Maꞈtehˬ 27:51 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵¹ Khoerngae, hawsher-eq, uqduq tanqnymr nymrma-euq lafkhoer tawtaq-euq lawvkaq saqpar khoer, laftav-anr nae lafov keuvni, nyiq pav-aer pyaqdov ghae-euq mae. Mirluv luvlar-awr, khaqlo loma deuq tsawqpav lar-euq mae.

Akha

⁵¹ Kʼoeˇ ngeh, Uˬ duˬ tahˬ nymˇ nymˇ ma laꞈ kʼoeˇ taw taˬ-euˬ saˬ paˇ lawˆ kaˬ kʼoeˇ, uˬ duˬ-ahˇ neh dawˬ dahˬ-ahˇ doˆ ni, nyiˬ paˆ paˆ-iˇ-euˬ meh. Miˇ tsaˬ tahˬ kʼawˇ luˆ laˇ nyeh laˇ-awˇ, lo guˇ deuˬ tsawˬ paˆ-iˇ-euˬ meh.

Maꞈtehˬ 27:51 Referans Kwoze

Maˬkuˆ 15:38

Khoerngae, uqduq tanqnymr nymrma-euq lafkhoer tawtaq-euq lawvkaq saqpar khoer, laftav-anr nae lafov keuvni, nyiq pav-aer pyaqdov ghae-euq mae.

HeˬByehˇ 6:19

Aqdui noeqtmq-eu jeq-aq, lawq maqbi jiv-ir ni shmr kuvseuq seuqma nae seuqtaeq taq-euq lof-aer, aqdui-euq nuima saflar-anr zifdanni seuqtaeq taq-euq mirnae, saqpar lawvkaq-euq narkhan, Miqyaer-euq maeqshi urler nya’ni noeqtmq-eu jeq pyeuf-eu mae.

Luˇkaꞈ 23:45

nanrma-euq yawshaef maqbya-a. Khoerngae, uqduq tanqnymr nymrma-euq lafkhoer tawtaq-euq lawvkaq saqpar ghanrcae-anr nae nyiq pav-aer pyaq-ir-euq mae.

Panmaeq 11:19

Khoerngae, mq-euq khoertav jav-eu Miqyaer-euq uqduq tanqnymr nymrma panlar-awr, aqyawf-euq uqduq tanqnymr nymrma-euq lafkhoer, aqyawf-euq dawqma sarjax bawqkeuv-anr ya’mawr-euq ma. Khoernar-aq, mqmyawf myawf-awr, tersar manr-eu uqtaf, mqjeq jeq-awr mirluv luv-eu uqtaf, uqyaer arsiq khawf ga duidui-eu mae.

Maꞈtehˬ 27:54

Khoerngae, yardzoeq guirhuq hawr-eu aqyawf naeq-aer Yeqsur-anr lofluf-eu guirzaq deuq, mirluv luv-eu gar hawr-eu khar pyeuflar-euq deuq-anr ya’mawr ngae, guv duidui-ir-awr aer-eu, “Tsawrhaq heughaq-aq, aqdirma-aer Miqyaer-euq Zaqyo ngar-a!”

Maꞈtehˬ 28:2

Khoerngae, mirluvluv duidui lar-euq mae. Aqjeq mirnae aernar-aq, Sanqpaq Miqyaer-euq mqtav ghaqkhaer mq-anr nae zafka le-awr, khaqlo khoersiq ghaqkhaeq-anr nae ngawqdzae-awr, khaqlo khoersiq-euq khoertav nuirluf-eu mae.

Panmaeq 11:13

Khoerngae yamq-anr, mirluvluv duidui lar-awr, meuq heumeuq tser bymr-anr nae tiq bymr gabyav-euq mae. Mirluv luv-euq baqda’nae, tsawrhaq 7,000 ghaq shir-euq mae. Nuideuq-aq, guv duidui-ir-awr, mq-euq khoertav jawr-eu Miqyaer-anr ciqhuiq ciqmanr-eu mae.

HeˬByehˇ 9:3

Saqpar saeqghawv-anr tawtaq-euq saqpar nyiq lawv tiqlawv-euq narkhan-aq, ‘Shawr duidui-eu lawv’ laer kur-eu mae.

Jaceuq 18:15

Ya’we Miqyaer-or! Nawr lmqnaeq ngae, Nawq-euq narmaer narsaf bawghae lef-awr, Iqmalavshav dawqdan mawrlar jir-awr, mirtsaq-euq dawqpaeq duqpur byacaevni javluf-eu mae.

Jaceuq 18:7

Khoernar-aq, aqyawf nuima paer-eu mirnae, Gawqdur-euq dawqpaeq duqpur khawf, luvluv-aer ghaelar-awr nyinyi-aer ghaelar-euq uqtaf, Mirtsaq tanqkhawr khawf nyaenyae-aer ghaelar taq-euq mae.

Luˇkaꞈ 23:47

Yardzoeq guirhuq tiq ghaq khoerlof-aer pyeuflar-euq gar ya’mawr ngae, Miqyaer-anr ciqhuiq ciqmanr-eu lafkhoer aer-eu, “Tsawrhaq heughaq-aq, aqdir aqmar tsaq-awr dawr-eu tsawrhaq ngar-a!”