Maꞈtehˬ 19:23 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Khoerngae, Yeqsur, aqyawf-euq zaqlanr deuq-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, smrmuiq smrbaw deuq, mqtav mirkhanq-anr urler-eu-aq shaq duidui-eu mae.

Akha

²³ Kʼoeˇ ngeh, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ-eu ma. Smˇ muiˬ smˇ baw deuˬ Mˬtaˆ Miˇkʼahˬ-ahˇ uˇ leˇ-eu shaˬ dui dui meh.

Maꞈtehˬ 19:23 Referans Kwoze

Maꞈtehˬ 13:22

Aqgan daefmyaq-eu tsanr-anr ga-ir-euq deuq-aq, tsawrhaq tiq ghaq, Miqyaer-euq dawq yagaq-euq khawf, mirtsaq-euq khoertav jawr ngae, khanqlanr-eu jeq hawr-eu pyurshuir myawqganq-euq jaqmyawf maershuir nae, dawq khoerdeuq-anr uvtaeq taq-euq mirnae, arsiq maq siqle nya-eu gar aer-eu mae.

Maˬkuˆ 10:23

Khoerngae, Yeqsur tiqjawq haw-awr zaqlanr deuq-anr aernaeq-eu, “Pyurshuir jav-eu tsawrhaq-aq, Miqyaer uvlanr-eu jeq-euq lafkhoer urler-eu arnavni shaq-eu nga.”

Luˇkaꞈ 18:24

Yeqsur, aqyawf noeqshaq duidui luf-eu gar ya’mawr ngae aer-eu, “Smrmuiq smrbaw-aq, Miqyaer uvlanr-eu lafkhoer urler-eu arnavni shaq-eu nga!

1 Gawˇliˬtu 1:26

Aqyuif aqnyir deuq-or! Miqyaer, nawmaf-anr kur-euq gar sharnoeqhaw sher-eq. Shiqshaq paw sharsawx nar-aq, nawmaf-euq lafkhoer zaqsiq tsawrganr anr-eu tsawrhaq maqmyaq-a, ghaq khav-eu tsawrhaq maqmyaq-a, tsawrhuiq tsawrma khawf maqmyaq-a.

Yoˇhaˬ 3:3

Yeqsur aerkhof naeq-eu, “Ngar, nawq-anr aqdir aqmar aernaeq nyar, tsawrhaq tiq ghaq maq daefpov maq daefpar nar-aq, Miqyaer uvlanr-eu jeq-anr maqya mawr-ar.”

Dawqdaq 11:28

Yawqha-euq pyurshuir myawqganq-anr ghoe-eu tsawrhaq-aq, yacoq-ir taef-a. Aerkhawf, tsaq-awr dawr-eu tsawrhaq-aq, maerlar luf-eu arpaf-anr dur-eu mae.

Yaˬkoˆ 2:6

Aerkhawf, nawmaf-aq, irshaqzaq-anr yawzeu maqbawni janrnaeq-eu nga. Nawmaf-anr khaeqnaeq khavnaeq laf-awr, nawmaf-anr yarkhaq darduq-anr gheughae-eu tsawrhaq-aq, smrmuiq smrbaw khoerdeuq maqngeur-a lor?

Gʼaˬkʼehˇ 14:22

Zaqlanr deuq nuima saflar, ghaq khavlarni, aqmyanluf jan-awr nuima zifdanni jawr-awq laer ghaq bifnaeq-eu lafkhoer aer-eu, “Aqdui, Miqyaer uvlanr-eu jeq-anr urler nya’ni, shaqzanq ghawqmya jeq-anr ya tanqpuq-eu mae.”

Yoˇhaˬ 3:5

Khoerngae, Yeqsur heulof-aer aerkhof naeq-euq mae, “Ngar, nawq-anr aqdir aqmar aernaeq nyar, tsawrhaq tiq ghaq ircuf hawr-eu muiq-eu Saflar-anr nae daefle-euq maqngeur nar-aq, Miqyaer uvlanr-eu lafkhoer maqya urler-a.

Maꞈtehˬ 18:3

heulof-aer aer-eu mae: “Ngar, nawmaf-anr aqdirma-aer aernaeq nyar, nawmaf nuima par-awr, zaq yawnyir lof-aer maq pyeuflar nar-aq, mqtav mirkhanq-anr tiqjeq ghaenae-iq maqya urler-a.

Maꞈtehˬ 5:20

Ngar, nawmaf-anr aernaeq nyar, nawmaf-euq tsaq-awr dawr-eu jeq, zanr maeq-eu deuq hawr-eu Paqliqsaer deuq navmaqtser maq myaqdzaeq nar-aq, mqtav mirkhanq-euq lafkhoer tiqjeq ghaenae-iq maqya urler-ar.

Maꞈtehˬ 21:31

Zaqyo khoer nyiq ghaq-anr nae, aqda-euq nuima tsaqni mr-eu aqgeu ghaq nya?” Aqyawfmaf aerkhof-eu, “Aqyuif ghaq mir-a.” Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, jeq taf-eu tsawrhaq hawr-eu mawrdo anq-eu tsawrhaq deuq-aq, nawmaf-euq jeqhu nae Miqyaer uvlanr-eu jeq-euq lafkhoer urler luf-eu mae.

Maꞈtehˬ 19:22

Khoerngae, zaqguq khoerghaq dawq khoerdawq-anr yagaq ngae, noeqshaq duidui-eu lafkhoer candov ghae-euq mae. Aqjeq mirnae aernar-aq, aqyawf myawqganq ghawqmya’ni jav-eu mae.