Maꞈtehˬ 22:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² aqyawf-anr narhaq-eu, ‘Cawq-or! Oermr bar-eu gar lar ngae yadm-eu maeqtsoeq maqdmni, nawr heugar aqjox-aer lar-euq le?’ Khoerngae, tsawrhaq khoerghaq tiqdawq-iq maq aerkhof nya-aq.

Akha

¹² ‘Cawˬ-oˇ, oeˇ mˇ baˇ gaˇ kʼaˇ laˇ-eu tsawˇ haˬ deuˬ ya dm-eu mehˬ tsoeˬ maˬ dm ni, nawˇ heu gaˇ aˬ joˆ-ehˇ laˇ uˇ-awˇ jawˇ te’ lehˇ sahˬ paˬ aˬ yawꞈ-ahˇ naˇ haˬ kʼawꞈ, tsawˇ haˬ kʼoeˇ gʼaˬ dawˬ maˬ tmˇ-a.

Maꞈtehˬ 22:12 Referans Kwoze

1 Gawˇliˬtu 4:5

Khoermirnae, aryamq maq keuvlar-euq minav-aer, Sanqpaq Miqyaer maqoe-euq nmrkaq, tiqjeq-anr-iq yarkhaq taqdar siq. Aqyawf oekeuv ngae, yawzanr-euq lafkhoer zaftaq-euq deuq yawbya-anr bi dovlar-awr, tsawrhaq-euq nuima khawf aqyawf panmawrnaeq taef-a. Khoerngae, Miqyaer, tsawrhaq yawqghaq navluf-anr geux-eu lof-aer jaceuqnaeq taef-a.

Maꞈtehˬ 20:13

Yarsanr ghaq, aqyawf maf-euq lafkhoer-euq tiq ghaq-anr heulof-aer aernaeq-euq mae, ‘Cawq-or! Ngar, nawq-anr maqtsaq-eu jeq maq janrnaeq-aq. Ngar, nawq-anr pyur marbyav tiq byav bif ma laer jatsaq taq-euq maqngeur-a lor?

Tiˇtuˆ 3:11

Aqjeq mirnae aernar-aq, khoerlof-aer ghae-eu tsawrhaq deuq-aq, yawtsaq yawdawr jeq-anr byaerdzae-awr, aqmyanluf iqbax mrluf-eu mae laer nawr siqnya-eu mae. Khoerdeuq-aq, yawqhar yawqha iqbaxzaq ma laer dartsaev taq-euq mae.

Maꞈtehˬ 26:50

Yeqsur, aqyawf-anr aernaeq-eu, “Cawq-or! Nawr aqjeq janrle-euq le laer janr-awq.” Khoerngae, tsawrhaq khoerdeuq oe-awr, Yeqsur-anr nyaeftaeq taq-euq mae.

Jaceuq 107:42

Dawrcoeni ghae-eu tsawrhaq deuq heu-anr ya’mawr ngae laqkhaq caer-awr; Yawlaeq yawca jeq kharmr-eu deuq-aq, khaqmae ciqcurni jawr taef-a.

Lormav 3:19

Zanrdawq-euq lafkhoer khar boftaq-euq dawqdeuq-aq, zanrdawq-euq lafov jawr-eu tsawrhaq-anr aernaeq-eu mae laer aqdui siqnya-eu ma. Khoer-aq, tiqghaq-iq daeqlaefkhar maqbi za-aer, mirtsaqzaq dawqtawvluf Miqyaer-euq maeqshi yawlaeq ngar-a laer bi dovlar-eu gharduq mae.

Maꞈtehˬ 5:20

Ngar, nawmaf-anr aernaeq nyar, nawmaf-euq tsaq-awr dawr-eu jeq, zanr maeq-eu deuq hawr-eu Paqliqsaer deuq navmaqtser maq myaqdzaeq nar-aq, mqtav mirkhanq-euq lafkhoer tiqjeq ghaenae-iq maqya urler-ar.