Maꞈtehˬ 28:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Yawkawr-aer ghofler-awr, aqyawf shir-euq gar nae ghofdaef lar-euq mae laer aqyawf-euq zaqlanr deuq-anr dzawrgaq ler-awq. Khoeruqtaf, aqyawf, nawmaf-euq maeqhu nae Gaqliqlaer mirkhanq-anr leluf-eu mae. Khoergar nawmaf, aqyawf-anr ya’mawr taef-a laer aernaeq-awq. Haeq, heu-aq, ngar, nawnyaf-anr aernaeq-eu ma.”

Akha

⁷ Nymˬ-mˇ aˬ yawꞈ-euˬ zaˬ lahˇ deuˬ jawˇ gaˇ yaw kawˇ-ehˇ iˇ-awˇ, heu loꞈ-ehˇ ehˇ nehˬ-iˇ-awˬ. ‘Aˬ yawꞈ shiˇ-euˬ gʼoꞈ dehꞈ laˇ-awˇ, nymˬ-mˇ naw maꞈ-euˬ mehˬ hu Gaˬliˬlehˇ miˇ kʼahˬ-ahˇ iˇ dzeuˇ-euˬ meh. Naw maꞈ aˬ yawꞈ-ahˇ kʼoeˇ gaˇ ya mawˇ tehꞈ-a’ lehˇ ehˇ nehˬ-iˇ-awˬ. Ngaˬ neh naw maꞈ-ahˇ ehˇ nehˬ-euˬ dawˬ heu deuˬ yaw duˬ duˬ-ehˇ noeˬ taˬ-awˬ.”

Maꞈtehˬ 28:7 Referans Kwoze

Maꞈtehˬ 26:32

Aerkhawf, ngar ghofdaeflar ghaq-euq nar-aq, nawmaf-euq maeqhu nae Gaqliqlaer mirkhanq-anr le ma.”

Maꞈtehˬ 28:10

Khoerngae, Yeqsur, aqyawf nyaf-anr aernaeq-eu, “Taqguv. Ngaq-euq aqyuif aqnyir deuq-anr Gaqliqlaer mirkhanq-anr le-awq laer aernaeq ler-awq. Khoergar aqyawfmaf, ngaq-anr ya’mawr taef-a.”

Yoˇhaˬ 16:4

Garkawv heu ngar, nawmaf-anr aernaeq-euq ma. Aryamq tsaqlar ngae, ngaq nae nawmaf-anr aernaeq-euq deuq nawmaf noeqdovlar taef-a. Yawbae ngae, ngar, nawmaf-anr maq aernaeq-euq khoer-aq, ngar, nawmaf naeq-aer jawrluf-eu mirnae ma.”

1 Gawˇliˬtu 15:4

aqyawf-euq mawrdo bi bafpanq-euq mae. Khoernar-aq, Yaerbof-euq lafkhoer aertaq-euq lof-aer, smq nan keuvlar nar-aq ghofdaef lar-euq mae.

Yoˇhaˬ 14:29

“Khoerdeuq pyeuflar ngae nawmaf janni, nymq-mr maq pyeuflar-euq minav-aer, ngar, nawmaf-anr aernaeq-eu ma.

Luˇkaꞈ 24:34

Aqyawfmaf aer-eu, “Sanqpaq Yeqsur aqdirma-aer ghofdaef lar-euq mae. Aqyawf-euq mawrdo Sirmoq-anr bimawr-euq mae.”

Maˬkuˆ 16:13

Aqyawfnyaf ghofler-awr, zaqlanr nuideuq-anr ja’naeq-euq khawf, zaqlanr khoerdeuq, aqyawf nyaf-anr maqjan-a.

Maˬkuˆ 16:10

Aqyawf garkawv khoerdeuq, Yeqsur naeq-aer jawr-euq deuq-anr aergaq ler-euq mae. Khoerngae, aqyawfmaf dawqkawq kawqkawq-aer yawkhav-aer ngoerluf-eu mae.

Maˬkuˆ 14:28

“Aerkhawf, ngar ghofdaef lar-euq nar-aq, nawmaf-euq maeqhu nae Gaqliqlaer mirkhanq-anr le ma.”

Maꞈtehˬ 24:25

Hawsher-eq, maq pyeuflar-euq minav-aer ngar, nawmaf-anr aernaeq-eu ma.

1 Gawˇliˬtu 15:6

Khoernar-aq, tiqpov-euq lafkhoer taef-aer aqyuif aqnyir 500 ghaq dzaeqni-anr bimawr-euq mae. Tsawrhaq khoerdeuq myaqni tiqpav, iqnan keuvni daefluf-a siq. Aerkhawf, tiqpavnav deuq-aq shir-euq mae.

Maꞈtehˬ 28:8

Khoerngae, aqyawfnyaf guv khawf guv, laqkhaq khawf caer duidui-eu lafkhoer, aqyawf-euq zaqlanr deuq-anr dzawrnaeq ler-eu laer lmqbymr-anr nae yawkawr-aer caevghof lef-euq mae.