Maꞈtehˬ 3:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Yorhaq, Yeqsur-anr lavnaq-awr aer-eu, “Ngar, nawq nae bartirsaq bi mrnaeq-eu tsaq mae. Nawr ghaq, ngar jawr-eu gar paroe-euq le lor?”

Akha

¹⁴ Yoˇ haˬ Yeˬsuˇ-ahˇ iˇ cuꞈ shawˇ nehˬ-eu maˬ noeˬ doˆ coeˇ-ehˇ ehˇ-eu, “Ngaˇ-aˬ, nawˬ neh iˇ cuꞈ bi shawˇ paˬ-ehˇ gʼeh-eu tsawˇ haˬ ma. Ngaˬ neh iˇ cuꞈ bi shawˇ nehˬ-eu lehˇ nawˇ oe teˬ loˇ.”

Maꞈtehˬ 3:14 Referans Kwoze

Gaˬlaˬtiˆ 4:6

Nawmaf-aq, Miqyaer-euq zaq mirnae, Miqyaer, aqyawf-euq Zaqyo-euq Saflar, nawmaf-euq lafkhoer bi jawrle-awr, “Aqba, Aqda-or!” laer kur-eu mae.

Gaˬlaˬtiˆ 3:22

Aerkhawf, Yeqsur Kali-anr jan-eu mirnae, kharjan-eu tsawrhaq dawqma sarjax aertaq-euq lof-aer za’ni, Yaerbof-aq, yawqghaq navluf-anr iqbax-euq kuv-euq lafkhoer kalanr taq-euq mae.

Lormav 3:25

Miqyaer, Yeqsur Kali-anr lawrbyan-eu jeq lof-aer tserdov taq-euq mae. Jan-eu lafkhoer Yeqsur-euq shiq-anr ghoe-awr, aqyawf-euq tsaq-awr dawr-eu jeq bi dovlar-eu gharduq, Miqyaer ornya-eu nuima nae, dzeurlaf ngae tsawrhaq nae mr-euq iqbax-anr aqyawf hawdzeur-euq mae.

Lormav 3:23

Aqjeq mirnae aernar-aq, tsawrhaqzaq dawqtawvluf iqbax mr-awr, Miqyaer-euq yawshaef khanqsaer-anr nae kaq-ir taq-euq mae.

Yoˇhaˬ 1:16

Aqyawf byan-eu lafkhoer, aqdui yawqghaq navluf guiqlanq yawdzanr tiqjeq sair tiqjeq za-euq ma.

Luˇkaꞈ 1:43

Ngaq-euq Sanqpaq-euq aqma, ngar jawr-eu gar lar-eu heu, ngar aqgeugar nae za-euq guiqlanq nga?

Maꞈtehˬ 3:13

Khoerngae, Yeqsur, Yorhaq-euq bartirsaq hageuf-eu laer Gaqliqlaer mirkhanq-anr nae Yawrdaq lawrbaq-anr Yorhaq jawr-eu gar oe-euq mae.

Maꞈtehˬ 3:15

Khoerngae, Yeqsur, aqyawf-anr aerkhof naeq-eu, “Nymq-mr pov-aq, mrnaeq laf-awq. Aqjeq mirnae aernar-aq, aqdui-euq gharduq tsaq-awr dawr-eu jeq dawqtawvluf byanlarni mr-eu tsaq taef-a.” Khoernar-aq, Yorhaq, aqyawf-anr bartirsaq mrnaeq-euq mae.

Lormav 1:13

Aqyuif aqnyir deuq-or! Ngar, nawmaf-anr heulof-aer bi siqmawf mir-a. Nuigar jawr-eu aqcawq tsawrjeuq tsawrca-euq ghanrcae arsiq za-euq lof-aer, nawmaf-euq ghanrcae khawf arsiq uicuivnav za’ni, nawmaf jawr-eu gar lar ma laer ngar ghawqmya pov noeqtsaev-euq ma. Aerkhawf, nymq-mr keuvni lavtsoeq-eu jeq jav-eu mae.

HeˬByehˇ 7:23

Dzeurlaf ngae, Pirma tiqghaq sair tiqghaq yabi geuf-euq khoer-aq, aqyawfmaf gar mrdavlef ngae, shir-eu jeq lavtsoeq-eu mirnae mae.