Maꞈtehˬ 22:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aerkhawf, kurtaq-euq tsawrhaq khoerdeuq maq taqhuiq-aer yawqha-euq garma-anr yawqha ir-euq mae. Tiq ghaq-aq, aqyawf-euq yarngae ir-awr, tiq ghaq-aq, jeqgaf gaf-ir-euq mae.

Akha

⁵ Ehˇ kʼawꞈ, kuˇ taˬ-euˬ tsawˇ haˬ kʼoeˇ deuˬ kuˇ-euˬ gaˇ tiˬ pawꞈ-iˬ maˬ taˬ huiˬ ni, tiˬ paˆ na deuˬ yaˇ ngeh iˇ-awˇ, tiˬ paˆ na deuˬ jeˬ gaꞈ gaꞈ-iˇ-euˬ meh.

Maꞈtehˬ 22:5 Referans Kwoze

HeˬByehˇ 2:3

Aqdui heunav nav-aer huiq-eu kakhof-eu jeq heu-anr maq noeqpoeq nar-aq, aqjox-aer caevdzeurnya nmr-mq? Kakhof-eu jeq heu-anr, ardanqbae ngae-aq, Sanqpaq Yeqsur nae maeqnaeq laf-awr, yagaq-euq tsawrhaq deuq, aqdui-anr aerduq naeqlaf-euq mae.

2 Tiˆmoˇseˬ 3:4

yawqha-euq cawq-anr anqdzaq-eu, kharnoeq khar lovlar-eu jeq mr-eu, nuima huiq-eu, Miqyaer-anr maqgaq-aer lurgha caergha-eu jeq-anr gaq-eu tsawrhaq pyeuflar taef-a.

Lormav 8:6

Shiqshaq paw-euq garkawv-anr noeqtsov taq-euq tsawrhaq-aq yashir-eu mae. Aerkhawf, saflar paw taf-eu deuq-anr noeqtsovtaq nar-aq, daef-eu jeq hawr-eu nuisar of-eu jeq za-eu mae.

Lormav 2:4

Maqngeur nar-aq, aqyawf-euq sanr duidui-eu yawmuiq jeq, ornya-eu jeq, nuinoeq ghawqmanrni noeq-eu jeq-anr nawr yaeqbawq saerlu-aer ghae-eu le laq? Nawr noeqpov noeqparlar nya’ni, Miqyaer-euq yawmuiq jeq, nawq-anr sheuqghaeluf nga laer nawr maq siqnya-eu le lor?

Gʼaˬkʼehˇ 24:25

Khoernar-aq, Pawrluv tsaq-awr dawr-eu garkawv, yawqha-euq nuima-anr ghaqler-eu garkawv hawr-eu, aqkar keuvle-eu yarkhaq dar-eu garkawv ja’maeqnaeq ngae, Peqlir guvlar taq-awr aer-eu, “Nymq-mr pov-aq ghaq-ar. Nawr ghof-ir-awr, aqkar aryamq tsaq ngae, ngar, nawq-anr parkur ma.”

Gʼaˬkʼehˇ 2:13

Tiqpavnav deuq aqjaf jafjaf-aer aer-eu, “Aqyawfmaf aqgaf dzaruir yawshuif dawryaef-euq jeq nga.”

Maꞈtehˬ 13:22

Aqgan daefmyaq-eu tsanr-anr ga-ir-euq deuq-aq, tsawrhaq tiq ghaq, Miqyaer-euq dawq yagaq-euq khawf, mirtsaq-euq khoertav jawr ngae, khanqlanr-eu jeq hawr-eu pyurshuir myawqganq-euq jaqmyawf maershuir nae, dawq khoerdeuq-anr uvtaeq taq-euq mirnae, arsiq maq siqle nya-eu gar aer-eu mae.

Dawqdaq 1:7

Ya’we Miqyaer-anr guv-eu jeq-aq, siqnya-eu tsawrganr-euq ardanq baeduq mae. Aerkhawf, aqdzawq argan-aq, zaqsiq tsawrganr hawr-eu maeqdawq tsovdawq-anr hawdoer-eu mae.

Maꞈtehˬ 22:4

Sanqpaq khoerghaq, kuirlaf zaqkhav nuideuq-anr par khaerghae-awr, ‘Nawmaf, kurtaq-euq khoerdeuq-anr daqyan kur-ir-awq laer aernaeq-euq, “Dzaqbyawr lavdawv ghaq-euq ma. Mawrner hawr-eu jeqzaq yawtsur deuq saef-awr, yawqjeq navluf yawmuiq paq-aer laeqhmqdan taq-euq ma. Oermr bar-eu gar lar-awq.” ’

Maꞈtehˬ 22:6

Nuideuq-aq, kuirlaf zaqkhav khoerdeuq-anr nyaef-awr, yaeqbawq-aer janrnaeq-awr, aqyawf maf-anr saef-euq mae.

Yoˇhaˬ 2:16

Aqyawf, khaqkhoeq anqluf-eu deuq-anr khawf aernaeq-eu, “Khaqkhoeq teudeuq bafdov ghae-awq, ngaqDa-euq nymr-anr laev dzufduq taqbi pyeuflar.”

2 Beˬtuˆluˆ 2:3

Aqyawfmaf pyurshuir myawqganq-anr maerjuir juir-eu mirnae, jaqmyawf maershuir-euq dawq nae nawmaf-anr myawfdzaq lar-eu mae. Aerkhawf, dzeurlaf ngae nae, aqyawf maf-anr yarkhaq dartsaev taq-euq khoer, maq nyinaq-aer, lavcawv-eu jeq maq yufbyovni, aqyawf maf-euq khoertav keuvle luf-eu mae.