Maꞈtehˬ 22:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoernar-aq, aqyawf maf-euq zaqlanr hawr-eu Heqlor-euq armur-anr ur-eu tsawrhaq deuq-anr, Yeqsur jawr-eu gar khaerghae-awr heulof-aer bi narhaq-euq mae, “Saqlaq-or! Nawr-aq, tsaq-awr dawr-eu tiq ghaq pyeuf-awr, yawtsaq yawdawr dawr-aer Miqyaer-euq garma maeq-eu mae. Aqcawq noeqdoer lar-eu gar khanq maqlanr-aer, myavpyawq huiqnyir khawf maqtser-a laer nga’maf siqnya ma.

Akha

¹⁶ Aˬ yawꞈ maꞈ-euˬ zaˬ lahˇ tiˬ paˆ na deuˬ hawˇ-eu, Heˬloˆ aˇ muˇ -ahˇ uˇ-eu tsawˇ haˬ tiˬ paˆ na deuˬ-ahˇ, Yeˬsuˇ jawˇ gaˇ aˬ yawꞈ maꞈ pyehˬ gʼeh-euˬ meh. Aˬ yawꞈ maꞈ ehˇ-eu, “Saˬ laˬ-oˇ, nawˇ-aˬ, dawˇ coe ni ehˇ-eu tsawˇ haˬ meh lehˇ nga maꞈ siˬ nya ma. Tsawˇ haˬ zaˬ-euˬ myaˆ pyawˬ-ahˇ nawˇ maˬ haw-eu uˬ taꞈ, aˬ cawˬ noeˬ doeˇ laˇ gaˇ nawˇ maˬ yahˇ ni, tsawˇ haˬ zaˬ gʼaˇ duˬ Miˬyehˇ-euˬ nui kʼahˇ aˬ joˆ-ehˇ jaˆ-eu gaˇ kawˆ, dawˇ coe ni mehˬ-eu meh.

Maꞈtehˬ 22:16 Referans Kwoze

Maˬkuˆ 3:6

Khoerngae, Paqliqsaer deuq dov-ir-awr, aqjox-aer ghae-awr nae Yeqsur-anr lavsaef-eu paq nga laer, tiqpov taef-aer Heqlor-euq tsawrhaq deuq naeq-aer bawqdzaq-ir-euq mae.

Luˇkaꞈ 20:21

Khoeqsho haw-eu khoerdeuq, Yeqsur-anr heulof-aer narhaq-eu mae, “Saqlaq-or! Nawr-aq, tsaq-awr dawr-eu dawq ngaeq-awr maeq-eu uqtaf, myavpyawq huiqnyir maqtserni, Miqyaer-euq garma yawtsaq yawdawr-euq lafkhoer maeqnaeq-eu mae laer nga’maf siqnya ma.

Maˬkuˆ 12:14

Khoermirnae, aqyawfmaf lar-awr, aqyawf-anr heulof-aer aernaeq-euq mae, “Saqlaq-or! Nawr-aq, tsaq-awr dawr-eu tiq ghaq pyeuf-awr, yawtsaq yawdawr dawr-aer Miqyaer-euq garma maeq-eu mae. Aqcawq noeqdoer lar-eu gar khanq maqlanr-aer, myavpyawq huiqnyir khawf maqtser-a laer nga’maf siqnya-eu ma. Sanqpaq Gaersaq-anr jeq dovnaeq-eu tsaq mae lor, maqngeur nar-aq, maqtsaq-a laq?

Maˬkuˆ 8:15

Khoerngae, Yeqsur, aqyawf maf-anr dawq bif-eu, “Nawmaf, Paqliqsaer deuq-euq daeqtseq hawr-eu Heqlor-euq daeqtseq-anr hawdov-awr yawkhav-aer yanr-awq.”

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

Yoˇhaˬ 18:37

Khoermirnae, Pirlav, aqyawf-anr narhaq-eu, “Tox-aer mar-iq, nawr sanqpaq le lor?” Yeqsur aerkhof naeq-eu, “Nawr, ngaq-anr sanqpaq laer aer-eu tsaq mae. Ngar yawtsaq yawdawr-euq gharduq sarkir kamqni daefle-awr, ngar heu-euq gharduq mirtsaq-euq khoertav oe-euq ma. Yawtsaq yawdawr-anr khartaf-eu tsawrhaq-aq, ngaq-euq tersar-anr narhaq-eu mae.”

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Yoˇhaˬ 7:18

Yawqha-anr nae dovlar-euq jeq ngaeq-eu tsawrhaq-aq, yawqha-euq yawshaef khanqsaer pov-eu mae. Aerkhawf, aqyawf-anr khaerghae lef-euq ghaq-euq yawshaef khanqsaer-anr pov-eu ghaq-aq, tsaq-awr dawr-awr, aqyawf-euq lafkhoer maqtsaq maqdawr-eu jeq maqanr-a.

Yaˬkoˆ 3:17

Aerkhawf, mq-anr nae dovle-euq zaqsiq tsawrganr yawbae jeq-aq, yawshawr mae. Khoeruqtaf, tsaqler dzoerler-eu jeq hawr-eu nuinanq nuiyu anr-awr, narhaqgeuf nya-eu jeq hawr-eu ghawqshaq gaq-eu nuima tiqbyanni anr-eu uqtaf, yawmuiq jeq mr-awr, myavpyawq huiqnyir maqtser-aer, yawmuiq janrgeuf-eu jeq maqanr-a.

1 Teˇsaˬloˇni 2:4

Aerkhawf, guiqlanqdawq maeqni Miqyaer, nga’maf-anr tsermr ghaq-awr, nga’maf-anr ghoe-awr bimaeq naeqlaf-euq mae. Nga’maf, tsawrhaq nuikhanr shirni maeq-eu maqngeur, aqdui-euq nuima-anr tsermr-eu Miqyaer nuikhanr shirni maeq-eu ma.

Gaˬlaˬtiˆ 2:6

Ter dov-eu deuq-aq, aqyawfmaf aqjox-aer ghae-eu tsawrhaq law-awr khawf, ngaq naeq-aer tiqjeq-iq maq beugar-a. Miqyaer-aq, myavpyawq huiqnyir maqtser-a. Ter dov-eu khoerdeuq, ngaq-anr tiqjeq-iq maeqlanq maqka naeqlaf-aq.

Gaˬlaˬtiˆ 1:10

Nymq-mr, tsawrhaq, ngaq-anr nuima tsaqni ngar mrluf-eu nga lor? Maqngeur nar-aq, Miqyaer nuima tsaqni mrluf-eu nga laq? Tsawrhaq, ngaq-anr nuikhanr bishir-eu laer ngar povluf-eu nga lor? Tsawrhaq, ngaq-anr nuikhanr bishir-eu laer ngar povluf-eu ngeur nar-aq, ngar-aq, Kali-euq zaqkhav maqngeur-a.

2 Gawˇliˬtu 5:16

Khoermirnae, iqnan taf nar-aq, nga’maf, aqcawq-anr shiqshaq-euq myavnuiv nae maqpar haw ma. Dzeurlaf ngae, shiqshaq-euq myavnuiv nae Kali-anr haw-euq khawf, aqkar nar-aq, khoerlof-aer maqpar haw ma.

2 Gawˇliˬtu 4:2

Aerkhawf, nga’maf shafdawrlar paq-aer ghae-eu zaftaq-euq jeq byaerdzae jir-awr, jaqmyawf-euq lafkhoer maqdaef-aer, maershuir maqanrni, Miqyaer-euq dawq khawqluf-eu ma. Khoermirnae, Miqyaer-euq maeqshi, tsawrhaq dawqtawv luf-euq zaqsiq nuisiq-anr tsaqni, yawtsaq yawdawr-aq, nga’maf-anr byacaevni ciqpoeq luf-eu mae.

2 Gawˇliˬtu 2:17

Tsawrhaq ghawqmya ghaq, pyur za’ni Miqyaer-euq dawq maeqluf-eu mae. Aerkhawf, nga’maf-aq, khoerlof-aer ghae-eu tsawrhaq maqngeur. Miqyaer-anr nae za-euq lof-aer Miqyaer-euq maeqshi, Kali-euq lafkhoer dawrcoeni maeq-eu ma.

Luˇkaꞈ 7:40

Khoerngae, Yeqsur, aqyawf-anr aernaeq-eu, “Sirmoq-or! Ngar, nawq-anr tiq dawq aernaeqmawf nya.” Sirmoq aer-eu, “Saqlaq-or! Aer-awq.”

Maˬkuˆ 10:17

Khoernar-aq, Yeqsur garma dov-ir-eu laer luv-ir ngae, tsawrhaq tiq ghaq caevghae laf-awr, aqyawf-euq maeqshi pawqtsuif pawqdmq gadmq-awr nae Yeqsur-anr narhaq-eu, “Muiq-eu saqlaq-or! Ngar mqmaq maqbyav yarzir daef-eu jeqbir za’ni aqjeq yajanr-eu la?”

Maꞈtehˬ 26:49

Yurdav oekeuv-euq naeq-aer Yeqsur jawr-eu gar ir-awr, “Saqlaq-or! Nawr nuisar of luf-ur” laer aer-awr, aqyawf-anr maeqsaw saw-euq mae.

Maꞈtehˬ 26:18

Yeqsur aerkhof naeq-eu, “Nawmaf, meuq-anr jawr-eu tsawrhaq tiq ghaq jawr-eu gar ir-awr, aqyawf-anr heulof-aer aernaeq-awq, ‘Saqlaq aer-eu, “Ngaq-euq aryamq keuvlar-euq mirnae, ngar, nawq-euq nymr-anr ngaq-euq zaqlanr deuq naeq-aer Baqsaqkaq yawbui yabui nga.” ’ ”

Maꞈtehˬ 22:26

Aqghanr ghaq khawf, smr ghaq tiqghaq khawf, shif ghaq tiqghaq-anr keuvni, zaqmiq aqbur khoerghaq-anr sheuq-awr, zaq maq jawrle-euq minav-aer shir-euq mae.

Maꞈtehˬ 22:24

“Saqlaq-or! Morseq aertaq-euq, ‘Tsawrhaq tiq ghaq, zaq maq jawrle-euq minav-aer shir-euq nar-aq, ardov ghaq-euq tsuif maqya danq-ir ni, aqnyir ghaq, aqyawf-euq miqzaq-anr yasheuq-eu mae.’ (Dm 25:5)

Dawqdaq 29:5

Yawqha-anr muiqni, Yawqha-euq dawqpae jawr-eu tsawrhaq-anr japoeq-eu tsawrhaq-aq, Yawqha-euq aqkuir-anr lanrju khmr-eu gar dur-eu mae.

Jaceuq 55:21

Aqyawf-euq khaqmae-euq dawq-aq, tsirkhmq lof-aer jur-eu khawf; Aqyawf-euq nuima-aq, guirdeuv deuvluf-eu mae. Aqyawf-euq dawq-aq, tsir lof-aer nanqyuni ghae-eu khawf; Tawvkhawv-anr nae gheudov lef-euq micaer-anr dur-eu mae.

Jaceuq 12:2

Aqyawfmaf, yawqghaq navluf, yawqha-euq dawqpae jawr-eu tsawrhaq-anr jaqmyawf myawf-awr, Nuima povpov lavlav-aer ghae-eu lafkhoer, jaceuq-eu janrgeuf-eu maeqluq nae ngaeq-eu mae.

Jaceuq 5:9

Aqjeq mirnae aernar-aq, aqyawf maf-euq khaqmae-euq lafkhoer sarjax zif-eu jeq maqanr-aer, Aqyawf maf-euq lafkhoer-aq, lavcawv mawf-eu jeq taef-aer anr-eu mae. Aqyawf maf-euq kuqbyanq-aq, pantaq-euq lmqbymr-anr dur-awr, Aqyawf maf-euq maeqlar-aq, ja’muiq-eu janrgeuf-eu mae.

Maˬkuˆ 12:13

Khoernar-aq, aqyawfmaf, Yeqsur dawq ngaeqbanq-eu gar lanrju bikhmr-eu laer Paqliqsaer tiqpavnav deuq hawr-eu Heqlor-euq tsawrhaq tiqpavnav deuq-anr Yeqsur jawr-eu gar khaerghae-euq mae.