Biblia Todo Logo
Bib sou entènèt

- Piblisite -




Maꞈtehˬ 20:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

1 “Aqjeq mirnae aernar-aq, mqtav mirkhanq-aq, heulof-aer dur-eu mae, yarsanr aqda tiq ghaq uqshawq yawnaf-aer dov-ir-awr, aqyawf-euq aqgaf yarkmr-euq lafkhoer ghaqmanr manrdzaq-eu tsawrhaq pov-ir-euq mae.

Gade chapit la Kopi

Akha

1 “Mˬtaˆ Miˇkʼahˬ-aˬ, heu gaˇ duˇ leˇ-eu meh. Tsawˇ haˬ tiˬ gʼaˬ uˬ shawˬ yaw naꞈ-ehˇ doˆ-iˇ-awˇ, aˬ yawꞈ-euˬ aˬ gaꞈ yaˇ kmˇ laꞈ kʼoeˇ gaˇ bi mˇ-eu tsawˇ haˬ poˆ-iˇ-euˬ meh.

Gade chapit la Kopi




Maꞈtehˬ 20:1
22 Referans Kwoze  

“Khoeruqtaf, mqtav mirkhanq-aq, za gheu-eu gar dur-eu mae. Iqmalavshav-anr za gheu ngae, ngaqshaq ngaqder yawqjeq navluf pafler-eu mae.


Yeqsur, aqyawf maf-anr yawjeq majeq dawq, yawqdawq yawq-anr nae heulof-aer maeqnaeq-euq mae: “Mqtav mirkhanq-aq heulof-aer dur-eu mae. Tsawrhaq tiq ghaq, aqyawf-euq caeryar-anr caer siqyoeq yawmuiq saeq-euq mae.


nawmaf, aqyawf nuima tsaq-eu lof-aer mrnya’ni, aqyawf, nawmaf-euq lafkhoer yawmuiq yawqjeq navluf bi byanlar luf-eu mae. Yeqsur Kali-anr ghoe-awr, aqyawf-euq maeqshi aqyawf nuikhanr shir-eu jeq, aqdui-euq lafkhoer mrnaeqlaf luf-ur. Arsaq saq-eu maqbawni yawshaef khanqsaer dawqtawvluf Kali-anr a’naeq kar-eur. Aqmeq.


Khoermirnae, ngar zawr gaq-eu aqyuif aqnyir deuq-or! Nuima zifdanni ghae-awr maqpov maq parlarni, aqmyanluf Sanqpaq Miqyaer-euq gar laejae-awr mr-eu tsawrhaq pyeuf-awq. Aqjeq mirnae aernar-aq, nawmaf nae Sanqpaq Miqyaer-euq gharduq mr-awr shar-eu jeq-aq, yawqngaef maqngeur-a laer siqnya-awq.


“Ngar-aq, aqgaf cirni nima ma. NgaqDa-aq, aqgaf yarkmr-anr lavsav-eu ghaq mae.


“Khoermirnae, mqtav mirkhanq-aq heulof-aer dur taef-a. Yawqha-euq tsirkhmq ciq-awr, yoshuif-anr halaq ler-eu miqdaf dafshawr tser ghaq-anr dur taef-a.


“Mqtav mirkhanq-aq, sanqpaq tiq ghaq, aqyawf-euq zaqyo-euq gharduq oermr bar-eu yawbui laeqhmq-eu gar dur-eu mae.


Yeqsur, aqyawf maf-anr yawjeq majeq dawq yawqdawqyawq heulof-aer par maeqnaeq-euq mae, “Mqtav mirkhanq-aq heulof-aer dur-eu mae. Zaqmiq aqbur tiq ghaq daeqtseq yur-awr, caermeu smr puq-euq lafkhoer dawvzaf taq-awr nae, dawqtawvluf bi poqlar-euq gar dur-eu mae.”


Yeqsur, aqyawf maf-anr yawjeq majeq dawq yawqdawqyawq heulof-aer par maeqnaeq-euq mae: “Mqtav mirkhanq-aq heulof-aer dur-eu mae. Tsawrhaq tiq ghaq, ghawqpaf arnuiv tiq nuiv yur-awr yar-anr saeqtaq-euq mae.


“Mqtav mirkhanq-aq heulof-aer dur-eu mae. Tsawrhaq tiq ghaq garmanr kaq-eu gar dov-ir-eu laer ghae ngae, aqyawf-euq kuirlaf zaqkhav deuq-anr kur-awr, aqyawf-euq myawqganq deuq aqyawf maf-anr biftaq yaf-euq mae.


Aryamq khoer-aq, tsawrhaq tiq ghaq, yawqkhanq yawqmir yawq-anr ir-euq gar dur-eu mae. Aqyawf ir-eu laer ghae ngae, zaqkhav yawqghaq navluf-anr aryaq bif-awr, gar khawf birnaeq yaf-euq uqtaf, larghov-anr lof-eu ghaq-anr khawf, yawbeur beur-aer lofni dawq bifyaf-euq mae.


“Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”


“Yeqlursaqlaeq-or! Or, Yeqlursaqlaeq, nawr, Miqyaer gharduq ngaeqdan-eu tsawrhaq deuq-anr saef-awr, nawr jawr-eu gar bi’oe-euq deuq-anr khawf khaqlo nae biqsaef-eu mae. Yaciv ya’ma, yazaq deuq-anr danrkhawv khawvuiq-eu lof-aer, ngar, nawq-euq zaqdeuq-anr armyav pov khawvuiq mawf-eu khawf, nawmaf maqbi khawvuiq naeqlaf-eu beu.


Yeqsur heulof-aer par aernaeq-euq mae, “Garkawv heukawv nawmaf aqjox-aer sharnoeq-eu nya? Tsawrhaq tiq ghaq, zaqyo nyiq ghaq jawr-eu mae. Aqyawf, zaqyo aqyuif ghaq jawr-eu gar ir-awr aer-eu, ‘Zaqyo-or! Iqnan aqgaf yarkmr-anr gar mr-ir de-eq.’


Tiq nan pyur marbyav tiq byav bif ma laer jatsaq-awr, aqyawf maf-anr aqgaf yarkmr-euq lafkhoer gar bimr-ir-euq mae.


Swiv nou:

Piblisite


Piblisite