Maꞈtehˬ 19:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ngar, nawmaf-anr aernaeq nyar, banq-awr khaqmiq sheu-euq maqngeur-eu gar nae yawqha-euq miqzaq-anr khof-awr, yawqghaq yawq-anr sheuq-eu tsawrhaq aqgeu ghaq maqkaq, zaqmiq aqbur khoerghaq-anr banq-awr joe-euq mae.”

Akha

⁹ Naw maꞈ-ahˇ ngaˇ heu loꞈ-ehˇ ehˇ-eu ma. Tsawˇ haˬ tiˬ gʼaˬ na, yawˬ ha-euˬ miˬ zaˬ aˬ cawˬ nehˬ-ehˇ maˬ bahˬ-euˬ gaˇ kʼoꞈ dzeh-awˇ, miˬ zaˬ yawˬ gʼaˬ yawˬ sheuˬ paˇ naˇ, zaˬ miˬ zaˬ kʼoeˇ gʼaˬ-ahˇ bahˬ-euˬ meh.”

Maꞈtehˬ 19:9 Referans Kwoze

Maꞈtehˬ 5:32

Aerkhawf, aqsur ghaq maqkaq, yawqha-euq miqzaq banq-awr khaqmiq sheu-eu maqngeur-eu gar nae khofnaeq nar-aq, yawqha-euq miqzaq-anr banq-awr joe-eu tsawrhaq bipyeuf-ir ni janr-eu mae. Miqkhof khoerghaq-anr kharsheuq-eu ghaq khawf, banq-awr joe-eu mae.

Luˇkaꞈ 16:18

“Yawqha-euq miqzaq khof-awr, yawqghaqyawq sheuq-eu aqsur ghaq maqkaq, banq-awr joe-euq jeq pyeuf-eu mae. Aqcawq-euq miqkhof sheuq-eu tsawrhaq khawf banq-awr joe-eu jeq pyeuf-eu mae.

1 Gawˇliˬtu 7:39

Zanr jav-eu lof-aer nar-aq, zaqmiqzaq-aq, yawqha-euq khaqdzerzaq khardaef-eu khoerkeuvni, yawqha-euq khaqdzerzaq naeq-aer ganrdzanq taq-euq mae. Khaqdzerzaq shir-euq nar-aq, danqdzaq-ir mawf-eu ghaq-anr danqdzaq-ir nya taef-a. Aerkhawf, Sanqpaq Miqyaer-euq lafkhoer jawr-eu tsawrhaq-anr taef-aer ya danqdzaq-ir-eu mae.

1 Gawˇliˬtu 5:1

Nawmaf-euq lafkhoer, aqcawq tsawrjeuq tsawrca deuq ngaeq-eu taef-aer khawf maq ngaeqkeuv shaf-eu, banq-awr khaqmiq sheu-eu garkawv javluf-eu mae laer, ngar aqdir yagaq-euq ma. Khoer-aq, tsawrhaq tiq ghaq, aqyawf-euq aqma ma’nyir naeq-aer banq-awr joe-eu garkawv mae.

1 Gawˇliˬtu 7:4

Miqzaq ghaq-euq mawrdo-aq, miqzaq ghaq-euq navni maqjav-aer, khaqdzerzaq ghaq-euq navni jav-eu mae. Khoergar durni, khaqdzerzaq ghaq-euq mawrdo khawf, khaqdzerzaq ghaq-euq navni maqjav-aer, miqzaq ghaq-euq navni jav-eu mae.

Maꞈtehˬ 19:8

Khoerngae, Yeqsur, aqyawf maf-anr heulof-aer aernaeq-euq mae: “Nawmaf nuima ghanr-eu mirnae, Morseq, miqzaq khofnya taef-a laer pyaeqtaq-euq mae. Aerkhawf, ardanqbae ngae-aq, khoerlof-aer maqngeur-a.

Maꞈtehˬ 19:10

Khoerngae, zaqlanr deuq, Yeqsur-anr aernaeq-eu, “Miqzaq yozaq-euq yawkaq khoerlof-aer ghae-eu ngeur nar-aq, maq sheuqdanq dzaqni jawr-eu-aq, muiqdzaeq-eu jeq ngar-a.”