Maꞈtehˬ 27:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoerngae yamq-anr, tsawrmyanr dov-eu Baqlaqbar laer kur-eu tiq ghaq kuv-anr ur-eu mae.

Akha

¹⁶ Kʼoeˇ ngeh, Yeˬsuˇ Baˬlaˬbaˇ lehˇ myahˇ-euˬ yaw haiˬ mˇ-eu tsawˇ myahˇ doˆ dui dui-eu tsawˇ haˬ tiˬ gʼaˬ tawˬ-ahˇ uˇ-eu meh.

Maꞈtehˬ 27:16 Referans Kwoze

Maˬkuˆ 15:7

Khoerngae, Baqlaqbar laer kur-eu tsawrhaq tiq ghaq jawr-eu mae. Aqyawf-aq, puiq-awr muir-eu baqmaf gm-awr puiq-awr muir ngae, tsawrhaq-anr saef-euq mirnae, shmrcav nae bi paftaq-euq mae.

Lormav 1:32

Heudeuq kharmr-eu tsawrhaq-aq, shir-eu geux mae laer Miqyaer nae tsaq-awr dawr-eu lafkhoer dartsaev taq-euq khoer-anr aqyawfmaf siqnya luf-eu khawf, aqyawfmaf mrluf-eu uqtaf, aqcawq khawf khoerlof-aer mrni nuima tsaq-eu mae.

Gʼaˬkʼehˇ 3:14

Nawmaf, Tsaq-awr dawr-eu Yawshawr ghaq-anr byaerdzae-awr, aqcawq-anr saef-eu tsawrhaq pyaeqnaeqlaf laer shar-euq mae.

Yoˇhaˬ 18:40

Khoerngae, aqyawfmaf dawqtawvluf pargur-awr aer-eu, “Teughaq maqngeur-eu, Baqlaqbar-anr pyaeq-awq.” Baqlaqbar khoerghaq-aq tanrjoe mae.

Luˇkaꞈ 23:25

Mirkhanq-anr puiq-awr, tsawrhaq-anr saef-euq mirnae, kuv-anr bi nyaefur taq-euq khoerghaq-anr-aq, aqyawfmaf shar-eu lof-aer pyaeqdov naeq-euq mae. Yeqsur-anr-aq, aqyawfmaf janrnaeq mawf-eu lof-aer janrnaeq nya’ni, aqyawf maf-euq aqlaf-anr a’naeq-euq mae.

Maꞈtehˬ 27:15

Tsawrhaq armaf mafma deuq, kuv-anr ur-eu tsawrhaq tiq ghaq bi pyaeqdov mawf-eu lof-aer, yawbuibui ngae, meuqsanr pyaeqdov naeq-eu zanr jav-eu mae.

Maꞈtehˬ 27:17

Tsawrhaq armaf mafma uiqlar-awr jawr-eu gar, Pirlav, aqyawf maf-anr narhaq-eu, “Nawmaf, ngaq nae aqgeu ghaq-anr bi pyaeqnaeq mawf-eu nya? Baqlaqbar-anr lor? Maqngeur nar-aq, Kali laer kur-eu Yeqsur-anr laq?”

Lormav 16:7

Ngaq naeq-aer kuv-anr urhaw-euq ngaq-euq aqyuif aqnyir pyeuf-eu Aqdawrniv hawr-eu Yurniv aqnyaf-anr khawf dawqcawq puq-eu ma. Aqyawf nyaf-aq, ngaq-euq maeqhu nae Kalizaq pyeuflar-awr, ghaqkhaer deuq-euq ghanrcae tsawrmyanr muiq-eu mae.