Maꞈtehˬ 23:14 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, nawmaf, miqcoeq miqma-euq nymr-anr khaeqdzaq khavdzaq-eu mae. Dirdaq-aer guiqlanq ghawqmyanrni shar-eu mae. Khoermirnae, aqcawq navmaqtser darnaeq-eu gar yadaq taef-a.

Maꞈtehˬ 23:14 Referans Kwoze

Maꞈtehˬ 23:13

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, aqcawq-euq maeqshi nawmaf, mqtav mirkhanq-euq larghov piqtaeq-eu mae. Yawqha maq urler-eu uqtaf, urler-eu laer ghae-eu tsawrhaq-anr khawf nawmaf, aqyawf maf-anr maqbi urler-a.

Maˬkuˆ 12:40

Aqyawfmaf, miqcoeq miqma-euq nymr-anr khaeqdzaq khavdzaq-eu mae. Aqcawq bimawr-eu gharduq guiqlanq ghawqmanrni shar-eu mae. Tsawrhaq khoerdeuq-aq, aqcawq-euq navmaqtser yarkhaq dar-eu gar yadaq taef-a.”

Luˇkaꞈ 20:47

Aqyawfmaf, miqcoeq miqma-euq nymr-anr khaeqdzaq khavdzaq-eu mae. Aqcawq bimawr-eu gharduq guiqlanq ghawqmanrni shar-eu mae. Tsawrhaq khoerdeuq-aq, aqcawq navmaqtser yarkhaq dar-eu gar yadaq taef-a.”

Maꞈtehˬ 11:24

Aerkhawf, ngar, nawmaf-anr aernaeq nyar, yarkhaqdar ngae nan, Sordoq meuq-aq, nawmaf nav-aer maqya daq-ar.”

Maꞈtehˬ 23:33

Arlawr-euq baqmaf-or! Dof khav-eu arlawr-euq zaqdeuq-or! Yarkhaqdar ngae nan, nawmaf shiqbuir lanma yarkhaq dar-eu jeq-anr nae aqjox-aer dzeur-ir nya-eu?

Luˇkaꞈ 12:48

Aerkhawf, ghawqmya laf bidiq paq-aer geux-eu, maq siqnya-aer mrbanq-euq kuirlaf zaqkhav-aq, ghawqmya laf maqya bidiq-ar. Aqjeq mirnae aernar-aq, ghawqmya’ni za-euq tsawrhaq yawqghaq navluf, ghawqmya’ni ya bifkhof-awr, ghawqmya’ni hageuf-euq tsawrhaq-aq, aqcawq myavmaqtser yabi sharkhof taef-a.

2 Tiˆmoˇseˬ 3:6

Aqyawf maf-euq lafkhoer tiqpavnav deuq-aq, aqcawq-euq nymr-anr urkhoeq ler-awr, zaqsiq tsawrganr maqanr-eu zaqmiq aqbur deuq-anr shuirtawv-euq mae. Zaqmiq aqbur khoerdeuq-aq, iqbax-euq khavbaev kan-awr, nuikhanr ghawqmya jeq-euq maeqnan cantae luf-eu mae.

Tiˇtuˆ 1:10

Aqjeq mirnae aernar-aq, aqcawq-euq dawq maq narhaq-eu tsawrhaq ghawqmya’ni jawr-eu mae. Aqyawf maf-aq, gardanr maqtsoeq-eu dawq taef-aer ngaeq-eu uqtaf, jaqmyawf myawfmyawf-aer aqcawq-anr sheuqbanq luf-eu mae. Aqyawfmaf myaqni-aq, bawkhov maeqdzaq yaeq-eu tsawrhaq-euq lafkhoer keuq-eu mae.

Yaˬkoˆ 3:1

Ngaq-euq aqyuif aqnyir deuq-or! Ghawqmya ghaq-aer maeqnaeq tsovnaeq-eu tsawrhaq taqgeuf. Aqjeq mirnae aernar-aq, aqdui maeqnaeq tsovnaeq-eu deuq-aq, aqcawq navmaqtser yarkhaq dar-eu gar yadaq-eu mae laer nawmaf siqnya-eu mae.

2 Beˬtuˆluˆ 2:3

Aqyawfmaf pyurshuir myawqganq-anr maerjuir juir-eu mirnae, jaqmyawf maershuir-euq dawq nae nawmaf-anr myawfdzaq lar-eu mae. Aerkhawf, dzeurlaf ngae nae, aqyawf maf-anr yarkhaq dartsaev taq-euq khoer, maq nyinaq-aer, lavcawv-eu jeq maq yufbyovni, aqyawf maf-euq khoertav keuvle luf-eu mae.

2 Beˬtuˆluˆ 2:14

Aqyawf maf-euq myavnuiv-aq, banq-awr joe-eu jeq byan-awr, iqbax mr-eu maq naqnya-aer, nuima maqzif-eu tsawrhaq-anr mur-awr shuir-eu mae. Aqyawf maf-euq nuima maerjuir juir-eu jeq za’ni mrdzaw laf-awr, yaqkhaer yaq-eu gar yadaq-eu tsawrhaq mae.