Biblia Todo Logo
Bib sou entènèt

- Piblisite -




Maꞈtehˬ 21:26 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

26 Aerkhawf, aqduimaf, ‘Tsawrhaq nae bimr-euq mae’ laer aernar-aq khawf, tsawrhaq armaf mafma deuq-anr guv mir-a nawq. Aqjeq mirnae aernar-aq, tsawrhaq dawqtawvluf, Yorhaq-aq, Miqyaer gharduq ngaeqdan-eu tsawrhaq mae laer sawxtaq-euq mae.”

Gade chapit la Kopi

Akha

26 ‘Tsawˇ haˬ neh bi shawˇ-euˬ meh’ lehˇ paˇ ehˇ lawˬ naˇ kʼawꞈ, tsawˇ haˬ aˇ maꞈ kʼoeˇ deuˬ-ahˇ aˬ dui guˆ paˬ-ehˇ paˇ gʼeh-eu meh. Aˬ jeˬ miˇ neh ehˇ naˇ, Yoˇhaˬ-aˬ, Miˬyehˇ gʼaˇ duˬ ngehˬ dah-eu tsawˇ haˬ meh lehˇ aˬ yawꞈ maꞈ jah duˬ taˬ-euˬ meh.”

Gade chapit la Kopi




Maꞈtehˬ 21:26
17 Referans Kwoze  

Aqjeq mirnae aernar-aq, Yorhaq-aq, dawr-awr tsaq-eu uqtaf shawr-eu tsawrhaq tiq ghaq mae laer Heqlor siqnya-eu mirnae, aqyawf-anr guv-eu lafkhoer hawpir luf-eu mae. Heqlor-aq, Yorhaq maeq-eu dawq yagaq ngae, nuima tiqpawf-iq maqsar-eu khawf, aqyawf maeq-eu gar narhaqmawf duidui-eu mae.


Yorhaq-aq, dofbya taq-euq tsirkhmq lof-aer dur-eu mae. Nawmaf, aqyawf-euq yawshaef-euq lafkhoer tiqkhaeq-euq lafkhoer laqkhaq caer-eu nuima anr-eu mae.


Aqyawfmaf, aqyawf-anr nyaefmawf-eu khawf, tsawrhaq armaf mafma-anr guv-eu mae. Aqjeq mirnae aernar-aq, tsawrhaq armaf mafma khoerdeuq, Yeqsur-aq, Miqyaer gharduq ngaeqdan-eu tsawrhaq mae laer sawxtaq-euq mae.


Heqlor, Yorhaq-anr saefmawf-eu khawf, mirkhanqzaq-anr guv-eu mae. Aqjeq mirnae aernar-aq, mirkhanqzaq, Yorhaq-aq, Miqyaer gharduq ngaeqdan-eu tsawrhaq mae laer sawxtaq-euq mae.


Maqngeur nar-aq, nawmaf dov-ir-awr aqjeq-anr haw-ir-euq le? Miqyaer gharduq ngaeqdan-eu tsawrhaq-anr laq? Ngeur mae. Ngar, nawmaf-anr aernaeq nyar, aqyawf-aq, Miqyaer gharduq ngaeqdan-eu tsawrhaq nuideuq navmaqtser huiqdzaeq-eu mae.


Khoermirnae, uqduq tanqnymr nymrma-anr haw-eu aqyuif ghaq, lofpir-eu kuirlaf sheuq-awr, ghaqkhaer deuq-anr maq lavnarni sheuqlaq-ir-euq mae. Aqjeq mirnae aernar-aq, tsawrhaq armaf deuq, aqyawf maf-anr khaqlo biqlar-eu gar guv-eu mae.


Aqyawf-euq aqma aqda, Yurdav tsawrhaq-anr guv-eu mirnae khoerlof-aer aer-eu mae. Aqjeq mirnae aernar-aq, Yeqsur-anr Kali mae laer khar aerdov-eu tsawrhaq aqsur ghaq maqkaq, zanrdawq khawqnymr-anr nae taedov ma laer Yurdav tsawrhaq bawqdzaqtsaev taq-euq mae.


Pirma aqyuif deuq hawr-eu zanr maeq-eu deuq, tsawrhaq baqmaf-euq maeqshi Yeqsur-anr maq saefpeuq-eu mirnae, aqjox-aer ghae-awr nae saefbyov nya-eu paq nga laer jawqluf-eu mae.


Zanr maeq-eu deuq hawr-eu pirma aqyuif deuq, Yeqsur-aq, yawjeq majeq dawq-anr nae maeq-eu heu, aqyawf maf-anr ngaeqcoeq mawf-eu nga laer siqnya-eu mirnae, khoerngae yamq-anr nae nar-aq, Yeqsur-anr nyaefmawf-eu mae. Aerkhawf, aqyawfmaf, tsawrhaq baqmaf-anr guv-eu mae.


‘Tsawrhaq-anr nae lar-euq mae’ laer aernar-aq khawf tsawrhaq dawqtawvluf, aqdui-anr khaqlo biqlar taef-a. Aqjeq mirnae aernar-aq, Yorhaq-aq, Miqyaer gharduq ngaeqdan-eu tsawrhaq mae laer aqyawfmaf janduq taq-euq mae.”


Aqyawfmaf, Yeqsur-aq, yawjeq majeq dawq-anr nae maeq-eu heu, aqyawf maf-anr ngaeqcoeq mawf-eu nga laer siqnya-eu mirnae, aqyawf-anr nyaef-eu laer laejae-eu mae. Aerkhawf, tsawrhaq baqmaf-anr guv-eu mirnae, aqyawf-anr ghawq-awr dov-ir-euq mae.


Aqduimaf, ‘Tsawrhaq nae bimr-euq mae’ ” laer aernar-aq khawf tsawrhaq dawqtawvluf, Yorhaq-aq, Miqyaer gharduq ngaeqdan-eu tiq ghaq mae laer sawxtaq-euq mirnae, tsawrhaq armaf-anr guv-eu mae.


Khoerngae, tsawrhaq armaf mafma deuq aerkhof naeq-eu, “Teughaq-aq, Gaqliqlaer mirkhanq, Naqzaqlaer-anr jawr-eu Miqyaer gharduq ngaeqdan-eu Yeqsur mae.”


Yorhaq-euq bartirsaq mrnaeq-eu jeq aqgeugar nae oe-euq la? Mq-euq khoertav nae oe-euq la lor? Maqngeur nar-aq, tsawrhaq-anr nae lar-euq la laq?” Khoerngae, aqyawf maf-euq yawkaq jasawx-eu lafkhoer aer-eu, “Aqduimaf, ‘Mq-euq khoertav nae oe-euq mae’ laer aernar-aq, aqyawf, ‘Tox-aer mar-iq, nawmaf, aqyawf-anr aqjeq mirnae maqjan-eu le’ laer aerlar taef-a.


Khoermirnae, aqyawfmaf, Yeqsur-anr aerkhof naeq-eu, “Nga’maf maqsiq.” Yeqsur aer-eu, “Tox-aer mar-iq, ngar khawf aryaq aqgeugar nae za-awr heudeuq mrluf-eu le laer nawmaf-anr maq aernaeq.”


Swiv nou:

Piblisite


Piblisite