Maꞈtehˬ 27:19 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Pirlav yarkhaq dar-eu nuirmanq-anr nuirluf ngae, aqyawf-euq nymrdanq dawqtsaf heulof-aer tsafanr lef-euq mae, “Nawr, tsaq-awr dawr-eu tsawrhaq teughaq-anr tiqjeq-iq taqjanr. Iqnan ngar yufmav mav-eu lafkhoer, aqyawf-euq baqda’nae shaqzanq yadaq duidui-euq ma.”

Akha

¹⁹ Yaˇ kʼaˬ daˇ-eu nuiˇ mahˬ kʼoeˇ taˆ sahˬ paˬ Piˇlaˆ nuiˇ luꞈ ngeh, aˬ yawꞈ-euˬ nymˇ dahˬ heu loꞈ-ehˇ dawˬ tsaꞈ tsaꞈ ahˇ leꞈ-euˬ meh. “Iˬ baˇ maˬ ahˇ-eu tsawˇ haˬ kʼoeˇ gʼaˬ-ahˇ tiˬ jeˬ-iˬ taˬ jahˇ. Miˇ ciꞈ ngaˇ yuꞈ maˆ maˆ-eu laꞈ kʼoeˇ, aˬ yawꞈ baˬ da neh shaˬ zahˬ mˇ dui dui-euˬ ma.”

Maꞈtehˬ 27:19 Referans Kwoze

Maꞈtehˬ 27:24

Pirlav, aqyawf tiqjeq ghaenae-iq maq ghaqler nya-eu uqtaf, tsawrhaq luiqgha lar-eu taef ngar-a laer hawmawr ngae, ircuf ciq-awr tsawrhaq armaf mafma-euq maeqshi aqlaf dzuifdzuif-aer aer-eu, “Tsaq-awr dawr-eu tsawrhaq heughaq-euq shiq lavdov-euq iqbax ngaq-anr maqtaf de-eq, nawmaf-euq navni bijav ma.”

1 Beˬtuˆluˆ 2:22

“Aqyawf iqbax maq mrhaw-aer, aqyawf-euq khaqmae-euq lafkhoer khawf jaqmyawf maershuir maq povmawr nya-a.” (Isy 53:9)

Yoˇhaˬ 19:13

Pirlav dawq khoerdawq-anr yagaq ngae, Yeqsur-anr bi sheuqdov ghae-awr, Heqbyaer dawq Gaqbaqdaq laer kur-awr, Khaqlo khawqtaq-euq jawrduq laer kur-eu gar jav-eu yarkhaq dar-eu nuirmanq-anr nuir-euq mae.

Luˇkaꞈ 23:47

Yardzoeq guirhuq tiq ghaq khoerlof-aer pyeuflar-euq gar ya’mawr ngae, Miqyaer-anr ciqhuiq ciqmanr-eu lafkhoer aer-eu, “Tsawrhaq heughaq-aq, aqdir aqmar tsaq-awr dawr-eu tsawrhaq ngar-a!”

Dawqdaq 29:1

Maeqpar naeq-eu laer ghawqmya pov maeq-euq khawf, Kawqlanr mrghanr-eu tsawrhaq-aq, Maq lavsav nya-eu gar keuvni, Tiqpov taef-aer yakhaef-ir taef-a.

1 Yoˇhaˬ 2:1

Ngar gaq-eu zaqdeuq-or! Nawmaf iqbax maqya mrni, garkawv heudeuq ngar, nawmaf-anr bofnaeq-eu ma. Aerkhawf, tiqghaqnav iqbax mr-euq law nar-aq, aqdui-euq danzar tanqshar-eu tsaq-awr dawr-eu tiq ghaq Aqda Miqyaer jawr-eu gar jawrluf-eu ma. Aqyawf-aq, Yeqsur Kali mae.

Maꞈtehˬ 27:4

Aqyawf aer-eu, “Ngar iqbax maqanr-eu tsawrhaq-anr anqdzaq-euq mirnae, ngar iqbax mr-euq mir-a.” Khoerngae, aqyawfmaf aer-eu, “Khoer-aq, nawq-euq garkawv taef mae, nga’maf-anr aqjeq taf-eu la?”

Maꞈtehˬ 2:22

Aerkhawf, Aqgeqlar, aqyawf-euq aqda Heqlor-euq dzoeqdzaq za-awr, Yurdav mirkhanq-anr uvlanr luf-eu garkawv Yorsaev yagaq-euq mirnae, khoergar maq ghofler peuq-a. Yufmav mav-eu lafkhoer, Miqyaer, aqyawf-anr par maeqnaeq-awr, Gaqliqlaer mirkhanq-anr jawrler-euq mae.

Maꞈtehˬ 2:19

Heqlor shirdzeur-awr, Yorsaev, Irjirtuv-anr jawrluf ngae, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr heulof-aer aernaeq-euq mae,

Maꞈtehˬ 1:20

Yorsaev khoerlof-aer sharnoeqluf ngae, aqyawf yufmav mav-eu lafkhoer, Sanqpaq Miqyaer-euq mqtav ghaqkhaer dovle-awr heulof-aer aer-eu mae: “Daqbir-euq zaqyo Yorsaev-or, nawq nae aertsaev taq-euq Maqliv-anr sheuqdanq dzaq-eu taq noeqshaq. Aqjeq mirnae aernar-aq, aqyawf piluf-eu zaq-aq, Yawshawr Saflar-euq baqda’nae tsaevler-euq mae.

Luˇkaꞈ 23:41

Arnyaf heulof-aer yadaq-eu-aq tsaq mae. Arnyaf mrbanq-euq mirnae, daq paq-aer ghae-eu lof-aer daqluf-eu ma. Aerkhawf, teughaq-aq, tiqjeq-iq maq mrbanq-aq.”

Maꞈtehˬ 27:18

Aqyawfmaf, Yeqsur-anr myavnav nav-eu mirnae, aqyawf jawr-eu gar nyaefha lar-euq nga laer Pirlav siqnya-eu mae.

Gʼaˬkʼehˇ 12:21

Nanpax paxtaq-euq arnan keuvlar ngae, Heqlor-aq, sanqpaq-euq maeqtsoeq dm-awr, nuirmanq-anr nuir-awr nae aqyawf maf-anr dawqngaeq dawqtmr mrnaeq-euq mae.

Gʼaˬkʼehˇ 18:12

Aqgaqyar mirkhanq-anr Gaqliqoq sanrmrluf ngae, Yurdav tsawrhaq nuima tiqgar gm-awr, Pawrluv-anr muirni turlar-awr, aqyawf-anr yarkhaq dar-eu nuirmanq-anr sheughae-awr,

Gʼaˬkʼehˇ 18:16

Khoernar-aq, aqyawf, aqyawf maf-anr yarkhaq dar-eu nuirmanq-anr nae taedov ghae-euq mae.

Gʼaˬkʼehˇ 18:17

Khoerngae, Heqlaqsar tsawrhaq dawqtawvluf, zanrdawq khawqnymr-euq aqyuif Surdeq-anr tsuvtaeq-awr, yarkhaq dar-eu nuirmanq-euq maeqshi diq-euq mae. Aerkhawf, Gaqliqoq-aq, garkawv khoer aqyawf-anr tiqjeq-iq maqtaf-eu lof-aer jawr-eu mae.

Gʼaˬkʼehˇ 25:6

Beqtur, aqyawfmaf naeq-aer tser nan dzaeqni jawr-awr, Gaersaqlir-anr ghof-ir-euq mae. Nishawq ngae nan, aqyawf yarkhaq dar-eu nuirmanq-anr nuir-awr, dawq bif-awr, Pawrluv-anr bi sheuqlaq-ir-euq mae.

Gʼaˬkʼehˇ 25:10

Khoerngae, Pawrluv heulof-aer aerkhof naeq-euq mae: “Ngar, Gaersaq-euq yarkhaq dar-eu nuirmanq-euq maeqshi yawfluf-eu ma. Heugar jawr-awr ngaq-anr yarkhaq darnaeq-eu tsaq taef-a. Nawr siqduq-eu lof-aer, ngar, Yurdav tsawrhaq-anr mrbanq taq-euq tiqjeq-iq maqjav.

Gʼaˬkʼehˇ 25:17

Khoermirnae, aqyawfmaf heugar oekeuv ngae, ngar maq nyinaqni, nishawq ngae nan nae yarkhaq dar-eu nuirmanq-anr nuir-awr, dawq bif-awr tsawrhaq heughaq-anr bi sheuqdov laq-ir-euq ma.