Maꞈtehˬ 2:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqyawfmaf ghof-ir dzeur-euq nar-aq, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr aer-eu, “Tur-awr, aqlizaq hawr-eu aqyawf-euq aqma sheuq-awr Irjirtuv-anr caevjawr-ir-awq. Ngar, nawq-anr aernaeqlaf ngae keuvni khoergar jawr-awq. Aqjeq mirnae aernar-aq, Heqlor, aqlizaq-anr saef-eu laer pov taef-a.”

Akha

¹³ Aˬ yawꞈ maꞈ gʼoꞈ-iˇ dzeuˇ ngeh, Yoˇsehˆ yuꞈ maˆ maˆ-eu laꞈ kʼoeˇ Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ doˆ le-awˇ, heu loꞈ-ehˇ ehˇ-eu meh. “Aˬ li zaˬ nahˬ heu gʼaˬ-ahˇ sehꞈ-eu lehˇ Heˬloˆ poˆ tehꞈ-a. Kʼoeˇ miˇ neh tuˇ-awˇ, aˬ nyaꞈ ma zaˬ-ahˇ sheuˬ-awˇ, Iˇjiˇtuˆ miˇ kʼahˬ-ahˇ cehˆ-awˬ. Ngaˇ nawˬ-ahˇ maˬ ngehˬ cawˬ le kʼoeˇ keuˆ ni, kʼoeˇ gaˇ jawˇ-awˬ.”

Maꞈtehˬ 2:13 Referans Kwoze

Gʼaˬkʼehˇ 12:11

Khoerngae, Beqtuvluv noeqbeur lar-awr aer-eu, “Sanqpaq Miqyaer, aqyawf-euq mqtav ghaqkhaer bi’oe-awr, Heqlor-euq aqlaf hawr-eu Yurdav tsawrhaq nae noeqtmq taq-euq jeq dawqtawv luf-anr nae ngaq-anr bibuq-ir naeqlaf-euq nga laer, nymq-mr ngar aqdir siqduq-euq ma.”

Gʼaˬkʼehˇ 10:7

Aqyawf-anr ngaeqcawq le-euq mqtav ghaqkhaer khoerghaq ghofdov-ir dzeur ngae, Gorneqlir, aqyawf-euq nymrkhanq-euq kuirlaf zaqkhav nyiq ghaq hawr-eu, aqmyanluf aqyawf-euq myawqkhaer ghov-eu laer lofluf-eu tsawrhaq deuq-euq lafkhoer nae, Miqyaer-anr guv-eu guirzaq tiq ghaq-anr kurlaf-euq mae.

Gʼaˬkʼehˇ 5:19

Aerkhawf, uqcif paw Sanqpaq Miqyaer-euq mqtav ghaqkhaer tiq ghaq, kuv-euq larghov deuq panle-awr, aqyawf maf-anr sheuqdov ghae-awr aer-eu,

Maꞈtehˬ 2:12

Yufmav mav-eu lafkhoer, Sanqpaq Miqyaer, aqyawf maf-anr Heqlor jawr-eu gar taq ghofmawrler laer maeqnaeq-euq mirnae, aqyawfmaf yawqpawyawq nae aqyawf maf-euq mirkhanq-anr ghof-ir-euq mae.

Maꞈtehˬ 1:20

Yorsaev khoerlof-aer sharnoeqluf ngae, aqyawf yufmav mav-eu lafkhoer, Sanqpaq Miqyaer-euq mqtav ghaqkhaer dovle-awr heulof-aer aer-eu mae: “Daqbir-euq zaqyo Yorsaev-or, nawq nae aertsaev taq-euq Maqliv-anr sheuqdanq dzaq-eu taq noeqshaq. Aqjeq mirnae aernar-aq, aqyawf piluf-eu zaq-aq, Yawshawr Saflar-euq baqda’nae tsaevler-euq mae.

Maꞈtehˬ 2:16

Khoernar-aq, aqyawf-aq, siqzaq ganryo deuq nae jaqmyawf bimyawf-euq nga laer Heqlor yasiq ngae, nuima paer duidui-eu mae. Aqyawf nae siqzaq ganryo deuq-anr narhaqduq taq-euq aryamq-anr sharsawx-awr, Baeqlaeqhaeq hawr-eu tanqghof tanqjawr-anr kharjawr-eu nyiq khof-euq lafov paw-euq aqli deuq-anr, tsawrhaq khaerghae-awr bi saefjir-euq mae.

Panmaeq 12:14

Aerkhawf, zaqmiq aqbur khoerghaq, arlawr khoermawr-anr nae yabuq-ir-awr, bawrtsanq bawrdanr-anr jav-eu aqyawf-euq jawrduq-anr zawghae nya’ni, khaqdzer dzerma-euq aqdanr nyiq danr bifnaeq-euq mae. Khoergar, smr yamq taf tiq pav byanni aqyawf-anr bosav naeq-euq mae.

Gʼaˬkʼehˇ 16:36

Khoerngae, kuv-euq aqyuif ghaq, Pawrluv-anr dawq khoerdeuq heulof-aer aernaeq-euq mae, “Yarkhaq dar-eu tsawrhaq deuq, nawnyaf-anr pyaeqnaeq-awq laer khaerlef-euq nga. Khoermirnae, nymq-mr kuv-anr nae dov-ir-awr, nuisar of-eu lafkhoer ghofler-awq.”

Gʼaˬkʼehˇ 10:22

Khoerngae, aqyawfmaf aer-eu, “Yardzoeq guirhuq Gorneqlir-aq, Miqyaer-anr guv-awr, Yurdav tsawrjeuq tsawrca dawqtawv luf-euq lafkhoer tsawrmyanr muiq-eu, tsaq-awr dawr-eu tiq ghaq mae. Nawq-anr aqyawf-euq irkanr-euq lafkhoer kurur-awr, nawq-euq dawq narhaq-awq laer shawr-eu mqtav ghaqkhaer tiq ghaq, aqyawf-anr aernaeq le-euq mae.”

Gʼaˬkʼehˇ 7:19

Sanqpaq heughaq aqdui-euq tsawrjeuq tsawrca-anr maershuir shuir-awr, aqdui-euq aqpoeq aqbawr deuq-anr khaeqnaeq khavnaeq-awr, zaqdeuq maqya daef-ir ni bi ciqdzae-euq mae.

Maꞈtehˬ 10:23

Nawmaf tiq meuq-anr jawr ngae, aqcawq khaeqlar nar-aq, yawqmeuq yawq-anr caevjawr-ir-awq. Ngar, nawmaf-anr aqdirma-aer aernaeq nyar, nawmaf, Irsaqleqlav-euq meuqdeuq-anr maq candoe-euq minav-aer, Tsawrhaq-euq Zaqyo oekeuv taef-a.

Panmaeq 12:6

Khoernar-aq, zaqmiq aqbur heughaq bawrtsanq bawrdanr-anr caevjawr-ir-euq mae. Khoergar Miqyaer, aqyawf-anr 1,260 nan byanni bosav-eu laer aqyawf-euq gharduq jawrzar lavsav taq-euq mae.

Panmaeq 12:4

Aqyawf-euq dawqmiq nae mq-anr tsaeq-eu aqguir smq bymr-anr nae tiq bymr yavuiq-awr, mirtsaq-euq khoertav juifka ghaelef-euq mae. Byavyanq heumawr, aqnyir ciq-eu laer ghae-eu zaqmiq aqbur khoerghaq, zaq bawdov lef-euq nar-aq, zaq khoerghaq-anr dzaq-eu laer zaqmiq aqbur khoerghaq-euq maeqshi yawfluf-eu mae.

Maꞈtehˬ 2:22

Aerkhawf, Aqgeqlar, aqyawf-euq aqda Heqlor-euq dzoeqdzaq za-awr, Yurdav mirkhanq-anr uvlanr luf-eu garkawv Yorsaev yagaq-euq mirnae, khoergar maq ghofler peuq-a. Yufmav mav-eu lafkhoer, Miqyaer, aqyawf-anr par maeqnaeq-awr, Gaqliqlaer mirkhanq-anr jawrler-euq mae.

Maꞈtehˬ 2:14

Khoerngae, Yorsaev tur-awr, uqcif saerghanr ma-aer aqlizaq hawr-eu aqyawf-euq aqma sheuq-awr, Irjirtuv-anr caevjawr-ir-euq mae.

Gʼaˬkʼehˇ 12:7

Khoerngae, Sanqpaq Miqyaer-euq mqtav ghaqkhaer tiq ghaq Beqtuvluv-euq gardzer yawfle-awr, kuv-euq arlawv-euq lafkhoer yawshaef byalar-euq mae. Aqyawf, Beqtuvluv-euq byaghar-anr taevtaev-aer kurnoeq-eu, “Yawkawr-aer tur-awq.” Khoerngae, shmrcav deuq aqyawf-euq aqlaf-anr nae galaev jir-euq mae.