Maꞈtehˬ 19:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Yeqsur, aqyawf-anr aernaeq-eu, “Nawr byan-eu tsawrhaq pyeufmawf nar-aq, ghof-ir-awr, nawr kharjav-eu jeq dawqtawvluf anqdzae-awr nae, shaq-awr zanq-eu deuq-anr birnaeq-ir-awq. Khoerlof-aer janr nar-aq, mq-euq khoertav pyurshuir myawqganq javlar taef-a. Khoernar-aq, ngaq-euq maeqnan cantae lar-awq.”

Akha

²¹ Yeˬsuˇ ehˇ-eu, “Nawˇ ehˇ kʼaˇ maˬ za ni byah-eu tsawˇ haˬ pyeuꞈ mawꞈ naˇ, nawˇ kʼaˇ jaˆ-eu jeˬ dawˬ tawˆ luꞈ ahˬ-iˇ-awˇ, ahˬ za-euˬ pyuˇ kʼoeˇ yuˇ-awˇ shaˬ zaˬ zahˬ zaˬ deuˬ-ahˇ biˇ nehˬ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, paˇ gʼoꞈ poˆ laˇ-awˇ ngaˬ-euˬ mehˬ nah caw teh laˇ-awˬ.”

Maꞈtehˬ 19:21 Referans Kwoze

Maˬkuˆ 10:21

Khoerngae, Yeqsur, aqyawf-anr haw-awr, aqyawf-anr gaq-eu lafkhoer aernaeq-eu, “Nawr tiqjeq maqjir nga siq. Nawr kharjav-eu jeq dawqtawvluf anqdzae-awr, irshaqzaq-anr birnaeq-awq, mq-euq khoertav nawq-euq pyurshuir myawqganq javlar taef-a. Khoernar-aq, lafyaq baf-awr ngaq-euq maeqnan cantae lar-awq.”

Luˇkaꞈ 18:22

Yeqsur dawq khoerdawq-anr yagaq ngae khoerghaq-anr aernaeq-eu, “Nawr tiqjeq maqjir nga siq. Nawr kharjav-eu jeq dawqtawvluf anqdzae jir-awr, irshaqzaq-anr birnaeq-ir-awq. Khoerlof-aer janr nar-aq, mq-euq khoertav zawr poeq-eu pyurshuir myawqganq jav taef-a. Khoernar-aq, lar-awr ngaq-euq maeqnan cantae lar-awq.”

Luˇkaꞈ 12:33

Nawmaf-euq myawqganq anqdzae-awr, aqcawq-anr gamfnaeq-awq. Yawqha-euq gharduq maqpeuq-ir nya-eu pyur pawqbaev guftaq-awr, maq zmqjir nya-eu pyurshuir myawqganq, mq-euq khoertav povuiq taq-awq. Khoergar-aq, smrkhoeq maq lepae nya-aer, boeq khawf maq dzaqler nya-a.

Luˇkaꞈ 14:33

Khoerlof-aer durni, nawmaf aqgeu ghaq maqkaq, yawqha kharjav-eu dawqtawvluf maq byaerdzaeyaf nar-aq, ngaq-euq zaqlanr maq geufnya-a.

Gʼaˬkʼehˇ 2:45

Aqyawfmaf, mirtsaq hawr-eu myawqganq anq-awr, kharmawf-eu ghaq-anr mawf-eu lof-aer daeqbir naeq-euq mae.

Yoˇhaˬ 12:26

Tsawrhaq tiqghaqnav ngaq-euq kuirlaf zaqkhav geufmawf nar-aq, ngaq-euq maeqnan ya cantae-eu mae. Ngar aqgeugar jawr nar-aq, ngaq-euq kuirlaf zaqkhav khawf khoergar yajawr-eu mae. Tsawrhaq tiqghaqnav ngaq-euq kuirlaf zaqkhav geuf nar-aq, ngaqDa, aqyawf-anr taqhuiq taqmanrnaeq taef-a.”

Luˇkaꞈ 9:23

Khoernar-aq, Yeqsur, tsawrhaq dawqtawv luf-anr heulof-aer aernaeq-euq mae: “Tsawrhaq tiq ghaq, ngaq-euq maeqnan cantaelar mawf nar-aq, yawqha-euq nuikhanr byaerdzae yaf-awr, yawqnan navluf yawqha-euq lafyaq yawqha baf-awr nae, ngaq-euq maeqnan ya cantae-eu mae.

Yoˇhaˬ 10:27

Ngaq-euq yawrdeuq-aq, ngaq-euq tersar-anr narhaq-eu mae. Ngar, aqyawf maf-anr siqnya-awr, aqyawfmaf khawf ngaq-euq maeqnan cantae-eu mae.

Maꞈtehˬ 5:48

Khoermirnae, mq-euq khoertav jawr-eu nawmaf-euq Aqda byan-eu lof-aer nawmaf khawf byanlar-awq.

Luˇkaꞈ 16:9

“Ngar, nawmaf-anr aernaeq nyar, maqtsaq maqdawr-eu pyurshuir myawqganq zmq-awr aqcawq naeq-aer cawq cawq-awq. Nawmaf-euq pyurshuir myawqganq deuq byovjir ngae, aqyawfmaf, nawmaf-anr mqmaq maqbyav yarzir daef-eu jawrduq-anr hageuf naeqlaf taef-a.

Maꞈtehˬ 19:28

Khoerngae, Yeqsur, aqyawf maf-anr heulof-aer aernaeq-euq mae, “Ngar, nawmaf-anr aqdirma-aer aernaeq nyar, yawqjeq navluf yawshuif parlar-awr, Tsawrhaq-euq Zaqyo, aqyawf-euq yawshaef khanqsaer huiq-eu nuirmanq-anr nuir ngae, ngaq-euq maeqnan cantae-eu nawmaf khawf, nuirmanq 12 manq-anr nuir-awr, Irsaqleqlav tsawrjeuq 12 jeuq-anr yarkhaq yadar taef-a.

Maꞈtehˬ 16:24

Khoerngae, Yeqsur, aqyawf-euq zaqlanr deuq-anr heulof-aer aernaeq-euq mae: “Tsawrhaq tiq ghaq, ngaq-euq maeqnan cantaelar mawf nar-aq, yawqha-euq nuikhanr byaerdzae yaf-awr, yawqha-euq lafyaq baf-awr nae, ngaq-euq maeqnan ya cantae lar-eu mae.

Luˇkaꞈ 6:40

Zaqlanr-aq, saqlaq taf-aer maq huiqdzaeqler nya-a. Aerkhawf, yawmuiq-aer bi maeqbym-euq aqsur ghaq maqkaq, yawqha-euq saqlaq lof-aer pyeuflarnya taef-a.

Luˇkaꞈ 5:27

Garkawv khoer dzeur-euq nar-aq, Yeqsur dov-ir-awr, Leqbir laer kur-eu jeq taf-eu tiq ghaq, jeq tafduq-anr nuirluf-eu gar mawr-awr aqyawf-anr aernaeq-eu, “Ngaq-euq maeqnan cantae lar-awq.”

Maˬkuˆ 8:34

Khoerngae, Yeqsur, tsawrhaq armaf hawr-eu zaqlanr deuq-anr kur-awr, aqyawf maf-anr heulof-aer aernaeq-euq mae: “Tsawrhaq tiq ghaq, ngaq-euq maeqnan cantaelar mawf nar-aq, yawqha-euq nuikhanr byaerdzae yaf-awr, yawqha-euq lafyaq baf-awr nae, ngaq-euq maeqnan cantae lar-awq.

Maꞈtehˬ 9:9

Yeqsur khoergar nae maeqhu paw irluf ngae, Maqtaeq laer kur-eu tiq ghaq, jeq taf-eu nymr-anr nuirluf-eu gar ya’mawr-euq mae. Yeqsur, aqyawf-anr aernaeq-eu, “Ngaq-euq maeqnan cantae lar-awq.” Khoerngae, Maqtaeq tsawqtur-awr, Yeqsur-euq maeqnan cantae ghae-euq mae.

HeˬByehˇ 10:34

Aqjeq mirnae aernar-aq, shmrcav nae bi paftaq-euq ngaq-anr khawf, nawmaf ghawqshaq gaq-awr, aqcawq, nawmaf-euq myawqdeuq-anr khaeqgeuf khavgeuf-euq khawf, nawmaf laqkhaq caertavni daq-awr hageuf coer-eu mae. Aqjeq mirnae aernar-aq, heunav maqtser muiqdzaeq zifdzaeq-eu jeqbir nawmaf-euq gharduq jav-eu mae laer nawmaf siqnya-eu mae.

Maˬkuˆ 2:14

Yeqsur maeqhu paw par irghae ngae, Aqlaqpaer-euq zaqyo Leqbir, jeq taf-eu nymr-anr nuirluf-eu gar ya’mawr-awr aernaeq-eu, “Ngaq-euq maeqnan cantae lar-awq.” Khoerngae, Leqbir tsawqtur-awr, Yeqsur-euq maeqnan cantae ghae-euq mae.

Maꞈtehˬ 8:22

Khoerngae, Yeqsur, aqyawf-anr aernaeq-eu, “Shir-euq tsawrhaq-anr-aq, shir-euq tsawrhaq nae bi bafpanq-awq. Nawr-aq, ngaq-euq maeqnan cantae lar-awq.”

Maꞈtehˬ 4:19

Yeqsur, aqnyaf nmr-anr aernaeq-eu, “Ngaq-euq maeqnan cantae lar-awq. Ngar, nawnyaf-anr, ngaqshaq pov-eu lof-aer, tsawrhaq-anr pov-eu tsawrhaq bipyeuf ma.”

Jaceuq 37:37

Aerkhar maqza-eu tsawrhaq-anr hawtsov taq-awr, Dawrcoeni ghae-eu tsawrhaq-anr hawtaq-awq; Aqjeq mirnae aernar-aq, tsaqler dzoerlerni mr-eu tsawrhaq-aq, Arsaq yawmuiq-aer saqnya taef-a.

Maꞈtehˬ 19:20

Khoerngae, zaqguq khoerghaq aer-eu, “Ngar yawnyir ngae nae heudeuq dawqtawv luf-anr yawmuiq-aer mrcaw laf-euq ma. Aqjeq parya mr-eu la siq?”

Maꞈtehˬ 19:22

Khoerngae, zaqguq khoerghaq dawq khoerdawq-anr yagaq ngae, noeqshaq duidui-eu lafkhoer candov ghae-euq mae. Aqjeq mirnae aernar-aq, aqyawf myawqganq ghawqmya’ni jav-eu mae.