Maꞈtehˬ 24:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoerngae, tsawrhaq ghawqmya’ni, ngaq-anr sanqtif tif-awr byaerdzae taef-a. Aqyawfmaf tiqghaq tirghaq anqdzaq-awr, tiqghaq tirghaq byae taef-a.

Akha

¹⁰ Tsawˇ haˬ gʼawˬ mya ni, yawˬ ha-euˬ jah-eu jeˬ-ahˇ byehˇ dzeh tehꞈ-a. Aˬ yawꞈ maꞈ tiˬ gʼaˬ tiˇ gʼaˬ saˇ jaˇ puiˬ-awˇ, tiˬ gʼaˬ tiˇ gʼaˬ muiˇ tehꞈ-a.

Maꞈtehˬ 24:10 Referans Kwoze

Luˇkaꞈ 21:16

Nawmaf-euq aqma aqda, maernmr deuq, aqyuif aqnyir hawr-eu cawqdeuq khawf, nawmaf-anr anqdzaq taef-a. Aqyawfmaf, nawmaf tiqpavnav deuq-anr shir-eu gar bikeuv taef-a.

Maˬkuˆ 13:12

Khoerngae, yawqha-euq maernmr yawkaq shir-eu gar keuvni anqdzaq-awr, aqda khawf yawqha-euq zaq-anr khoerlof-aer janr taef-a. Zaqdeuq khawf aqma aqda-anr muir-awr bishirni tov taef-a.

Maꞈtehˬ 11:6

Ngaq-euq baqda’nae sanqtif maqtif-eu tsawrhaq-aq, guiqlanqhuiq taef-a.”

Maˬkuˆ 4:17

Aerkhawf, aqyawf maf-euq lafkhoer duqcir maq ka’naf nya-euq mirnae, ghawqmyanrni maqgmq-a. Yaerdawq khoer-euq baqda’nae, shaq-awr zanq-eu jeq hawr-eu khaeq-awr khav-eu jeq keuvle ngae, aqyawfmaf tiqpov taef-aer coq-ir-eu mae.

2 Tiˆmoˇseˬ 4:16

Yarkhaq darduq-anr, ngaq-euq garkawv ngar yawbae pov jashawler ngae, yawqghaq navluf, ngaq-anr byaerdzae naeqlaf-awr ngaq-anr cawba naeqlaf-eu tiqghaq-iq maqjawr-a. Aerkhawf, iqbax heu aqyawf maf-euq khoertav taqtaq.

Maꞈtehˬ 13:21

Aerkhawf, aqyawf-euq lafkhoer duqcir maq ka’naf nya-euq mirnae, ghawqmyanrni maqgmq-a. Dawq khoer-euq baqda’nae shaq-awr zanq-eu jeq hawr-eu khaeq-awr khav-eu jeq keuvle ngae, tiqpov taef-aer coq-ir-eu mae.

Maꞈtehˬ 10:21

“Khoerngae, yawqha-euq maernmr yawkaq shir-eu gar keuvni anqdzaq-awr, aqda khawf yawqha-euq zaq-anr khoerlof-aer janr taef-a. Zaqdeuq khawf aqma aqda-anr muir-awr bishirni tov taef-a.

2 Tiˆmoˇseˬ 4:10

Aqjeq mirnae aernar-aq, Deqmav-aq, heuzir-anr taf-eu mirtsaq-anr gaq-eu mirnae, ngaq-anr byaerdzae-awr, Tersaqlorni-anr ir-euq mae. Gaqleqgeq-aq, Gaqlaqtiv-anr le-euq mae. Tirtuv khawf Daqlaqmaqdir-anr ir-euq mae.

2 Tiˆmoˇseˬ 1:15

Nawr siqnya-eu lof-aer Aqsir mircoer-anr jawr-eu tsawrhaq yawqghaq navluf ngaq-anr byaerdzae naeqlaf-euq mae. Tsawrhaq khoerdeuq-euq lafkhoer, Piqgeqlur hawr-eu Heqlarmorjeq khawf keuq-eu mae.

Maꞈtehˬ 13:57

Aqyawfmaf, aqyawf-anr nuima maqsar-a. Khoermirnae, Yeqsur aer-eu, “Miqyaer gharduq ngaeqdan-eu tsawrhaq-aq, yawqha-euq jawrkhanq hawr-eu yawqha-euq nymrkhanq-euq lafkhoer maqngeur nar-aq, khanqsaer maqjav-aer maqghae-a.”

Maꞈtehˬ 24:11

Khoeruqtaf, Miqyaer gharduq ngaeqdan-eu jaqmyawf deuq ghawqmya’ni dovle-awr, tsawrhaq ghawqmya ni-anr sheuqbanqghae taef-a.