Maꞈtehˬ 24:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Miqyaer uvlanr-eu guiqlanqdawq heu, mirtsaq tanqkhawr doeni dawqmaeq ya’maeq-ir-awr, mirkhanq-euq tsawrjeuq dawqtawv luf-anr sarkir ya kamqnaeq-ir taef-a. Khoernar-aq, arsaq saq-eu aryamq keuvle taef-a.

Akha

¹⁴ Kʼoeˇ naˇ, miˇ tsaˬ tahˬ kʼawˇ heu doe ni, Miˬyehˇ Miˇkʼahˬ gaˇ kawˆ laˬ kʼaˬ cehˇ-eu guiˬ lahˬ dawˬ mehˬ doe tehꞈ-a. Kʼoeˇ dzeuˇ ngeh, aˇ saˬ saˬ-eu aˇ yamˬ keuˆ le tehꞈ-a.

Maꞈtehˬ 24:14 Referans Kwoze

Panmaeq 14:6

Khoernar-aq, ngar, mqtav mirkhanq-euq ghanrcae mqtav ghaqkhaer tiq ghaq zawluf-eu gar ya’mawr-euq ma. Aqyawf-aq, mirtsaq-euq khoertav kharjawr-eu tsawrjeuq tsawrca, arjeuq arca, dawqngaeq dawqbav hawr-eu tsawrhaq yawqjeq navluf-anr maeqnaeq-eu gharduq, mqmaq maqbyav yarzir-euq guiqlanqdawq piluf-eu mae.

Lormav 10:18

Aerkhawf, ngar narhaq mawf-eu-aq, aqyawfmaf maqya gaq-aq lor? Aqdir yagaq-euq mae. “Aqyawf maf-euq tersar, mirkhanq doeni irkhawq ghae-awr, Aqyawf maf-euq dawq mqdzer mirdzer irkeuv taq-euq mae.” (Jc 19:3)

Luˇkaꞈ 24:47

Khoeruqtaf, nawmaf, aqyawf-euq tsawrmyanr-anr ghoe-awr, iqbax noeqpov-eu jeq hawr-eu iqbax pyaeqnaeq-eu garkawv, Yeqlursaqlaeq-anr nae mirkhanq-euq tsawrjeuq tsawrca dawqtawv luf-anr dawqmaeq ya’maeq-ir taef-a.

Gawˇlawˇsehˇ 1:23

Nawmaf nae yagaq-euq guiqlanq dawq-anr taf-eu noeqtmq-eu jeq-anr nae maq jivdov-ir ni, jan-eu lafkhoer dawqpaeq zif-awr, zifdanni nyaeftaeqtaq nya-euq ngeur nar-aq, khoer-aq, mq-euq uqmov baetaq-euq yawqjeq navluf-anr dawqmaeq maeqnaeq-euq mirnae mae. Ngar, Pawrluv khawf khoer-euq gharduq kuirlaf zaqkhav geuflar-euq ma.

Maꞈtehˬ 10:7

Nawmaf irluf ngae, ‘Mqtav mirkhanq keuvle shaw-iq mae’ laer dawqmaeq maeqmaeq-aer can-ir-awq.

Maꞈtehˬ 9:35

Khoerngae, Yeqsur, meuqdeuq pudeuq doeni ir-awr, aqyawf maf-euq zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq garkawv guiqlanqdawq maeqnaeq-euq mae. Khoeruqtaf, kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Gawˇlawˇsehˇ 1:6

Yawtsaq yawdawr-anr taf-eu Miqyaer-euq guiqlanq yawdzanr garkawv khoer, mirtsaq doeni gaqbyan-ir-awr, arsiq siqle luf-eu lof-aer, nawmaf jawr-eu gar gaqkeuv le-awr, nawmaf yagaq-awr siqnya-euq nan-anr nae nar-aq, nawmaf-euq ghanrcae khawf arsiq siqle luf-eu mae.

Maꞈtehˬ 24:6

Guirdeuv deuvluf-eu gar hawr-eu guirdeuv deuv-eu laer ghaeluf-eu gar nawmaf yagaq taef-a. Aerkhawf, taq tsawqguv-ir. Aqjeq mirnae aernar-aq, khoerdeuq dawqtawvluf maq pyeuflar-aer maq ghaenya-a. Aerkhawf, arsaq saq-eu maqngeur-a siq.

Maꞈtehˬ 4:23

Yeqsur, Gaqliqlaer mirkhanq doeni cancan-aer, zanrdawq khawqnymr-euq lafkhoer maeqnaeq tsovnaeq-awr, mqtav mirkhanq-euq guiqlanqdawq maeqnaeq-euq uqtaf, tsawrhaq khoerdeuq kharnar khargawr-eu jeq hawr-eu nargawr yawqjeq navluf-anr lavtaq naeq-euq mae.

Gʼaˬkʼehˇ 17:6

Aerkhawf, aqyawf nyaf-anr maq povmawr nya-eu mirnae, Yaqsoq hawr-eu aqyuif aqnyir tiqpavnav deuq-anr gheu-awr meuq-anr uvlanr-eu deuq jawr-eu gar lekeuv ngae, heulof-aer gurgur-aer aer-eu mae, “Mirtsaq povlav par-eu tsawrhaq deuq, heugar khawf oekeuv taq-euq ngar-a.

Panmaeq 3:10

Nawr, ngaq-euq dawq narhaq geuf-awr daqcoer orcoer-eu mirnae, mirtsaq-euq khoertav kharjawr-eu tsawrhaqzaq-anr tsermr-eu shaq-awr zanq-eu jeq keuvle ngae, ngar, nawq-anr bibuq-ir ma.

Gʼaˬkʼehˇ 20:25

“Hawsher-eq, ngar, nawmaf-euq ghanrcae cancan-aer, Miqyaer uvlanr-eu garkawv maeqnaeq-euq ma. Aqkar nar-aq, nawmaf dawqtawvluf ngaq-euq myavpyawq-anr maqpar ya’mawr-a laer ngar siqnya ma.

Maꞈtehˬ 24:3

Yeqsur, Saqloq gawqjawq-anr nuirluf ngae, zaqlanr deuq taef-aer ciqcurni aqyawf jawr-eu gar lar-awr Yeqsur-anr narhaq-eu, “Heudeuq aqmyan pyeuflar-eu la? Nawr zafka le-eu hawr-eu mirtsaq heu arsaqsaq ngae pyeuflar-eu deuq, bisiq bimawr-eu jeq aqjeq jav-eu la laer nga’maf-anr ja’maeq naeqlaf-awq.”

Panmaeq 16:14

Naef khoerdeuq-aq, bisiq bimawr-eu jeq mrmawr-eu naefdeuq-euq saflar mae. Baoq huiq duidui-eu Miqyaer-euq arnan nanma ngae nan, guirdeuv deuv-eu gharduq, mirtsaq-euq khoertav doeni jawr-eu sanqpaq deuq bi uiqlar-eu laer naef khoerdeuq dov-ir taq-euq mae.

Luˇkaꞈ 4:5

Khoernar-aq, naef sanqpaq, aqyawf-anr gawqjawq yawgor-anr sheuqdav lef-awr, aqyawf-anr tiqkhaeq taef-aer mirtsaq-euq khoertav kharjav-eu mirkhanq dawqtawvluf bimawr-euq mae.

Gʼaˬkʼehˇ 1:2

Yeqsur, Yawshawr Saflar-anr ghoe-awr, aqyawf nae tserdov taq-euq ghaqkhaer deuq-anr dawq bifyaf-awr, mqtav bi sheuqdav lef-euq gar keuvni boftaq-euq ma.

Gʼaˬkʼehˇ 11:28

Aqyawf maf-euq lafkhoer, Aqgaqbar laer kur-eu tiq ghaq turlar-awr, muiq-eu Saflar sheuqghae-eu lafkhoer, mirtsaq doeni maefdui shuf duidui-eu jeq keuvle taef-a laer bimawr-euq mae. Maef-awr shuf-eu khoer-aq, sanqpaq Gaersaq Gaqlawrdir dzoeqdzaq mrluf ngae keuvle-euq mae.

Maꞈtehˬ 18:19

“Ngar, nawmaf-anr aqdirma-aer par aernaeq nyar, mirtsaq-euq khoertav, nawmaf-euq lafkhoer tsawrhaq nyiq ghaq nuima gm-awr, tiqjeqnav shar nar-aq, mq-euq khoertav jawr-eu ngaqDa-aq, aqyawfnyaf shar-eu lof-aer aqdir bi pyeuflar taef-a.

Luˇkaꞈ 2:1

Khoerngae yamq-anr, heulof-aer pyeuflar-euq mae. Mirkhanqzaq dawqtawvluf tsawrmyanr yadawv-eu mae laer sanqpaq Gaersaq Awrgurtuv dawq bif-euq mae.

Maˬkuˆ 13:10

Aerkhawf, guiqlanqdawq heu, mirkhanq-euq tsawrjeuq dawqtawv luf-anr jeqhu yabi gaqdoe-ir taef-a.

Gʼaˬkʼehˇ 17:31

Aqjeq mirnae aernar-aq, aqyawf nae aryaq biftaq-euq ghaq-anr ghoe-awr, mirtsaqzaq-anr tsaq-awr dawr-eu lafkhoer aqyawf yarkhaq dar-eu laer nanpax paxtaq-euq mae. Aqyawf-anr shir-euq gar nae bi ghofdaef lar-euq gar ghoe-awr, Miqyaer nae khoerghaq-anr aryaq biftaq-euq mae laer tsawrhaqzaq dawqtawv luf-anr yawduq baw-eu jeq bifnaeq-euq mae.”

Gʼaˬkʼehˇ 19:27

Khoermirnae, aqdui-euq gar heu tsawrmyanr cawv-ir-eu taef-aer maqngeur-eu, Aqsir mircoer hawr-eu mirtsaqzaq dawqtawvluf uqduq tanqluf-eu, khanqsaer huiq-eu Aqdeqmir miqyaerma-euq uqduq tanqnymr khawf, tiqjeq-iq gardanr maqtsoeq-eu lof-aer pyeuf-ir-awr, aqyawf-euq yawshaef khanqsaer khawf cawv-ir gar yaguv-eu mae.”

HeˬByehˇ 1:6

Aerkhawf, aqyawf-euq huqbaw zaqyo ghaq-anr mirtsaq-euq khoertav bi’oe ngae, aqyawf heulof-aer aer-eu mae, “Miqyaer-euq mqtav ghaqkhaer dawqtawvluf, aqyawf-anr uqduq tanq-awq.” (Dm 32:43)

HeˬByehˇ 2:5

Miqyaer-aq, aqdui aerkeuv luf-eu aqkar javle-eu mirtsaq tanqkhawr khoer-anr mqtav ghaqkhaer nae bi uvlanr-eu laer maqngeur-a.