Maꞈtehˬ 2:22 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aerkhawf, Aqgeqlar, aqyawf-euq aqda Heqlor-euq dzoeqdzaq za-awr, Yurdav mirkhanq-anr uvlanr luf-eu garkawv Yorsaev yagaq-euq mirnae, khoergar maq ghofler peuq-a. Yufmav mav-eu lafkhoer, Miqyaer, aqyawf-anr par maeqnaeq-awr, Gaqliqlaer mirkhanq-anr jawrler-euq mae.

Akha

²² Ehˇ kʼawꞈ, Heˬloˆ-euˬ dah zaˇ aˬ yawꞈ-euˬ aˬ li Aˬgeˬlaˇ gʼaˬ Yuˇdaˆ miˇ kʼahˬ-euˬ sahˬ paˬ geuꞈ luꞈ-eu Yoˇsehˆ ya gaˬ ngeh, kʼoeˇ gaˇ maˬ gʼoꞈ leˇ peuˬ-a. Yuꞈ maˆ maˆ-eu laꞈ kʼoeˇ aˬ yawꞈ-ahˇ tiˬ poˆ paˇ mehˬ gahˇ nehˬ-euˬ loꞈ-ehˇ, Gaˬliˬlehˇ miˇ kʼahˬ-ahˇ le-euˬ meh.

Maꞈtehˬ 2:22 Referans Kwoze

Luˇkaꞈ 2:39

Yorsaev hawr-eu Maqliv, Sanqpaq Miqyaer-euq zanrdawq jav-eu lof-aer dawqtawvluf mrluiv jir-awr, Gaqliqlaer mirkhanq-anr jav-eu aqyawf nyaf-euq meuq Naqzaqlaer-anr ghofler-euq mae.

Yoˇhaˬ 7:52

Aqyawfmaf, aqyawf-anr aerkhof naeq-eu, “Nawr khawf, Gaqliqlaer mirkhanq-anr nae oe-euq le lor? Nawr povtser haw-ir sher-eq. Gaqliqlaer mirkhanq-anr nae Miqyaer gharduq ngaeqdan-eu tsawrhaq tiqghaq-iq maq dovlar haw-aq.”

Maꞈtehˬ 3:13

Khoerngae, Yeqsur, Yorhaq-euq bartirsaq hageuf-eu laer Gaqliqlaer mirkhanq-anr nae Yawrdaq lawrbaq-anr Yorhaq jawr-eu gar oe-euq mae.

Maꞈtehˬ 2:19

Heqlor shirdzeur-awr, Yorsaev, Irjirtuv-anr jawrluf ngae, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr heulof-aer aernaeq-euq mae,

Maꞈtehˬ 1:20

Yorsaev khoerlof-aer sharnoeqluf ngae, aqyawf yufmav mav-eu lafkhoer, Sanqpaq Miqyaer-euq mqtav ghaqkhaer dovle-awr heulof-aer aer-eu mae: “Daqbir-euq zaqyo Yorsaev-or, nawq nae aertsaev taq-euq Maqliv-anr sheuqdanq dzaq-eu taq noeqshaq. Aqjeq mirnae aernar-aq, aqyawf piluf-eu zaq-aq, Yawshawr Saflar-euq baqda’nae tsaevler-euq mae.

Jaceuq 121:8

Nymq-mr nae mqmaq maqbyav yarzir keuvni, Ya’we Miqyaer, nawr dov-ir-awr urlar-eu gar, hawpir naeqlaf taef-a.

Jaceuq 73:24

Nawr, ngaq-anr nawq-euq maeqbawq nae sheuqghae naeqlaf-awr; Arsaq saqlar ngae nawr, ngaq-anr yawshaef khanqsaer-euq lafkhoer, Hageuf naeqlaf taef-a.

Jaceuq 48:14

Aqjeq mirnae aernar-aq, Miqyaer heughaq-aq, Li-eu maqbawni, mqmaq maqbyav yarzir aqdui-euq Miqyaer pyeuf-eu mae. Aqyawf, aqdui-anr shir ngae keuvni sheuqghae naeqlaf taef-a.

Maꞈtehˬ 2:1

Sanqpaq Heqlor uvlanrluf ngae, Yeqsur, Yurdav mirkhanq Baeqlaeqhaeq-anr daefle-euq mae. Khoerngae, siqzaq ganryo heumyav ghaq nanrma dovkhaeq paw nae Yeqlursaqlaeq-anr larkeuv-awr narhaq-eu,

Maꞈtehˬ 2:21

Khoerngae, Yorsaev tur-awr, aqlizaq hawr-eu aqyawf-euq aqma sheuq-awr, Irsaqleqlav mirkhanq-anr ghofler-euq mae.