqyo ma. Ngar, nawq-anr nuikhanrshir duidui ma.”

Gawˇlawˇsehˇ 1:13

Aqyawf, aqdui-anr yawzanr-euq baoq-euq lafkhoer nae bibuq-ir naeqlaf-awr, aqyawf zawr gaq-eu Zaqyo uvlanr-eu jeq-euq lafkhoer sheuqur naeqlaf-euq mae.

Eˇpeˇsu 1:6

Aqdui, aqyawf-euq guiqlanq yawdzanr-euq yawshaef khanqsaer-anr bi jaceuq-eu laer Miqyaer, aqyawf zawr gaq-eu ghaq-anr ghoe-awr, aqdui-anr hageuf naeqlaf-euq mae.

Yoˇhaˬ 5:37

Ngaq-anr khaerghae lef-euq Aqda khawf ngaq-euq garkawv sarkir kamq-eu mae. Nawmaf-aq, aqyawf-euq tersar tiqpov-iq maq gaqhaw-aer, aqyawf-euq pyawqnaq-anr khawf maq mawrhaw-aq.

Panmaeq 14:2

Khoernar-aq, ngar, ircuf ghawqmya’ni yoer-eu tersar hawr-eu khav duidui-eu mqjeq jeq-eu tersar lof-aer dur-eu tersar, mq-anr nae manrdov lef-eu gar yagaq-euq ma. Khoeruqtaf, ngar deur-mq diq-eu tsawrhaq, aqyawf ha-euq deur-mq cuq diq-eu tersar-anr khawf yagaq-euq ma.

Yoˇhaˬ 5:20

Aqda-aq, Zaqyo-anr gaq-awr, aqyawf kharmr-eu dawqtawvluf Zaqyo-anr bimawr-eu mae. Nawmaf bi zanqler paq-aer heudeuq navmaqtser huiq-eu jeq khawf, aqyawf, Zaqyo-anr bimawr taef-a.

1 Yoˇhaˬ 5:9

Tsawrhaq sarkir kamq-eu gar aqdui narhaq-eu ngeur nar-aq, Miqyaer sarkir kamq-eu gar ngeurdzaeq narhaq paq-aer ghae-eu mae. Aqjeq mirnae aernar-aq, Miqyaer sarkir kamq-eu-aq, aqyawf-euq Zaqyo-euq garkawv kamq-eu mae.