Maꞈtehˬ 23:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Yawqhar yawqha taqhuiq-eu aqsur ghaq maqkaq, taqnyir-eu gar yadaq-awr, yawqhar yawqha taqnyir-eu aqsur ghaq maqkaq, taqhuiq taqmanr-eu jeq za taef-a.

Akha

¹² Yawˬ haˇ yawˬ ha taˬ huiˬ-eu tsawˇ haˬ-aˬ, taˬ nyiˇ nehˬ gaˇ ya daˬ-awˇ, yaw haˇ yawˬ ha taˬ nyiˇ-eu tsawˇ haˬ-aˬ, taˬ huiˬ nehˬ-eu jeˬ-ahˇ za tehꞈ-a.

Maꞈtehˬ 23:12 Referans Kwoze

1 Beˬtuˆluˆ 5:5

Khoerlof-aer durni, nawmaf zaqguq deuq khawf, aqyuif aqtsu deuq-euq lafov yawmuiq-aer jawr-awq. Nawmaf yawqghaq navluf paerkhanq dm-eu lof-aer nuinanq nuiyu dmdav-awr, tiqghaq tirghaq-euq lafov yawmuiq-aer jawr-awq. Aqjeq mirnae aernar-aq, “Miqyaer, nuima huiq-eu tsawrhaq-anr lavtsoeq-awr, Nuinanq nuiyu anr-eu tsawrhaq-anr guiqlanq yawdzanr bif-eu mae.” (Dd 3:34)

Yaˬkoˆ 4:6

Aerkhawf, Miqyaer-aq, guiqlanq yawdzanr ghawqmya’ni bifnaeq laf-eu mae. “Miqyaer, nuima huiq-eu tsawrhaq-anr lavtsoeq-awr, nuima nanqyuni anr-eu tsawrhaq-anr guiqlanq yawdzanr bif-eu mae,” (Dd 3:34) laer Yaerbof-euq lafkhoer aertaq-euq mae.

Luˇkaꞈ 14:11

Aqjeq mirnae aernar-aq, yawqhar yawqha taqhuiq-eu aqsur ghaq maqkaq, taqnyir-eu gar yadaq-awr, yawqhar yawqha taqnyir-eu aqgeu ghaq maqkaq, taqhuiq-eu jeq yaza taef-a.”

Dawqdaq 29:23

Tsawrhaq-euq nuima huiq-eu jeq, aqyawf-anr gheu’aw taef-a. Aerkhawf, nuinanq nuiyu anr-eu tsawrhaq-aq, taqhuiq taqmanr-eu jeq za taef-a.

Luˇkaꞈ 18:14

Ngar, nawmaf-anr aernaeq nyar, Paqliqsaer khoerghaq navmaqtser, jeq taf-eu khoerghaq tsaq-awr dawr-eu tsawrhaq pyeuflar-awr, irkanr ghof-ir-euq mae. Aqjeq mirnae aernar-aq, yawqhar yawqha taqhuiq-eu tsawrhaq yawqghaq navluf, taqnyir-eu gar yadaq-awr, yawqhar yawqha taqnyir-eu aqgeu ghaq maqkaq, yabi taqhuiq taef-a.”

Maꞈtehˬ 18:4

Khoermirnae, zaq yawnyir heughaq lof-aer nuima nanqyuni taq-eu tsawrhaq-aq, mqtav mirkhanq-euq lafkhoer huiqdzaeq-eu ghaq mae.

Dawqdaq 15:33

Ya’we Miqyaer-anr guv-eu jeq-aq, Zaqsiq tsawrganr za-eu maeqdawq tsovdawq pyeuf-awr, Nuinanq nuiyu-euq maeqnan, Taqhuiq taqmanr-eu jeq caw-eu mae.

Maꞈtehˬ 5:3

“Saflar-euq lafkhoer irshaq shaq-eu tsawrhaq deuq-aq, guiqlanq huiq-eu mae. Aqjeq mirnae aernar-aq, mqtav mirkhanq-aq, aqyawf maf-euq mae.

Jaceuq 138:6

Ya’we Miqyaer-aq, yawgor-anr jawr-eu khawf, Aqyawf, yaw’aw-anr jawr-eu deuq-anr noeqkeuv-eu mae; Aerkhawf, nuima huiq-eu deuq-anr-aq, garmanr kaq-eu gar nae siqnya-eu mae.

1 Beˬtuˆluˆ 5:6

Khoermirnae, nawmaf, Miqyaer-euq baoq huiq-eu aqlaf-euq uqmov, nuinanq nuiyu anr-awq. Aryamq tsaqlar ngae, aqyawf, nawmaf-anr ciqgor naeqlaf taef-a.