Maꞈtehˬ 22:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Khoerngae, sanqpaq khoerghaq, kuirlaf zaqkhav khoerdeuq-anr aernaeq-eu, ‘Aqyawf-anr kuircuf lafcuf cuf-awr, lafnyir paw zanrtsuini ghae-eu gar bafdzae ghae-awq. Aqyawf khoergar jawr-awr, ngoerngoer-aer seuq yateuf taef-a.’

Akha

¹³ ‘Aˬ yawꞈ-ahˇ kuiˇ cuꞈ laꞈ cuˬ cuꞈ-awˇ, laꞈ nyiˇ paw yaw zahˇ-ahˇ baꞈ dzeh-awˬ. Kʼoeˇ gaˇ aˬ yawꞈ ngoeˇ ngoeˇ-ehˇ, seuˬ teuꞈ teuꞈ-ehˇ shaˬ luꞈ-uˇ.’ lehˇ, zaˬ kʼaˆ kʼoeˇ deuˬ-ahˇ sahˬ paˬ ehˇ nehˬ-euˬ meh.

Maꞈtehˬ 22:13 Referans Kwoze

Maꞈtehˬ 8:12

Aerkhawf, Irsaqleqlav mirkhanq-euq zaqdeuq-aq, lafnyir paw zanrtsuini ghae-eu gar bi taedzae taq-awr, khoergar jawr-awr noeqshaq duidui-eu lafkhoer ngoerngoer-aer seuq yateuf taef-a.”

Maꞈtehˬ 25:30

Gardanr maqtsoeq-eu kuirlaf zaqkhav teughaq-anr lafnyir paw zanrtsuini ghae-eu gar gheudzae-ir-awq. Aqyawf khoergar jawr-awr, noeqshaq duidui-eu lafkhoer ngoerngoer-aer seuq yateuf taef-a.’

2 Beˬtuˆluˆ 2:17

Tsawrhaq heudeuq-aq, ircuf maqdanq-eu landuq lof-aer dur-awr, jaqlaer laerma nae bi bawghae-euq mqdmr lof-aer dur-eu mae. Aqyawf maf-euq gharduq, li-eu maqbawni zanr-awr, zanrtsuini ghae-eu jawrduq laeqhmq taq-euq mae.

2 Beˬtuˆluˆ 2:4

Iqbax mr-euq mqtav ghaqkhaer deuq-anr khawf Miqyaer maq taqnaeq-aer, aqyawf maf-anr yarkhaq dar-eu gharduq, shiqbuir lanma-anr taeka ghae-awr, zanrtsuini ghae-eu lafkhoer, aqyawf maf-anr shmrcav nae paftaq-euq mae.

2 Teˇsaˬloˇni 1:9

Tsawrhaq khoerdeuq-aq, Sanqpaq Miqyaer-euq maeqshi hawr-eu aqyawf-euq baoq yawshaef khanqsaer-anr nae yaghawq-ir-awr, mqmaq maqbyav yarzir yacawv-ir taef-a.

Luˇkaꞈ 13:28

Aqbyaqhaq, Irtsav, Yaqkov hawr-eu Miqyaer gharduq ngaeqdan-eu tsawrhaq dawqtawvluf, Miqyaer uvlanr-eu jeq-euq lafkhoer jawrluf-eu gar nawmaf ya’mawr taef-a. Aerkhawf, nawmaf-anr-aq, lafnyir paw taedzae naeqlaf taef-a. Nawmaf khoergar jawr-awr, ngoer-awr seuq yateuf taef-a.

Maꞈtehˬ 24:51

Khoernar-aq, aqyawf-anr nyiq tsaev coertsaev-awr, yawmuiq janrgeuf-eu tsawrhaq-anr lof-aer shaqbymr bi’of taef-a. Aqyawf khoergar jawr-awr noeqshaq duidui-eu lafkhoer ngoerngoer-aer seuq yateuf taef-a.

Maꞈtehˬ 13:50

yawcawv jeq mr-eu tsawrhaq-anr-aq, miqdzaq tsawqbym-anr biqanr taef-a. Aqyawfmaf, khoergar jawr-awr noeqshaq duidui-eu lafkhoer ngoerngoer-aer seuq yateuf taef-a.”

Maꞈtehˬ 13:42

Khoernar-aq, aqyawf maf-anr miqdzaq tsawqbym-anr biqanr taef-a. Khoergar jawr-awr noeqshaq duidui-eu lafkhoer ngoerngoer-aer seuq yateuf taef-a.

Panmaeq 21:27

Aerkhawf, maqshawr-eu aqgeu jeq maqkaq, meuq heumeuq-anr maqya urler-a. Nuidav davlar paq-aer ghae-eu hawr-eu jaqmyawf myawf-eu tsawrhaq-aq, meuq heumeuq-anr maqya urler-a. Yawrzaq-euq Daef-eu jeq bif-eu sanqbof-euq lafkhoer, tsawrmyanr bofanr taq-euq tsawrhaq taef-aer ya urler-eu mae.

Yuˇdaˆ 1:13

Aqyawf maf-aq, iqmalavshav-euq lafkhoer irluv dzae duidui-awr, buirmeuf bi meuflar-eu lof-aer yawqha-euq shafdawr-eu jeq-anr bi dovlar-eu mae. Aqyawf maf-aq, yawqha-euq garma-anr maqcan-eu aqguir lof-aer dur-awr, aqyawf maf-euq gharduq, li-eu maqbawni zanr duidui-eu yawzanr laeqhmq taq-euq mae.

Yuˇdaˆ 1:6

Khoeruqtaf, yawqha ya’mr-eu yawbae jeq-anr byaerdzae-awr, yawqha-euq jawrduq jawrzar-anr maqjawr-euq mqtav ghaqkhaer deuq-anr, Miqyaer mqmaq maqbyav yarzir-euq shmrcav nae paf-awr, zanrtsuini ghae-eu jawrduq-euq lafkhoer kalanr taq-awr, yarkhaq dar-eu arnan nanma khoernan-euq gharduq laeqhmq taq-euq mae.

Gʼaˬkʼehˇ 7:54

Aqyawfmaf dawq khoer-anr yagaq ngae, nuima-anr tsawvler-awr, Saqteqpaq-anr seuq teuf-eu mae.

Maꞈtehˬ 13:30

Caer yaeq ngae keuvni, nyiq jeq luf-anr tiqkawv lof-aer bidaef-awq. Caer yaeq yamq keuvlar nar-aq, Shmrma jeqhu lavuiq-awr, miqdzaq-anr bafpuiv-eu gharduq ardzanq dzanqtaq-awq. Caer-anr-aq, ngaq-euq caerjir-euq lafkhoer pi’anr taq-awq laer ngar, caer yaeq-eu deuq-anr aernaeq ma.’ ”

Maꞈtehˬ 12:29

“Ghaqkhav aqda tiq ghaq-euq nymr-anr urler-awr, aqyawf-euq myawqganq aqjox-aer daegeuf nya-eu la? Ghaqkhav aqda khoerghaq-anr jeqhu pafcuf ghaq-awr nae taef-aer, aqyawf-euq nymr-euq lafkhoer jav-eu myawqganq yurgeuf nya-eu mae.

Jaceuq 112:10

Tsawrcawv deuq heu-anr ya’mawr ngae, nuima cawv-awr; Yawqha-euq seuq-anr yawqha teufteuf-aer guirbyovghae taef-a. Tsawrcawv geufmawf-eu jeq-aq, yabyov-ir taef-a.

Jaceuq 37:12

Tsawrcawv-aq, dawrcoeni ghae-eu tsawrhaq-anr muir-eu jeq tov-awr, Aqyawf-euq seuq teufhaw naeq-eu mae.

Gʼaˬkʼehˇ 21:11

Aqyawf, nga’maf jawr-eu gar oe-awr, Pawrluv-euq jofpaf yur-euq mae. Khoernar-aq, aqyawf-euq aqkuir aqlaf-anr pafcuf-awr aer-eu, “Yawshawr Saflar heulof-aer aer-eu mae, ‘Yeqlursaqlaeq-anr jawr-eu Yurdav tsawrhaq deuq, jofpaf heucav-euq yawsanr ghaq-anr heulof-aer paf-awr, aqcawq tsawrjeuq tsawrca-euq aqlaf-anr bianr-ir taef-a.’ ”

Yoˇhaˬ 21:18

Ngar, nawq-anr aqdirma-aer aernaeq nyar, nawr zaqguq ngae, yawqhar yawqha jofpaf paf-awr, khar irmawf-eu gar ir-eu mae. Aerkhawf, nawr mawq-ir ngae, nawr aqlaf cawqja-awr, aqcawq, nawq-anr jofpaf pafnaeq-awr, nawr maq irmawf-eu gar sheuqghae naeqlaf taef-a.”