Maꞈtehˬ 2:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Khoerngae, aqyawf, pirma aqyuif deuq hawr-eu zanr maeq-eu tsawrhaq dawqtawv luf-anr kuruiq-awr, Kali aqgeugar daefle-eu la laer narhaq-euq mae.

Akha

⁴ Piˇ ma aˬ yuiꞈ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ dawˬ tawˆ luꞈ-ahˇ aˬ yawꞈ kuˇ uiˬ-awˇ, “Ka li aˬ gaˇ dehꞈ le ta” lehˇ naˇ haˬ-euˬ meh.

Maꞈtehˬ 2:4 Referans Kwoze

Gʼaˬkʼehˇ 23:9

Khoermirnae, aqyawfmaf lawflawf-aer yawkhav-aer pyaer-eu mae. Paqliqsaer-euq armur-euq lafkhoer zanr maeq-eu tiqpavnav deuq tsawqtur-awr tsawrpyaer pyaerpyaer-aer aer-eu, “Nga’maf-anr tsawrhaq heughaq tiqjeq-iq laeq nga laer maq mawrlar-a. Saflar maqngeur nar-aq, mqtav ghaqkhaer, aqyawf-anr dawq ngaeqcawq le-euq ngeur nar-aq, aqdui, Miqyaer-anr guir maq deuvni yanr kar-eur.”

Gʼaˬkʼehˇ 6:12

Khoernar-aq, aqyawfmaf nae mirkhanqzaq, aqyuif aqtsu deuq hawr-eu, zanr maeq-eu deuq-anr lavteuv-euq mae. Khoermirnae, aqyawfmaf, Saqteqpaq jawr-eu gar oe-awr, aqyawf-anr nyaef-awr nae, aqyawf-anr khavma armur jawr-eu gar sheuqghae-euq mae.

Maꞈtehˬ 21:23

Yeqsur, uqduq tanqnymr nymrma-euq lafkhoer urler-awr maeqnaeq tsovnaeqluf ngae, pirma aqyuif deuq hawr-eu mirkhanqzaq-euq khoertav aqyuif aqtsu geufluf-eu deuq, aqyawf jawr-eu gar lar-awr narhaq-eu, “Nawr aryaq aqgeugar nae za-awr heudeuq mrluf-eu le? Aqsur ghaq nae nawq-anr aryaq bifnaeq laf-euq la?”

Maꞈtehˬ 7:29

Aqjeq mirnae aernar-aq, Yeqsur-aq, zanr maeq-eu deuq lof-aer maqngeurni, aryaq jav-eu tiq ghaq lof-aer maeqnaeq tsovnaeq-eu mae.

Gʼaˬkʼehˇ 4:5

Khoernar-aq, heulof-aer pyeuflar-euq mae. Nishawq ngae nan, uvlanr-eu deuq, aqyuif aqtsu deuq hawr-eu, zanr maeq-eu deuq uiqlar-awr,

Yoˇhaˬ 18:3

Yurdav-aq, pirma aqyuif deuq hawr-eu Paqliqsaer deuq nae khaerghae lef-euq lofpir-eu kuirlaf hawr-eu guirzaq tiq maf sheuq-awr oe-euq mae. Aqyawfmaf tsirkhmq dof-awr, miqdof keuq-awr, guirdeuv keuka khawf yur-awr, yarkmr-anr oekeuv taq-euq mae.

Yoˇhaˬ 8:3

Khoerngae, zanr maeq-eu deuq hawr-eu Paqliqsaer deuq-aq, aqcawq naeq-aer banqluf joeluf-awr gar nyaefza-euq zaqmiq aqbur tiq ghaq sheuqlaf-awr, aqyawf-anr ghanrcae biyawf-euq mae.

Yoˇhaˬ 7:32

Tsawrhaq armaf deuq, Yeqsur-euq garkawv lawflawf-aer jaluf-eu gar Paqliqsaer deuq yagaq-euq mirnae, Yeqsur-anr binyaef-ir-eu laer pirma aqyuif deuq hawr-eu Paqliqsaer deuq, lofpir-eu kuirlafdeuq-anr khaerghae-euq mae.

Yoˇhaˬ 3:10

Yeqsur, aqyawf-anr heulof-aer aerkhof naeq-euq mae, “Nawr, Irsaqleqlav tsawrhaq-euq saqlaq geufluf-eu khawf, garkawv heudeuq-anr maq ghovshaw nya-eu le siq laq?

Luˇkaꞈ 23:10

Pirma aqyuif deuq hawr-eu zanr maeq-eu deuq yawf-awr, Yeqsur-anr iqbax yawkhav-aer taq-eu mae.

Luˇkaꞈ 20:19

Zanr maeq-eu deuq hawr-eu pirma aqyuif deuq, Yeqsur-aq, yawjeq majeq dawq-anr nae maeq-eu heu, aqyawf maf-anr ngaeqcoeq mawf-eu nga laer siqnya-eu mirnae, khoerngae yamq-anr nae nar-aq, Yeqsur-anr nyaefmawf-eu mae. Aerkhawf, aqyawfmaf, tsawrhaq baqmaf-anr guv-eu mae.

Maˬkuˆ 8:31

Khoerngae nae nar-aq, danqbae-awr, Yeqsur, aqyawf maf-anr, Tsawrhaq-euq Zaqyo-aq, shaqzanq ghawqmya jeq-anr yadaq-awr, aqyuif aqtsu deuq, pirma aqyuif deuq hawr-eu zanr maeq-eu deuq maq hageuf-eu uqtaf, yabi saef taef-a. Aerkhawf, smq nan keuvlar nar-aq, ghofdaeflar taef-a laer maeqnaeq tsovnaeq-euq mae.

Maꞈtehˬ 27:1

Uqbya byalar ngae, pirma aqyuif deuq hawr-eu mirkhanq-euq aqyuif aqtsu deuq dawqtawvluf, Yeqsur-anr bishir ma laer bawqtsaev-euq mae.

Maꞈtehˬ 26:47

Yeqsur khoerlof-aer aernaeqluf ngae, ghaqkhaer 12 ghaq-euq lafkhoer keuq-eu Yurdav laer kur-eu ghaq oekeuv-euq mae. Micaer baf-awr darkawq gheuluf-eu tsawrhaq bafmaf khawf, aqyawf naeq-aer oeluf-eu mae. Pirma aqyuif deuq hawr-eu mirkhanq-euq aqyuif aqtsu deuq nae aqyawf maf-anr khaerghae lef-euq mae.

Maꞈtehˬ 26:3

Khoerngae, pirma aqyuif deuq, zanr maeq-eu deuq hawr-eu mirkhanq-euq aqyuif aqtsu deuq, Gaqyaqpar laer kur-eu pirma yawhuiq ghaq-euq nymr-anr uiqler-euq mae.

Maꞈtehˬ 21:15

Pirma aqyuif deuq hawr-eu zanr maeq-eu deuq, Yeqsur nae mr-euq zanqler paq-aer ghae-eu jeq-anr ya’mawr-awr, zaqdeuq khawf uqduq tanqnymr nymrma-euq lafkhoer jawr-awr, “Daqbir-euq Zaqyo-anr hosa’na” laer gurluf-eu gar parya mawr-euq mirnae, nuima paer duidui-eu mae.

Maꞈtehˬ 13:52

Yeqsur, aqyawf maf-anr aernaeq-eu, “Miqyaer-euq mirkhanq-euq garkawv dzawtaq-euq zanr maeq-eu yawqghaq navluf, nymrsanr tiq ghaq, aqyawf-euq myawq taqduq-anr nae, myawq yawshuif hawr-eu yawoer yurdov lef-eu gar dur-eu mae.”

Jaceuq 2:2

Mirkhanq sanqpaq deuq mrghanr-awr, uvlanr-eu tsawrhaq deuq gmler-awr, Ya’we Miqyaer hawr-eu aqyawf nae tsaqtsov-euq ghaq-anr puiq-eu laer maeqbawq mrluf-eu mae.

Maꞈtehˬ 2:3

Sanqpaq Heqlor yagaq ngae, nuima tiqpawf-iq maqsar-a. Yeqlursaqlaeq-anr jawr-eu tsawrhaq dawqtawvluf khawf nuima maqsar-a.

Maꞈtehˬ 2:5

Aqyawfmaf heulof-aer aerkhof naeq-euq mae, “Yurdav mirkhanq, Baeqlaeqhaeq-anr daefle taef-a. Aqjeq mirnae aernar-aq, Miqyaer gharduq ngaeqdan-eu tsawrhaq heulof-aer boftaq-euq mae: