Maꞈtehˬ 20:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoerngae, Yeqsur aer-eu, “Nawmaf aqjeq sharluf-eu le laer maq siqnya-a. Ngar dawr-eu laer ghae-eu khmqmaq, nawnyafnmr dawrnya-awr, ngaq nae hageuf-euq bartirsaq hageufnya ma laq?” Khoerngae, aqnyafnmr aer-eu, “Euq, nga’nyaf dawrnya-awr hageufnya ma.”

Akha

²² Aˬ nyaꞈ nmˇ-ahˇ Yeˬsuˇ ehˇ nehˬ-eu, “Naw nyaꞈ nmˇ shaˇ-eu jeˬ-ahˇ naw nyaꞈ nmˇ maˬ siˬ nya-a. Ngaˇ dawˇ-eu lehˇ gʼeh-eu shaˬ zahˬ naꞈ-eu kʼmˬ maˬ-ahˇ naw nyaꞈ nmˇ dawˇ coeˇ ma loˇ.” Aˬ nyaꞈ nmˇ ehˇ-eu, “Dawˇ coeˇ ma.”

Maꞈtehˬ 20:22 Referans Kwoze

Luˇkaꞈ 22:42

“Aqda-or! Nawr nuima tsaq nar-aq, khmqmaq heu ngaq-anr nae ciqdzae naeqlaf-awq. Aerkhawf, ngar nuima tsaq-eu lof-aer taqbi pyeuf. Nawr nuikhanr shir-eu lof-aer bipyeuf law.”

Maꞈtehˬ 26:42

Aqyawf parir-awr guiqlanq parshar-eu, “NgaqDa-or! Ngar khmqmaq heukhmq-anr maqdawr-euq khoer-aq maqjir nar-aq, nawr nuima tsaq-eu lof-aer bipyeuf-awq.”

Yoˇhaˬ 18:11

Khoerngae, Yeqsur, Beqtuvluv-anr aernaeq-eu, “Nawq-euq micaer, tawvkhawv-anr soeqanr-awq. NgaqDa nae ngaq-anr bidawr-euq khmqmaq, ngar maqdawrni ghaenya taef-a lor?”

Maˬkuˆ 14:36

Aqyawf aer-eu, “Aqba, Aqda-or! Nawr yawqjeq navluf janrnya-eu mae. Khmqmaq heu, ngaq-anr nae ciqdzae naeqlaf-awq. Aerkhawf, ngar nuima tsaq-eu lof-aer taqbi pyeuf, nawr nuima tsaq-eu lof-aer bipyeuf law.”

Maꞈtehˬ 26:39

Aqyawf maeqhu paw uicuiv irjiv-awr, mirtsa awbyav-awr nae guiqlanq shar-eu, “NgaqDa-or! Ghaenya nar-aq, khmqmaq heukhmq, ngaq-anr nae bidzeur-ir naeqlaf-awq. Aerkhawf, ngar nuima tsaq-eu lof-aer taqbi pyeuf. Nawr nuima tsaq-eu lof-aer bipyeuf law.”

Lormav 8:26

Khoerlof-aer durni, aqdui ghaq baq ngae, muiq-eu Saflar cawba naeqlaf-eu mae. Aqdui guiqlanq aqjox-aer shar-eu tsaq-eu la laer maq siqnya-eu khawf, muiq-eu Saflar, dawq maq ngaeqdovlaf nya-eu jeq manrmanr-aer aqdui-euq gharduq guiqlanq shardan-eu mae.

Yaˬkoˆ 4:3

Nawmaf shar-euq khawf maqza-eu-aq, nuima taq-eu maqtsaq-aer, yawqha-euq nuikhanr gharduq shar-eu mirnae mae.

Luˇkaꞈ 12:50

Ngar ya hageuf-eu bartirsaq tiqjeq jav-a siq, maq hageuf-euq khoerkeuvni, ngaq-euq gharduq shaqzanq pyeuf duidui nya.

Maꞈtehˬ 26:56

Aerkhawf, Miqyaer gharduq ngaeqdan-eu deuq-euq sanqbof-euq lafkhoer boftaq-euq lof-aer byanlarni, heudeuq dawqtawvluf pyeuflar-euq mae.” Khoerngae, zaqlanr dawqtawvluf, aqyawf-anr byaerdzae yaf-awr caevbyov jir-euq mae.

Dawqdaq 16:18

Nuima huiq-eu jeq-aq, cawv-ir-eu jeq-euq maeqhu canluf-awr, Janrghae-eu nuima-aq, coq-ir-eu jeq-euq maeqhu canluf-eu mae.

Jaceuq 75:3

Mirtsaq tanqkhawr hawr-eu mirtsaq-euq khoertav jawr-eu deuq guirbyov-ir luf ngae; Ngar, mirtsaq-euq khawrzeur deuq lavzif ma. Sela.

Maꞈtehˬ 26:35

Beqtuvluv, Yeqsur-anr aernaeq-eu, “Ngar, nawq naeq-aer tiqkawv lof-aer yashir-eu khawf, ngar, nawq-anr maq siqnya nya laer tiqjeq ghaenae-iq maqaer.” Zaqlanr dawqtawvluf khawf khoerlof-aer aer-eu mae.