Maꞈtehˬ 27:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Uqbya byalar ngae, pirma aqyuif deuq hawr-eu mirkhanq-euq aqyuif aqtsu deuq dawqtawvluf, Yeqsur-anr bishir ma laer bawqtsaev-euq mae.

Akha

¹ Uˬ bya bya laˇ ngeh, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ dawˬ tawˆ luꞈ, Yeˬsuˇ-ahˇ bi sehꞈ-eu gʼaˇ duˬ bawˬ dzaˬ-euˬ meh.

Maꞈtehˬ 27:1 Referans Kwoze

Maˬkuˆ 15:1

Uqbya byalar-euq naeq-aer, pirma aqyuif deuq, aqyuif aqtsu deuq, zanr maeq-eu deuq hawr-eu khavma armur deuq dawqtawvluf uiqler-awr bawqdzaq-euq mae. Khoernar-aq, Yeqsur-anr paf-awr nae Pirlav jawr-eu gar sheuqha naeq-ir-euq mae.

Yoˇhaˬ 18:28

Uqshawq yawnaf-aer, aqyawfmaf, Yeqsur-anr Gaqyaqpar jawr-eu gar nae guirmaf dzoeqnymr-anr sheuqghae-euq mae. Aerkhawf, aqyawfmaf Baqsaqkaq yawbui-anr dzaqtaf nya’ni, guirmaf dzoeqnymr-anr maq urler-aq. Urler nar-aq, aqyawf maf-euq mawrdo maqshawrni pyeuf-ir-eu mae.

Luˇkaꞈ 22:66

Uqbya byalar-euq naeq-aer, Yurdav tsawrhaq-euq aqyuif aqtsu deuq, pirma aqyuif deuq hawr-eu zanr maeq-eu deuq tiqkawv lof-aer uiqler-awr, Yeqsur-anr aqyawf maf-euq khavma armur bawqdzaq-eu gar sheuqur lef-awr nae aer-eu,

Jaceuq 2:2

Mirkhanq sanqpaq deuq mrghanr-awr, uvlanr-eu tsawrhaq deuq gmler-awr, Ya’we Miqyaer hawr-eu aqyawf nae tsaqtsov-euq ghaq-anr puiq-eu laer maeqbawq mrluf-eu mae.

Maꞈtehˬ 23:13

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, aqcawq-euq maeqshi nawmaf, mqtav mirkhanq-euq larghov piqtaeq-eu mae. Yawqha maq urler-eu uqtaf, urler-eu laer ghae-eu tsawrhaq-anr khawf nawmaf, aqyawf maf-anr maqbi urler-a.

Gʼaˬkʼehˇ 5:21

Ghaqkhaer deuq dawq khoerdawq yagaq-euq mirnae uqshawq yawnaf-aer, uqduq tanqnymr nymrma-anr urler-awr maeqnaeq tsovnaeq-euq mae. Khoerngae, pirma yawhuiq ghaq hawr-eu aqyawf naeq-aer jawr-eu tsawrhaq deuq lar-awr, khavma armur hawr-eu Irsaqleqlav tsawrhaq-euq aqyuif aqtsu dawqtawvluf kuruiq jir-awr, kuv-anr nyaefur taq-euq ghaqkhaer deuq-anr bi sheuqdov laq-ir-euq mae.

Jaceuq 31:13

Aqcawq ghawqmya’ni jabu jadoer-eu, ngaq-anr gaqlar luf-eu mirnae, Guvlar paq-aer ghae-eu jeq yawqpaw navluf tiqjawq javluf-eu mae. Aqyawfmaf tiqgar uiqler-awr, Ngaq-euq daefzir-anr deuqni maeqbawq bawqluf ngae, Ngaq-anr saef-eu laer bawqtov tovluf-eu mae.

Jaceuq 71:10

Aqjeq mirnae aernar-aq, ngaq-anr muir-eu deuq ngaq-anr ngaeqcoeq-awr, Ngaq-euq daefzir yur-eu laer dzurzaf-awr dawqluf-eu deuq, uiqler-awr bawqluf-eu mae.

Luˇkaꞈ 13:1

Aryamq khoer-euq lafkhoer, tsawrhaq tiqpavnav deuq, Yeqsur jawr-eu gar lar-awr, Pirlav-aq, Gaqliqlaer tsawrhaq-euq shiq hawr-eu aqyawfmaf nae lawrnaeq-euq shiq bi yoerkeuq-euq garkawv ja’naeq-euq mae.