Maꞈtehˬ 19:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoerngae, tsawrhaq tiq ghaq, Yeqsur jawr-eu gar lar-awr narhaq-eu, “Muiq-eu Saqlaq-or! Ngar mqmaq maqbyav yarzir daef-eu jeq za’ni, gar yawmuiq aqgeu jeq ya’mr-eu la?”

Akha

¹⁶ Tiˬ poˆ-aˬ, tsawˇ haˬ tiˬ gʼaˬ Yeˬsuˇ jawˇ gaˇ laˇ-awˇ ehˇ-eu, “Saˬ laˬ-oˇ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, gaˇ yaw muiˬ aˬ geu jeˬ ngaˇ ya mˇ ta.”

Maꞈtehˬ 19:16 Referans Kwoze

Yuˇdaˆ 1:21

Nawmaf, Miqyaer-euq gaq-eu jeq-euq lafkhoer jawr-awr, mqmaq maqbyav yarzir daef-eu jeq za’ni, aqdui-euq Sanqpaq Yeqsur Kali-euq ghawqshaq gaq-eu jeq-anr hawtsov taq-awr dawq-awq.

Yoˇhaˬ 3:15

Khoer baqda’nae, aqyawf-anr kharjan-eu aqsur ghaq maqkaq, maqya cawv-ir-eu uqtaf, mqmaq maqbyav yarzir yadaef taef-a.”

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

1 Yoˇhaˬ 1:2

Daef-eu jeq khoer byacaevni dovlar-euq gar nga’maf ya’mawr-awr sarkir kamq-eu ma. Khoeruqtaf, yawbae, Aqda Miqyaer naeq-aer jawr-euq li-eu maqbawni daef-eu jeq khoer, nga’maf-anr bimawr naeqlaf-euq garkawv khawf, nawmaf-anr dzawrnaeq-eu ma.

Maꞈtehˬ 25:46

Aqyawf maf-aq, mqmaq maqbyav yarzir darnaeq-eu lafkhoer ya’ur-ir-awr, tsaq-awr dawr-eu tsawrhaq deuq-aq, mqmaq maqbyav yarzir daef-eu lafkhoer ya urler taef-a.”

Tiˇtuˆ 3:7

Aqyawf-euq guiqlanq yawdzanr baqda’nae, aqdui tsaq-awr dawr-eu tsawrhaq pyeuflar-awr, mqmaq maqbyav yarzir daef-eu jeq-anr noeqtmqkhar za-eu aqyawf-euq jeqbir of-eu tsawrhaq ma.

1 Yoˇhaˬ 2:25

Heu-aq, mqmaq maqbyav yarzir daef-eu jeq bif ma laer Kali, aqdui-anr sarjax dzaqtaq-euq mae.

Tiˇtuˆ 1:2

khoer-aq, mqmaq maqbyav yarzir daef-eu jeq za taef-a laer noeqtmq-eu jeq-anr dawqpaeq taq-awr, jaqmyawf maqmyawf-eu Miqyaer-aq, mqmir maq javle-euq minav-aer sarjax dzaqtaq-euq mae.

1 Tiˆmoˇseˬ 6:19

Heulof-aer janr-eu-aq, aqyawfmaf mqmaq maqbyav yarzir daef-eu jeq-anr nyaefza’ni, aqkar karzir-euq gharduq muiq-eu dawqpaeq pyeuf-eu, pyurshuir myawqganq povuiq taq-eu jeq pyeuf-eu mae.

1 Tiˆmoˇseˬ 6:12

Jan-eu jeq-euq gharduq guirdeuv yawmuiq-aer deuv-awq. Mqmaq maqbyav yarzir daef-eu jeq-anr nyaefza-awq. Nawr khoerjeq-anr za’ni Miqyaer, nawq-anr kur-euq mae. Sarkir kamq-eu ghawqmya ghaq-euq maeqshi, nawr, Kali-anr jan-eu ma laer muiq-eu sarkir kamq-euq mae.

Gʼaˬkʼehˇ 16:30

Khoernar-aq, aqyawf, aqyawf nyaf-anr sheuqdov ghae-awr aer-eu, “Saqlaq-or! Ngar yabuq-ir ni aqjeq yajanr-eu la?”

Lormav 5:21

Iqbax uvlanr-eu baqda’nae shir-eu gar bikeuv-awr, tsaq-awr dawr-eu jeq-anr ghoe-awr guiqlanq yawdzanr uvlanr-eu baqda’nae, aqdui-euq Sanqpaq Yeqsur Kali-anr ghoe-awr, mqmaq maqbyav yarzir daef-eu lafkhoer sheuqkeuv lef-eu mae.

Lormav 2:7

Nuima zifdanni or-eu lafkhoer yawmuiq jeq mr-awr, yawshaef khanqsaer hawr-eu taqhuiq taqmanr-eu jeq-anr pov-eu uqtaf, maqbyov-ir maqcawv-ir nya-eu jeq-anr pov-eu tsawrhaq-aq, mqmaq maqbyav yarzir daef-eu jeq za taef-a.

Yoˇhaˬ 12:25

Yawqha-euq daefzir-anr gaq-eu tsawrhaq-aq, daefzir yasmq taef-a. Mirtsaq-euq khoertav daef ngae, yawqha-euq daefzir-anr byae-eu tsawrhaq-aq, mqmaq maqbyav yarzir daef-eu gharduq jeqhmqnya taef-a.

Yoˇhaˬ 10:28

Khoeruqtaf, ngar, aqyawf maf-anr mqmaq maqbyav yarzir daef-eu jeq bif-awr, aqyawfmaf tiqjawr-iq maqya cawv-ir-ar. Ngaq-euq aqlaf-anr nae tiqghaq-iq yawr khoerdeuq-anr maq ludov nya-ar.

Yoˇhaˬ 6:68

Khoerngae, Sirmoq Beqtuvluv, aqyawf-anr heulof-aer aerkhof naeq-euq mae, “Sanqpaq-or! Nawq-euq lafkhoer mqmaq maqbyav yarzir daef-eu jeq bif-eu dawq anr-eu mae. Nga’maf aqsur ghaq-euq maeqnan par cantae-ir nmr-mq?

Yoˇhaˬ 6:47

Ngar, nawmaf-anr aqdir aqmar aernaeq nyar, ngaq-anr jan-eu tsawrhaq-aq, mqmaq maqbyav yarzir daef-eu jeq za-eu mae.

Yoˇhaˬ 5:39

“Yaerbof-euq lafkhoer mqmaq maqbyav yarzir daef-eu jeq anr-eu mae laer nawmaf noeq-eu mirnae, nawmaf, Yaerbof guigui-aer povtser luf-eu mae. Yaerbof khoer-aq, ngaq-euq garkawv sarkir kamq-eu mae.

Yoˇhaˬ 4:14

Aerkhawf, ngar bidawr-eu ircuf khardawr-euq tsawrhaq-aq, tiqjawr-iq maqpar maeflar-ar. Ngar bidawr-eu ircuf khoer, tsawrhaq khoerghaq-euq lafkhoer ircuf irbyoe pyeuf-awr, mqmaq maqbyav yarzir daef-eu jeq za-eu gar keuvni tanqdavlaf taef-a.”

Maꞈtehˬ 19:29

Ngaq-euq tsawrmyanr-euq gharduq, yawqha-euq nymr, maqngeur nar-aq, maernmr, dmrma, aqma aqda, zaqmiq zaqyo, daeyar, heudeuq byaerdzae yaf-euq tsawrhaq yawqghaq navluf, khoermyav maqtser 100 bymr za-eu uqtaf, mqmaq maqbyav yarzir daef-eu jeq za taef-a.

1 Tiˆmoˇseˬ 1:16

Aerkhawf, Yeqsur Kali arnavni orcoer-eu nga laer aqyawf panmaeqnaeq mawf-eu mirnae, ngar, aqcawq navmaqtser iqbax huiq-eu khawf, aqyawf, ngaq-anr ghawqshaq gaqnaeq laf-euq mae. Khoer-aq, arnan, aqyawf-anr jan-eu baqda’nae mqmaq maqbyav yarzir daef-eu jeq za-eu tsawrhaq deuq bi dzawgeuf-eu gharduq pyeuf-eu mae.

Maꞈtehˬ 19:26

Yeqsur, aqyawf maf-anr haw-awr nae aernaeq-eu, “Heu-aq, tsawrhaqzaq janrnya-eu jeq maqngeur-a. Aerkhawf, Miqyaer-aq, yawqjeq navluf janrnya-eu mae.”

Maꞈtehˬ 19:15

Khoernar-aq, Yeqsur, zaq khoerdeuq-euq khoertav aqlaf bafdav naeq-awr, khoergar nae dov-ir-euq mae.