Maꞈtehˬ 23:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aerkhawf, aqcawq nae nawmaf-anr ‘Saqlaq’ laer taqbi kur. Aqjeq mirnae aernar-aq, nawmaf-euq saqlaq tiq ghaq taef-aer jawr-awr, nawmaf dawqtawvluf aqyuif aqnyir taef mae.

Akha

⁸ Naw maꞈ-ahˇ ‘saˬ laˬ’ lehˇ taˬ bi kuˇ. Aˬ jeˬ miˇ neh ehˇ naˇ, naw maꞈ dawˬ tawˆ luꞈ mehˇ nmˇ loꞈ-ehˇ gʼeh-awˇ, sa laˬ tiˬ gʼaˬ jawˇ-eu tehꞈ meh.

Maꞈtehˬ 23:8 Referans Kwoze

Yaˬkoˆ 3:1

Ngaq-euq aqyuif aqnyir deuq-or! Ghawqmya ghaq-aer maeqnaeq tsovnaeq-eu tsawrhaq taqgeuf. Aqjeq mirnae aernar-aq, aqdui maeqnaeq tsovnaeq-eu deuq-aq, aqcawq navmaqtser yarkhaq dar-eu gar yadaq-eu mae laer nawmaf siqnya-eu mae.

1 Beˬtuˆluˆ 5:3

Nawmaf-anr bi bosav-euq yawrmaf-euq khoertav, sanqpaq taqgeuf. Aerkhawf, aqyawfmaf hawgeuf dzawgeufduq pyeuf-awq.

Luˇkaꞈ 22:32

Aerkhawf, nawr jan-eu jeq maqya byaerdzaeni, ngar, nawq-euq gharduq guiqlanq shar-euq ma. Nawr, ngar jawr-eu gar ghofkhoflar ngae, nawq-euq cawq zaqlanr nuideuq-anr ghaq bi khavlar-awq.”

Maꞈtehˬ 23:10

Nawmaf-anr dawqmaeq dawqtsov tsov-eu ghaq laer taqbi kur. Aqjeq mirnae aernar-aq, nawmaf-anr dawqmaeq dawqtsov tsov-eu-aq, tiq ghaq jawr-eu taef mae. Aqyawf-aq, Kali mae.

Maꞈtehˬ 17:5

Beqtuvluv, dawq ngaeqluf ngae, yawshaef bya-eu mqdmr tiq tsanq aqyawf maf-anr uvtaeq le-awr, mqdmr-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma. Nawmaf, aqyawf-euq dawq narhaq geuf-awq.”

Panmaeq 1:9

Ngar, Yorhaq, nawmaf-euq maernmr pyeuf-awr, Yeqsur Kali-euq daqcoer orcoer-eu jeq, Miqyaer uvlanr-eu jeq hawr-eu shaq-awr zanq-eu jeq-euq lafkhoer nawmaf-euq cawq khawf pyeuf-eu ma. Ngar, Miqyaer-euq dawq hawr-eu Yeqsur Kali-euq garkawv sarkir kamq-euq mirnae, Baqmor laer kur-eu irjawlanr-anr ya jawrluf-eu ma.

Panmaeq 22:9

Khoerngae, aqyawf, ngaq-anr aernaeq laf-eu, “Hawsher-eq! Nawr teulof-aer taqjanr. Ngar khawf nawq-euq aqyuif aqnyir pyeuf-eu Miqyaer gharduq ngaeqdan-eu tsawrhaq hawr-eu, sanqbof heudmq-euq lafkhoer boftaq-euq dawqdeuq-anr mrcaw luf-eu tsawrhaq deuq lof-aer kuirlaf zaqkhav geufluf-eu, nawq-euq cawq ma. Miqyaer-anr uqduq tanq-awq.”

Panmaeq 19:10

Khoerngae, ngar awbyav ghae-awr aqyawf-euq aqkuir-anr uqduq tanq-eu laer ghae-euq ma. Aerkhawf, aqyawf, ngaq-anr aer-eu, “Hawsher-eq! Nawr teulof-aer taqpar janr de-eq. Ngar khawf, nawr hawr-eu Yeqsur-euq garkawv sarkir kamq-eu aqyuif aqnyir deuq lof-aer kuirlaf zaqkhav pyeuf-eu nawq-euq cawq ma. Miqyaer-anr uqduq tanq-awq. Aqjeq mirnae aernar-aq, Yeqsur-euq garkawv sarkir kamq-eu-aq, Miqyaer gharduq ngaeqdan-eu saflar mae.”

Eˇpeˇsu 3:15

Mq hawr-eu mirtsaq-euq khoertav jawr-eu arjeuq arca dawqtawv luf-euq tsawrmyanr-aq, aqyawf nae biftaq-euq taef mae.

2 Gawˇliˬtu 4:5

Nga’maf-aq, yawqha-euq garkawv dawqmaeq maeqluf-eu maqngeur. Yeqsur Kali-aq, Sanqpaq Miqyaer mae laer maeq-eu uqtaf, nga’maf-aq, Yeqsur-euq gharduq nawmaf-euq zaqkhav pyeufluf-eu ma.

2 Gawˇliˬtu 1:24

Nga’maf, nawmaf jan-eu jeq-anr dzoeq-eu laer maqngeur. Nawmaf jan-eu lafkhoer yawfluf-eu mae. Nga’maf-aq, nawmaf laqkhaq caerni nawmaf-euq gar mrcawq pyeuf-eu ma.

Maꞈtehˬ 26:49

Yurdav oekeuv-euq naeq-aer Yeqsur jawr-eu gar ir-awr, “Saqlaq-or! Nawr nuisar of luf-ur” laer aer-awr, aqyawf-anr maeqsaw saw-euq mae.

Maꞈtehˬ 10:25

Zaqlanr tiq ghaq, saqlaq lof-aer durlar-awr, kuirlaf zaqkhav tiq ghaq, yawsanr ghaq lof-aer durlar nar-aq, nuikhanr shir-awq. Aqcawq, nymrsanr ghaq-anr Beqsaqburlar laer kur-euq nar-aq, aqyawf-euq miqsawrzaq deuq-anr ngeurdzaeq arnavni par kurdoer-eu paq nga!

Maꞈtehˬ 23:7

Laev-euq lafkhoer, aqcawq, aqyawf maf-anr yawzeu baw-eu lafkhoer dawqcawq bi puqmawf-awr, aqcawq nae aqyawf maf-anr ‘Saqlaq-or! Saqlaq-or’ laer bikur mawf-eu mae.

Maꞈtehˬ 26:25

Khoerngae, Yurdav, Yeqsur-anr anqdzaq-euq khoerghaq narhaq-eu, “Saqlaq-or! Ngar-a lor?” Khoerngae, Yeqsur, aqyawf-anr aernaeq-eu, “Nawr aer-eu lof-aer mae.”

Maˬkuˆ 9:5

Khoerngae, Beqtuvluv, Yeqsur-anr aernaeq-eu, “Saqlaq-or! Aqduimaf heugar jawr-eu arnavni muiq-eu nya. Nga’maf saeqghawv smq ghawv ghawv ma. Nawq-euq gharduq tiq ghawv, Morseq-euq gharduq tiq ghawv hawr-eu Erlirya-euq gharduq tiq ghawv laer ghawv ma.”

Maˬkuˆ 10:51

Yeqsur, aqyawf-anr narhaq-eu, “Ngaq nae nawq-anr aqjeq bi janrnaeq mawf-eu nya?” Khoerngae, myavbaef khoerghaq, aqyawf-anr aernaeq-eu, “Ngaq-euq Laqbornir-or! Ngar mawrnyalar mawf mir-a.”

Maˬkuˆ 11:21

Khoerngae, Beqtuvluv, Yeqsur nae aer-euq dawq-anr noeqdovlar-awr, Yeqsur-anr aernaeq-eu, “Saqlaq-or! Hawsher-eq. Nawq nae yaqkhaer yaq-euq siqguq arbawr khoerbawr bawrgur gur-ir taq-euq ngar-a.”

Maˬkuˆ 14:45

Yurdav oekeuv-euq naeq-aer Yeqsur jawr-eu gar ir-awr, “Saqlaq-or! Saqlaq-or” laer kur-awr, aqyawf-anr maeqsaw saw-euq mae.

Yoˇhaˬ 1:38

Yeqsur nanrghof ghofhaw-awr, aqyawfnyaf cantae luf-eu gar ya’mawr ngae narhaq-eu, “Nawnyaf aqjeq sharpov luf-eu le?” Aqyawfnyaf narhaq-eu, “Laqbir-or! Nawr aqgar yaf-eu le?” (Laqbir laer aer-eu-aq, saqlaq laer aermawf-eu mae.)

Yoˇhaˬ 1:49

Naqdaqneqlar aer-eu, “Laqbir-or! Nawr-aq, Miqyaer-euq Zaqyo ngar-a! Irsaqleqlav tsawrhaq-euq Sanqpaq khawf ngeur ngar-a!”

Yoˇhaˬ 3:2

Uqcif paw, aqyawf, Yeqsur jawr-eu gar lar-awr aer-eu, “Laqbir-or! Nawr-aq, Miqyaer jawr-eu gar nae oe-euq saqlaq tiq ghaq ngar-a laer nga’maf siqnya-eu ma. Aqjeq mirnae aernar-aq, nawq nae janr-euq bisiq bimawr-eu jeq, janr-eu ghaq naeq-aer Miqyaer maqjawr lawnmr-aq, tsawrhaq tiqghaq-iq maq janrnya-a.”

Yoˇhaˬ 3:26

Aqyawfmaf, Yorhaq jawr-eu gar lar-awr aer-eu, “Laqbir-or! Hawsher-eq. Yawrdaq lawrbaq-euq nanrma dovkhaeq paw nawq naeq-aer jawr ngae, aqyawf-euq garkawv nawr sarkir kamq-euq khoerghaq, nymq-mr aqcawq-anr bartirsaq mrnaeq luf-eu mae. Tsawrhaq dawqtawvluf, aqyawf jawr-eu gar irluf-eu mae.”

Yoˇhaˬ 4:31

Khoer yawkaq-anr aqyawf-euq zaqlanr deuq, Yeqsur-anr shar-eu, “Laqbir-or! Dzaqlar-awq.”

Yoˇhaˬ 6:25

Aqyawfmaf, lan-euq khoerpaw baq-anr Yeqsur-anr povmawr-awr, Yeqsur-anr narhaq-eu, “Laqbir-or! Nawr heugar aqmyan oekeuv-euq le?”

Yoˇhaˬ 9:2

Aqyawf-euq zaqlanr deuq, Yeqsur-anr narhaq-eu, “Laqbir-or! Teughaq daefle ngae nae myavbaef baef-eu teu, aqsur ghaq iqbax mr-euq baqda’nae nga? Aqyawf-a lor? Maqngeur nar-aq, aqyawf-euq aqma aqda-a laq?”

Yoˇhaˬ 11:8

Zaqlanr deuq, aqyawf-anr aernaeq-eu, “Laqbir-or! Nymq-mr kaq-anr, Yurdav tsawrhaq, nawq-anr khaqlo nae biqsaef-eu laer jawqluf-eu mae. Nawr khoergar parle-eu laer aer-eu le lor?”

Yoˇhaˬ 20:16

Yeqsur, aqyawf-anr, “Maqliv-or” laer kur ngae, Maqliv nanrghof ghofhaw-awr, “Laqbornir-or” laer aqyawf-anr kur-euq mae (Laqbornir laer aer-eu-aq, saqlaq laer aermawf-eu mae).

Piˇleˇmoˬ 1:16

Nymq-mr-aq, aqyawf zaqkhav maqpar ngeur-aer, zaqkhav taf-aer gordzaeq-eu aqdui zawr gaq-eu maernmr pyeuflar-euq mae. Ngaq-euq gharduq-aq, aqdir khoerlof-aer pyeuf mir-a. Nawq-euq gharduq ngeurdzaeq, shiqshaq paw hawr-eu Sanqpaq Yeqsur-euq lafkhoer, zawr gaq-eu maernmr par pyeufdzaeq taef-a.