Maꞈtehˬ 24:48 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁸ Aerkhawf, kuirlaf zaqkhav yawdoer nar-aq, ‘Ngaq-euq yawsanr ghaq yawkawr-aer maq ghofle-ar’ laer, nuima-euq lafkhoer noeqnoeq-aer,

Akha

⁴⁸ Ehˇ kʼawꞈ, aˬ yawꞈ maˬ muiˬ-eu zaˬ kʼaˆ pyeuꞈ lawˬ naˇ, ‘Ngaˬ-euˬ baw leˬ yaw awˬ awˬ-ehˇ maˬ gʼoꞈ le-aˇ’ lehˇ, yawˬ haˇ yawˬ ha ehˇ tehꞈ-a.

Maꞈtehˬ 24:48 Referans Kwoze

Maꞈtehˬ 18:32

Khoermirnae, yawsanr ghaq, aqyawf-anr kur-awr heulof-aer aernaeq-euq mae, ‘Zawr cawv-eu kuirlaf zaqkhav-or! Nawr, ngaq-anr tanqshar-eu mirnae, ngar, nawq-euq dzirdzov dawqtawv luf-anr byaernaeq-euq ma.

Luˇkaꞈ 12:45

Aerkhawf, ‘Ngaq-euq yawsanr ghaq yawkawr-aer maq ghofle-ar’ laer kuirlaf zaqkhav khoerghaq nuima-euq lafkhoer sharnoeq-awr, kuirlaf zaqkhav aqli deuq hawr-eu kuirlaf zaqkhav aqbur deuq-anr diqdiq-aer, dzaqyaef dawryaefluf nar-aq,

Gʼaˬkʼehˇ 5:3

Khoerngae, Beqtuvluv heulof-aer aernaeq-euq mae: “Aqnaqnir-or! Aqjeq mirnae nawq-euq nuima-anr naef Saqdaq bi urbyan lar-awr, Yawshawr Saflar-anr jaqmyawf myawf-awr, mirtsaq anqza-euq pyur uicuiv yurdov yaf-euq le?

Yoˇhaˬ 13:2

Cifhawq dzaqluf ngae, naef sanqpaq nae Sirmoq-euq zaqyo, Yurdav Irsaqgaqliqoq-euq nuima-euq lafkhoer, Yeqsur-anr anqdzaq-eu nuinoeq dawvanr naeq-euq mae.

Maˬkuˆ 7:21

Aqjeq mirnae aernar-aq, tsawrhaq-euq nuima-euq lafkhoer nae heudeuq dovlar-eu mae, Nuinoeq yawdoer, banq-awr joe-eu, banq-awr muv-eu, tsawrhaq-anr saef-eu,

Gʼaˬkʼehˇ 8:22

Nawr yawcawv jeq teu-anr nae noeqpov noeqpar-awq. Miqyaer-anr guiqlanq shar-awq, nawq-euq nuima-euq lafkhoer noeq-eu teu-anr Miqyaer iqbax pyaeqnaeq laf-eu baw-mr.

Luˇkaꞈ 19:22

Khoerngae, sanqpaq, aqyawf-anr heulof-aer aernaeq-euq mae, ‘Zawr cawv-eu kuirlaf zaqkhav-or! Nawq-euq khaqmae-anr nae dovle-euq dawq nae ngar, nawq-anr yarkhaqdar ma. Ngar-aq, zawr zir-eu tiq ghaq pyeuf-awr, ngaq nae maqbif-euq gar yur-awr, ngaq nae maqsaeq-euq gar yaeq-eu mae laer nawr siqnya-eu jeq mar-iq,

Maꞈtehˬ 25:26

“Khoerngae, Yawsanr ghaq, aqyawf-anr heulof-aer aerkhof naeq-euq mae, ‘Zawr cawv-awr yawdoer doer-eu kuirlaf zaqkhav-or! Ngaq nae maqka-euq gar, ngar yaeqdzaq-awr, ngaq nae maqsaeq-euq gar, ngar tawvuiq-eu mae laer, nawr siqnya-eu jeq mar-iq,

Maꞈtehˬ 24:47

Ngar, nawmaf-anr aqdirma-aer aernaeq nyar, nymrsanr ghaq, kuirlaf zaqkhav khoerghaq-anr myawqganq dawqtawv luf-anr hawlanr-eu ghaq bigeuf taef-a.

Maꞈtehˬ 24:49

danqbae-awr, kuirlaf zaqkhav nuideuq-anr diq-eu uqtaf, jirbaq dawryaef-eu tsawrhaq naeq-aer dzaqluf dawrluf nar-aq,