Maꞈtehˬ 21:44 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁴ Khaqlo khoersiq-euq khoertav gadav-euq yawqghaq navluf khaef-ir khoev-ir taef-a. Khaqlo khoersiq nae kharbi gadav-euq tsawrhaq-aq, ya’meur yaloer-ir taef-a.”

Maꞈtehˬ 21:44 Referans Kwoze

1 Beˬtuˆluˆ 2:8

Khoeruqtaf, “Khaqlo khoersiq-aq, tsawrhaqzaq sanqtif bitif-awr, bi coqdzae-ir-eu khaqlo loma mae.” (Isy 8:14) Aqyawfmaf, Yaerdawq maq narhaq geuf-euq mirnae, sanqtif tif-euq mae. Khoer-aq, Miqyaer nae tsaqtsov taq-euq lof-aer pyeuflar-euq mae.

Lormav 9:33

Yaerbof-euq lafkhoer boftaq-euq lof-aer, “Ngar, Ziroq gawqjawq-anr tsawrhaqzaq sanqtif bitif-eu khaqlo hawr-eu, Bi coqdzae-ir-eu khaqlo loma tiq siq baftaq-euq ma. Aqyawf-anr kharjan-eu tsawrhaq maqya shafdawr-ar.” (Isy 8:14; 28:16)

Luˇkaꞈ 20:18

Khaqlo khoersiq-euq khoertav gadav-euq yawqghaq navluf khaef-ir khoev-ir taef-a. Khaqlo khoersiq nae kharbi gadav-euq tsawrhaq-aq, ya’meur yaloer-ir taef-a.”

Maꞈtehˬ 27:25

Khoerngae, tsawrhaq armaf mafma dawqtawvluf aer-eu, “Aqyawf-euq shiq lavdov-euq arpoeq, nga’maf hawr-eu nga’maf-euq zaqdeuq-euq khoertav keuvle luf-ur.”

1 Teˇsaˬloˇni 2:16

Nga’maf, aqcawq tsawrjeuq tsawrca kakhof-eu jeq za’ni, dawqmaeq maeq-eu gar lavtsoeq-eu mae. Aqyawfmaf khoerlof-aer janr-eu-aq, aqyawf maf-euq iqbax byanlarni janr-eu mae. Khoermirnae, Miqyaer nuima paer-eu jeq aqyawf maf-euq khoertav tiqbyanni keuvle teurle-euq mae.

Maꞈtehˬ 26:24

Tsawrhaq-euq Zaqyo-aq, Yaerbof-euq lafkhoer aqyawf-euq garkawv boftaq-euq lof-aer ya ghofler-eu mae. Aerkhawf, Tsawrhaq-euq Zaqyo-anr anqdzaq-euq ghaq-aq, ghawqshar shaq-aer ya ghaesaef taef-a. Khoerghaq maq daefle-euq lawnmr-aq, aqyawf-euq gharduq muiqdzaeq-eu mae.”

Yoˇhaˬ 19:11

Yeqsur aerkhof-eu, “Laftav paw nae nawq-anr aryaq maqbif-euq nar-aq, nawr, ngaq-euq khoertav aryaq tiqpawf-iq maqjav-a. Khoermirnae, ngaq-anr nawr jawr-eu gar sheuqha lar-euq tsawrhaq-aq, nawq-euq navmaqtser iqbax naf-eu mae.”

Jaceuq 2:12

Zaqyo-anr maeqsaw saw-awq, maqngeur nar-aq, aqyawf nuima paerlar-awr, Nawr, garma-anr yacawv-ir-eu baw-mr. Aqjeq mirnae aernar-aq, aqyawf-euq nuipaer yawkawr-aer keuvle nya-eu mae. Aqyawf-anr ghoe-eu tsawrhaq dawqtawvluf, guiqlanq huiq-eu mae.

Jaceuq 2:9

Nawr, aqyawf maf-anr shmr-euq ganqkawq nae daepav-awr, Nawr, mirtsaq oeqlanq-anr dae-eu lof-aer aqyawf maf-anr daepav daeshav-awr daemeur daeloerjir naeq taef-a. ”

Maꞈtehˬ 21:43

“Khoermirnae, ngar, nawmaf-anr aernaeq nyar, Miqyaer uvlanr-eu jeq nawmaf-euq lafkhoer nae yurdov-awr, Miqyaer uvlanr-eu jeq-euq arsiq siqle-eu tsawrjeuq tsawrca-anr bifnaeq taef-a.

Maꞈtehˬ 21:45

Pirma aqyuif deuq hawr-eu Paqliqsaer deuq, Yeqsur nae aer-euq yawjeq majeq dawq-anr yagaq ngae, aqyawf, aqyawf maf-euq garkawv ngaeqluf-eu nga laer siqnya-euq mae.

Luˇkaꞈ 2:34

Surmoq, aqnyaf dzerzaq-anr dawq ngaeqghae naeq-awr, zaqnanq-euq aqma Maqliv-anr bisiq bimawr-eu jeq heulof-aer aernaeq-euq mae, “Zaqnanq heughaq-euq baqda’nae Irsaqleqlav tsawrhaq ghawqmya ghaq coqdzae-ir-awr, ghawqmya ghaq turlar taef-a. Aqyawf-aq, aqcawq yaeqbawq saerlu-aer aerduq pyeuf taef-a.