Maꞈtehˬ 23:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ “Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, aqcawq-euq maeqshi nawmaf, mqtav mirkhanq-euq larghov piqtaeq-eu mae. Yawqha maq urler-eu uqtaf, urler-eu laer ghae-eu tsawrhaq-anr khawf nawmaf, aqyawf maf-anr maqbi urler-a.

Akha

¹³ “Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

Maꞈtehˬ 23:13 Referans Kwoze

Luˇkaꞈ 11:52

“Nawmaf, zanrdawq siqzaq deuq ghawqshar shaq-aer ya ghaesaef taef-a! Aqjeq mirnae aernar-aq, tsawrganr-euq mawqtawfdur nawmaf tuvtaeq taq-awr, nawmaf maq urler-eu uqtaf, urler mawf-eu tsawrhaq-anr khawf, nawmaf lavtsoeq-eu mae.”

Maꞈtehˬ 23:29

“Yawmuiq janrgeuf-eu zanr maeq-eu deuq hawr-eu paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, nawmaf, Miqyaer gharduq ngaeqdan-eu tsawrhaq deuq-euq lmqbymr-anr gawqmuiq-awr, tsaq-awr dawr-eu tsawrhaq deuq-euq lmqbymr hawmuiqni lavsav-eu mae.

Maꞈtehˬ 23:27

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, nawmaf-aq, laefpyur taq-euq lmqbymr-anr dur-eu mae. Lafnyir paw hawmuiq-eu khawf, lafkhoer paw-aq, shir-euq tsawrhaq-euq shaqyoeq shaqlaf hawr-eu jawflafni ghae-eu yawqjeq navluf tiqbyanni anr-eu mae.

Maꞈtehˬ 23:23

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, nawmaf-aq, arjirpafdaw, jaqgulumyanq hawr-eu yasawr, heudeuq tserbymr tiqbymr damq-eu mae. Aerkhawf, zanrdawq-euq lafkhoer nae huiqdzaeq-eu jeq pyeuf-eu, dawr-awr tsaq-eu jeq, ghawqshaq gaq-eu jeq hawr-eu jan-eu jeq, heudeuq-anr nawmaf maqmr-a. Nawmaf heudeuq mr paq-aer ghae-eu uqtaf, nuideuq-anr khawf byaerdzae paq-aer maqghae-a.

Gʼaˬkʼehˇ 8:1

Saqteqpaq-anr saef-eu gar Sawrluv khawf nuima tsaq-eu mae. Khoerngae nan-anr nae, Yeqlursaqlaeq-anr jawr-eu Kali-anr jan-eu armur-aq, khaeqdui khav duidui-eu gar yadaq-euq mae. Ghaqkhaer deuq maqngeur nar-aq, Kali-anr jan-eu tsawrhaq dawqtawvluf Yurdav mirkhanq hawr-eu Saqmaqliv mirkhanq doeni caevbyav ghae-euq mae.

2 Tiˆmoˇseˬ 4:15

Nawr khawf aqyawf-anr yanr de-eq. Aqjeq mirnae aernar-aq, aqyawf-aq, aqdui maeq-eu dawq-anr lavtsoeq duidui-eu mae.

2 Tiˆmoˇseˬ 3:8

Arhuba, Yaqneq hawr-eu Yaqbeq, Morseq maeq-eu dawq-anr lavtsoeq-euq lof-aer, tsawrhaq heudeuq khawf, yawtsaq yawdawr jeq-anr lavtsoeq luf-eu mae. Aqyawf maf-euq sharnoeq sharsawx-eu nuima kafduiqni pyeuf-ir-awr, aqyawf maf-euq jan-eu jeq tsermr haw-eu gar maq daqcoer-a.

Gʼaˬkʼehˇ 13:8

Aerkhawf, meuq-anr sanrmr-eu heughaq maqbi janlarni, mawloq loqnya-eu Erlurma laer kur-eu khoerghaq, aqyawf nyaf-anr lavtsoeq luf-eu mae (Erlurma laer aer-eu-aq, mawloq loqnya-eu laer aermawf-eu mae).

Gʼaˬkʼehˇ 5:40

Aqyawf, aqyawf maf-anr japyawr-awr, aqyawfmaf, ghaqkhaer deuq-anr kurur laf-awr nae aqyawf maf-anr diqghaq-euq nar-aq, Yeqsur-euq tsawrmyanr-anr ghoeghoe-aer taqpar maeq laer dawq bif-awr, aqyawf maf-anr pyaeqnaeq-euq mae.

Gʼaˬkʼehˇ 5:28

aer-eu, “Tsawrmyanr heumyanr-anr ghoeghoe-aer aqcawq-anr taqpar maeqnaeq laer nga’maf, nawmaf-anr dawq yawkhav khav-aer bif-euq maqngeur-a lor? Aerkhawf, hawsher-eq, nawmaf-euq dawqmaeq dawqtsov deuq, Yeqlursaqlaeq meuq meuqlanni gaqdoe-ir taq-awr, tsawrhaq heughaq-euq shiq-euq arpoeq, nga’maf-euq khoertav bi keuvle mawf-eu ghae-eu nga.”

Yoˇhaˬ 9:34

Khoernar-aq, aqyawfmaf, aqyawf-anr aerkhof naeq-eu, “Nawr iqbax-euq lafkhoer daefpanq daeflanr le-euq khawf, nga’maf-anr parmaeq lar-eu le lor?” Khoernar-aq, aqyawfmaf, aqyawf-anr taedov ghae-euq mae.

Yoˇhaˬ 9:24

Khoernar-aq, aqyawfmaf, myavbaef baefhaw-euq khoerghaq-anr parkur-awr aqyawf-anr aernaeq-eu, “Yawshaef khanqsaer Miqyaer-anr damq-awq, tsawrhaq khoerghaq-aq, iqbaxzaq mae laer nga’maf siqnya ma.”

Yoˇhaˬ 9:22

Aqyawf-euq aqma aqda, Yurdav tsawrhaq-anr guv-eu mirnae khoerlof-aer aer-eu mae. Aqjeq mirnae aernar-aq, Yeqsur-anr Kali mae laer khar aerdov-eu tsawrhaq aqsur ghaq maqkaq, zanrdawq khawqnymr-anr nae taedov ma laer Yurdav tsawrhaq bawqdzaqtsaev taq-euq mae.

Maꞈtehˬ 23:25

“Yawmuiq janrgeuf-eu zanr maeq-eu deuq hawr-eu Paqliqsaer deuq-or! Nawmaf ghawqshar shaq-aer ya ghaesaef taef-a. Aqjeq mirnae aernar-aq, nawmaf, khmqmaq hawr-eu saerbyaer-euq lafnyir paw yawmuiq-aer jovshawr-eu mae. Aerkhawf, lafkhoer paw-aq, maerjuir juir-eu jeq hawr-eu yawqha-euq nuinoeq nuilov geuf-eu jeq tiqbyanni anr-eu mae.

Maꞈtehˬ 3:7

Paqliqsaer deuq hawr-eu Saqduqgaer deuq ghawqmya’ni, aqyawf-euq bartirsaq hageuf le-eu gar ya’mawr ngae, aqyawf maf-anr heulof-aer aernaeq-euq mae, “Dof khav-eu arlawr-euq zaqdeuq-or! Aqkar keuvle-eu nuima paer-eu jeq-anr caevbuq nya’ni, aqsur ghaq nae nawmaf-anr aernaeq laf-euq la?

Maꞈtehˬ 23:16

“Aqcawq-anr garma sheuqmaeq-eu myavbaef deuq-or! Nawmaf heulof-aer aer-eu tsawrhaq-aq, ghawqshar shaq-aer ya ghaesaef taef-a. ‘Tsawrhaq tiqghaqnav uqduq tanqnymr nymrma-anr ghoe-awr kamq-euq nar-aq, aqyawf nae kamqtaq-euq lof-aer maqmr khawf tiqjeq-iq maqngeur-ar. Aerkhawf, uqduq tanqnymr nymrma-euq lafkhoer jav-eu shuir-anr ghoe-awr kamq-euq nar-aq, aqyawf nae kamqtaq-euq lof-aer ya’mr-eu mae.’