Maꞈtehˬ 24:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Guirdeuv deuvluf-eu gar hawr-eu guirdeuv deuv-eu laer ghaeluf-eu gar nawmaf yagaq taef-a. Aerkhawf, taq tsawqguv-ir. Aqjeq mirnae aernar-aq, khoerdeuq dawqtawvluf maq pyeuflar-aer maq ghaenya-a. Aerkhawf, arsaq saq-eu maqngeur-a siq.

Akha

⁶ Dawˬ peh guiˇ deuˆ luꞈ-eu teˇ saˇ hawˇ-eu, gaˇ mahˇ kaˬ gaˇ guiˇ deuˆ-eu gaˇ kawˆ naw maꞈ-ahˇ gaˬ laˇ tehꞈ-a. Ehˇ kʼawꞈ, naw maꞈ taˬ tsawˬ guˆ-iˇ. Kʼoeˇ loꞈ-ehˇ gʼeh-eu jeˬ yaw beh keuˆ le tehꞈ-a. Ehˇ kʼawꞈ, aˇ saˬ saˬ-eu aˇ yamˬ keuˆ le-euˬ maˬ ngeuˇ-a siˬ.

Maꞈtehˬ 24:6 Referans Kwoze

Luˇkaꞈ 21:9

Guirdeuv deuvluf-eu gar maqaer, mirkhanq suqsaq luf-eu gar maqaer, nawmaf yagaq ngae guv-eu nuima taqanr. Aqjeq mirnae aernar-aq, heudeuq jeqhu ya pyeuflar-eu mae. Aerkhawf, tiqpov taef-aer arsaq saq-eu aryamq keuvle-eu maqngeur-a.”

Yoˇhaˬ 14:1

“Nawmaf-euq nuima maqsar-aer taqghae. Nawmaf, Miqyaer-anr jan-awr, ngaq-anr khawf jan-awq.

2 Teˇsaˬloˇni 2:2

Aqcawq, Kali-euq arnan keuvle-euq mae laer ja’naeq lar-eu khawf, saflar-euq lafkhoer yasiq-euq le laer ja’naeq lar-eu khawf, nga’maf sanqbof khoerlof-aer bofnaeq laf-euq mae laer aernaeq laf-eu law-awr khawf, nuima-euq lafkhoer taq noeqshaq, taq tsawqguv-ir.

Yoˇhaˬ 14:27

“Ngar, nawmaf-anr nuisar of-eu jeq bifyaf ma. Ngar, nawmaf-anr bif-eu ngaq-euq nuisar of-eu jeq heu-aq, mirtsaqzaq bif-eu lof-aer bif-eu maqngeur. Nawmaf-euq nuima maqsar-aer taqghae, guv khawf taqguv.

Jaceuq 112:7

Aqyawf yawdoer jeq-euq garkawv deuq ja-eu gar yagaq ngae maqguv-a. Aqyawf-euq nuima zifdanni ghae-awr, Ya’we Miqyaer-anr ghoe-eu mae.

Maꞈtehˬ 24:14

Miqyaer uvlanr-eu guiqlanqdawq heu, mirtsaq tanqkhawr doeni dawqmaeq ya’maeq-ir-awr, mirkhanq-euq tsawrjeuq dawqtawv luf-anr sarkir ya kamqnaeq-ir taef-a. Khoernar-aq, arsaq saq-eu aryamq keuvle taef-a.

Luˇkaꞈ 21:19

Nawmaf orcoer-eu baqda’nae, nawqmaf-euq nuima saflar za taef-a.”

Luˇkaꞈ 22:37

Ngar, nawmaf-anr aernaeq nyar, ‘Aqcawq, aqyawf-anr mrbanq mrlaeq-euq deuq naeq-aer sawxanr taef-a’ (Isy 53:12) laer boftaq-euq Yaerbof heudawq ngaq-euq lafkhoer ya byanlar taef-a. Aqjeq mirnae aernar-aq, ngaq-euq garkawv khar boftaq-euq deuq ya byanlar taef-a.”

Maꞈtehˬ 26:54

Ngar khoerlof-aer shar nar-aq, heulof-aer pyeuflar taef-a laer boftaq-euq Yaerbof khoerdeuq aqjox-aer byanlarnya nmr-mq?”

Maꞈtehˬ 2:3

Sanqpaq Heqlor yagaq ngae, nuima tiqpawf-iq maqsar-a. Yeqlursaqlaeq-anr jawr-eu tsawrhaq dawqtawvluf khawf nuima maqsar-a.

Panmaeq 6:4

Khoerngae, miqdzaq lof-aer ner-eu manq tiq mawr dovle-euq mae. Mirtsaq-euq khoertav tsaqler dzoerler-eu jeq-anr yurdzae-awr, tsawrhaqzaq tiqghaq tirghaq saefni, manq heumawr-anr dziqluf-eu ghaq-anr baoq biftaq-euq mae. Aqyawf-anr micaer mima tiq kanr khawf bifnaeq taq-euq mae.