Maꞈtehˬ 26:39 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁹ Aqyawf maeqhu paw uicuiv irjiv-awr, mirtsa awbyav-awr nae guiqlanq shar-eu, “NgaqDa-or! Ghaenya nar-aq, khmqmaq heukhmq, ngaq-anr nae bidzeur-ir naeqlaf-awq. Aerkhawf, ngar nuima tsaq-eu lof-aer taqbi pyeuf. Nawr nuima tsaq-eu lof-aer bipyeuf law.”

Akha

³⁹ Aˬ yawꞈ ui cuiˆ iˇ jiˆ-awˇ, baˬ ba miˇ tsa tuˆ ni awˆ byaˆ-awˇ, heu loꞈ-ehˇ guiˬ lahˬ shaˇ-euˬ meh. “Ngaˬ Da-oˇ, shaˬ zahˬ naꞈ dui dui-eu kʼmˬ maˬ heu-ahˇ dzeuˇ-iˇ nya naˇ, bi dzeuˇ-iˇ laꞈ. Ehˇ kʼawꞈ, ngaˬ-euˬ nui noeˬ taˬ bi pyeuꞈ. Nawˬ-euˬ nui noeˬ bi pyeuꞈ-awˬ.”

Maꞈtehˬ 26:39 Referans Kwoze

Yoˇhaˬ 6:38

Aqjeq mirnae aernar-aq, ngar mq-anr nae oe-euq-aq, ngaq-euq nuima tsaq-eu lof-aer mr-eu laer oe-euq maqngeur, ngaq-anr khaerghae lef-euq ghaq nuima tsaqni mr-eu laer oe-euq ma.

Piˇliˇpiˆ 2:8

Aqcawq, aqyawf-anr tsawrhaq lof-aer pyeuf-eu gar ya’mawr-euq mae. Aqyawf nuinanq nuiyu taq-awr, shir-eu gar keuvni aerdawq narhaq geuf-euq mae. Shir-euq khoer-aq, lafyaq-euq khoertav shir-euq mae.

Maꞈtehˬ 26:42

Aqyawf parir-awr guiqlanq parshar-eu, “NgaqDa-or! Ngar khmqmaq heukhmq-anr maqdawr-euq khoer-aq maqjir nar-aq, nawr nuima tsaq-eu lof-aer bipyeuf-awq.”

HeˬByehˇ 5:7

Kali shiqshaq pi-awr daefluf ngae, aqyawf-anr shir-eu jeq-anr nae bibuq-ir nya-eu Miqyaer-anr, tersar yawkhav-aer gurgur-aer myavbir dov-eu lafkhoer, guiqlanq shar-awr tanqshar duidui-euq mae. Aqyawf, Miqyaer-anr yawzeu baw-eu lafkhoer guv-eu mirnae, Miqyaer, aqyawf-euq shardawq-anr narhaq-euq mae.

Yoˇhaˬ 5:30

“Ngar-aq, yawqha yawqha tiqjeq-iq maq mrnya nya. Ngaq nae yagaq-euq lof-aer ngar yarkhaq dar-eu ma. Ngaq nae yarkhaq dar-euq-aq, tsaq-awr dawr-eu ma. Aqjeq mirnae aernar-aq, ngar-aq, ngar nuima tsaq-eu lof-aer mr-eu maqngeur, ngaq-anr khaerghae lef-euq Aqda nuima tsaq-eu lof-aer mr-eu ma.

Yoˇhaˬ 14:31

Aerkhawf, ngar, Aqda-anr gaq-eu nga laer mirtsaqzaq yasiqni, Aqda, ngaq-anr dawq bifnaeq laf-euq lof-aer ngar mr-eu ma. Tur-awq, aqdui ir kar-eur.”

Yoˇhaˬ 18:11

Khoerngae, Yeqsur, Beqtuvluv-anr aernaeq-eu, “Nawq-euq micaer, tawvkhawv-anr soeqanr-awq. NgaqDa nae ngaq-anr bidawr-euq khmqmaq, ngar maqdawrni ghaenya taef-a lor?”

Yoˇhaˬ 11:41

Khoerngae, aqyawfmaf, shir-euq khoerghaq bafpanq taq-euq gar nae, khaqlo ngawqdzae-euq mae. Yeqsur mq paw ghawrleur-awr heulof-aer aer-eu mae, “Aqda-or! Nawr, ngaq-euq shardawq-anr narhaq-eu mirnae, ngar, nawq-anr jaceuq ma.

Maꞈtehˬ 20:22

Khoerngae, Yeqsur aer-eu, “Nawmaf aqjeq sharluf-eu le laer maq siqnya-a. Ngar dawr-eu laer ghae-eu khmqmaq, nawnyafnmr dawrnya-awr, ngaq nae hageuf-euq bartirsaq hageufnya ma laq?” Khoerngae, aqnyafnmr aer-eu, “Euq, nga’nyaf dawrnya-awr hageufnya ma.”

Maꞈtehˬ 24:24

Aqjeq mirnae aernar-aq, Kali jaqmyawf deuq hawr-eu Miqyaer gharduq ngaeqdan-eu jaqmyawf deuq dovle-awr, ghaenya nar-aq, Miqyaer nae tserdov taq-euq tsawrhaq deuq-anr sheuqbanq ghaeni, huiq duidui-eu bisiq bimawr-eu jeq hawr-eu zanq duidui ler paq-aer ghae-eu jeq, aqyawfmaf janrmaeq taef-a.

Panmaeq 19:10

Khoerngae, ngar awbyav ghae-awr aqyawf-euq aqkuir-anr uqduq tanq-eu laer ghae-euq ma. Aerkhawf, aqyawf, ngaq-anr aer-eu, “Hawsher-eq! Nawr teulof-aer taqpar janr de-eq. Ngar khawf, nawr hawr-eu Yeqsur-euq garkawv sarkir kamq-eu aqyuif aqnyir deuq lof-aer kuirlaf zaqkhav pyeuf-eu nawq-euq cawq ma. Miqyaer-anr uqduq tanq-awq. Aqjeq mirnae aernar-aq, Yeqsur-euq garkawv sarkir kamq-eu-aq, Miqyaer gharduq ngaeqdan-eu saflar mae.”

Gʼaˬkʼehˇ 10:25

Beqtuvluv urler-euq naeq-aer, Gorneqlir, aqyawf-anr mawr-awr, aqyawf-euq aqkuir-euq maeqshi awbyav-awr uqduq tanq-eu mae.

Luˇkaꞈ 17:16

Khoeruqtaf, Yeqsur-euq aqkuir-euq dawqpae awbyav taq-awr, Yeqsur-euq guiqlanq-anr jaceuq-eu mae. Tsawrhaq khoerghaq-aq, Saqmaqliv tsawrhaq mae.

Maˬkuˆ 13:22

Aqjeq mirnae aernar-aq, Kali jaqmyawf deuq hawr-eu Miqyaer gharduq ngaeqdan-eu jaqmyawf deuq dovle taef-a. Ghaenya nar-aq, tserdov taq-euq tsawrhaq deuq-anr khawf sheuqbanq ghaeni, bisiq bimawr-eu jeq hawr-eu zanqler paq-aer ghae-eu deuq aqyawfmaf janrmaeq taef-a.

Yoˇhaˬ 5:19

Khoernar-aq, Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, Zaqyo-aq, yawqha yawqha tiqjeq-iq maq mrnya-a. Aqda mr-eu gar mawr-awr, aqyawf mr-eu taef mae. Aqda kharmr-eu yawqjeq navluf Zaqyo khawf mrluf-eu mae.