Maꞈtehˬ 20:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Yeqsur, aqyawf nyaf-anr aernaeq-eu, “Nawnyaf, ngaq nae dawr-euq khmqmaq, aqdir yadawr-awr, ngaq nae hageuf-euq bartirsaq-anr khawf nawnyaf ya hageuf taef-a. Aerkhawf, ngaq-euq arcar paw hawr-eu armar paw ya’nuirni ngar bifnya-eu maqngeur. Nuirduq khoer-aq, ngaqDa nae aqsur ghaq-euq gharduq laeqhmq taq-euq nar-aq, khoerghaq ya’nuir-eu mae.”

Akha

²³ Yeˬsuˇ ehˇ-eu, “Naw nyaꞈ nmˇ ngaˬ-euˬ kʼmˬ maˬ-ahˇ aˬ diˇ aˬ maˇ dawˇ tehꞈ-a. Ehˇ kʼawꞈ, ngaˬ-euˬ aˇ maˇ paw hawˇ-eu aˇ caˇ paw bi nuiˇ-eu tsawˇ haˬ-ahˇ ngaˇ tseˇ geuꞈ-eu aˬ kawˬ-aˬ maˬ jaˆ. Nuiˇ duˬ kʼoeˇ deuˬ-aˬ, ngaˬ Da neh lehˬ hmˬ taˬ-euˬ tsawˇ haˬ deuˬ gʼaˇ duˬ meh.”

Maꞈtehˬ 20:23 Referans Kwoze

Panmaeq 1:9

Ngar, Yorhaq, nawmaf-euq maernmr pyeuf-awr, Yeqsur Kali-euq daqcoer orcoer-eu jeq, Miqyaer uvlanr-eu jeq hawr-eu shaq-awr zanq-eu jeq-euq lafkhoer nawmaf-euq cawq khawf pyeuf-eu ma. Ngar, Miqyaer-euq dawq hawr-eu Yeqsur Kali-euq garkawv sarkir kamq-euq mirnae, Baqmor laer kur-eu irjawlanr-anr ya jawrluf-eu ma.

Gʼaˬkʼehˇ 12:2

Khoernar-aq, aqyawf, micaer nae Yorhaq-euq maernmr Yaqkov-anr saef-euq mae.

Maˬkuˆ 10:40

Aerkhawf, ngaq-euq arcar paw hawr-eu armar paw ya’nuir ni-aq, ngar bi nuirnya-eu maqngeur, nuirduq khoer-aq, Miqyaer nae aqsur ghaq-euq gharduq laeqhmq taq-euq nar-aq, khoerghaq ya’nuir-eu mae.”

Maꞈtehˬ 25:34

Khoernar-aq, Sanqpaq, armar paw jawr-eu deuq-anr heulof-aer aernaeq taef-a: ‘NgaqDa-euq guiqlanq za-euq tsawrhaq deuq-or! Lar-awq. Mqbae mirbae bae ngae nae, nawmaf-anr of-eu jeqbir pyeuf-eu mirkhanq-anr jawrlar-awq.

1 Gawˇliˬtu 2:9

Aerkhawf, Yaerbof aer-eu, “Myavnuiv maq mawrhaw-aer, naqbawr maq gaqhaw-euq uqtaf, tsawrhaq-euq nuima maq noeqkeuv coer-eu jeq, Miqyaer nae aqyawf-anr gaq-eu tsawrhaq-euq gharduq laeqhmq taq-euq mae.” (Isy 64:5)

Lormav 8:17

Aqyawf-euq zaq pyeuf-eu ngeur nar-aq, jeqbir of-eu tsawrhaq khawf pyeuf-eu mae. Kali naeq-aer tiqkawv lof-aer yawshaef khanqsaer za’ni, aqdui, aqyawf naeq-aer shaqzanq daq nar-aq, aqdui khawf Miqyaer-euq jeqbir of-eu tsawrhaq pyeuf-awr, Kali naeq-aer tiqkawv lof-aer jeqbir of-eu tsawrhaq pyeuf taef-a.

HeˬByehˇ 11:16

Aerkhawf, nymq-mr aqyawfmaf geufmawf-eu mirkhanq-aq, khoernav maqtser muiqdzaeq-eu mq-euq khoertav jav-eu mirkhanq mae. Khoermirnae, tsawrhaq khoerdeuq, Miqyaer-anr aqyawf maf-euq Miqyaer ma laer aer-eu gar Miqyaer maq shafdawr-a. Aqjeq mirnae aernar-aq, Miqyaer, aqyawf maf-euq gharduq meuq tiq meuq laeqhmq taq-euq mae.

Gawˇlawˇsehˇ 1:24

Nymq-mr ngar, nawmaf-euq gharduq shaqzanq ya daqluf-eu khawf, laqkhaqcaer mir-a. Aqjeq mirnae aernar-aq, Kali, aqyawf-euq mawrdo pyeuf-eu Kalizaq armur-euq gharduq maqya daqjir-euq shaqzanq deuq daqbyanni, ngar, ngaq-euq shiqshaq-euq lafkhoer daqluf-eu ma.

2 Gawˇliˬtu 1:7

Nga’maf, nawmaf-anr noeqtmq taq-euq jeq-aq, zifdanni javluf-eu ma. Aqjeq mirnae aernar-aq, nga’maf ya daqluf-eu shaqzanq-anr nawmaf khawf daq-euq lof-aer, nga’maf nae za-euq nuima sarlar-eu jeq, nawmaf khawf za taef-a laer siqnya ma.

Maꞈtehˬ 13:11

Yeqsur heulof-aer aerkhof naeq-euq mae, “Aqjeq mirnae aernar-aq, mqtav mirkhanq-euq garkawv zaftaq-euq deuq nawmaf-anr taef-aer bi siqnya-awr, aqyawf maf-anr maqbi siqnya-aq.

Maꞈtehˬ 20:24

Zaqlanr nuideuq tser ghaq, garkawv khoer-anr yagaq ngae, aqnyaf nmr-anr nuima paer duidui-eu mae.