Maꞈtehˬ 18:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqcawq-anr sanqtif bitifni mr-eu mirtsaqzaq-aq, ghawqshar shaq-aer ya ghaesaef taef-a. Aqcawq-anr sanqtif bitif-eu jeq javlar-eu yawduq baw-eu mae. Aerkhawf, aqcawq-anr sanqtif bitifni mr-eu tsawrhaq-aq, ghawqshar shaq-aer ya ghaesaef taef-a.

Akha

⁷ Tsawˇ haˬ zaˬ-euˬ jah-eu nui ma byoˆ-iˇ ni jahˇ-eu gʼawˬ mya jeˬ jaˆ-eu baˬ da neh, miˇ tsaˬ tahˬ kʼawˇ heu aˇ naˆ ni guˆ laˇ paˬ-ehˇ gʼeh-eu nga. Kʼoeˇ loꞈ-ehˇ gʼeh-eu jeˬ aˬ myah luꞈ jaˆ luꞈ meh. Ehˇ kʼawꞈ, kʼoeˇ loꞈ-ehˇ gʼeh-eu jeˬ bi doˆ laˇ ni mˇ-eu tsawˇ haˬ deuˬ ya noeˬ shaˬ dui dui tehꞈ-a.

Maꞈtehˬ 18:7 Referans Kwoze

Luˇkaꞈ 17:1

Khoernar-aq, Yeqsur, zaqlanr deuq-anr heulof-aer par aernaeq-euq mae: “Maeqhu paw sanqtif tiflar-eu jeq ya’mawr taef-a. Aerkhawf, aqcawq-anr sanqtif bitifni mr-eu ghaq-aq, ghawqshar shaq-aer ya ghaesaef taef-a.

1 Gawˇliˬtu 11:19

Nawmaf-euq lafkhoer geufnya-eu tsawrhaq aqsur ghaq nga laer siqduq mawrduq larni, maqtsaq maq dzoerler-eu jeq yajav lar-eu mae.

Maꞈtehˬ 26:24

Tsawrhaq-euq Zaqyo-aq, Yaerbof-euq lafkhoer aqyawf-euq garkawv boftaq-euq lof-aer ya ghofler-eu mae. Aerkhawf, Tsawrhaq-euq Zaqyo-anr anqdzaq-euq ghaq-aq, ghawqshar shaq-aer ya ghaesaef taef-a. Khoerghaq maq daefle-euq lawnmr-aq, aqyawf-euq gharduq muiqdzaeq-eu mae.”

Yuˇdaˆ 1:4

Aqjeq mirnae aernar-aq, tsawrhaq tiqghaqnav, aqdui maf-euq lafkhoer urkhoeq lar-euq mae. Aqyawf maf-aq, jawflafni ghae-eu jeq mrnya’ni, Miqyaer-euq guiqlanq yawdzanr lavpyawv-awr, aqdui-euq Sanqpaq Yeqsur Kali tiq ghaq taef-aer Sanqpaq Miqyaer pyeuf-eu mae laer maq hageuf-eu, Miqyaer-anr yawzeu maqbaw-eu tsawrhaq mae. Aqyawf maf-aq, yarkhaq dar-eu gar yadaqni arhuba nae bi dartsaev taq-euq mae.

Tiˇtuˆ 2:8

Aqcawq iqbax taqkhar maqza’ni, tsaq-awr tsanr-eu dawq taef-aer maeqnaeq-awq. Khoerlof-aer maeqnaeq nar-aq, lavtsoeq-eu tsawrhaq, nawmaf-anr yawdoer jeq aerkhar maqza-aer, ya shafdawr-ir taef-a.

Tiˇtuˆ 2:5

yawqha-euq nuima-anr nyaeftaeq nya-eu, yawshawr shawr-aer daef-eu, nymrkhanq-anr hawluiv nya-eu, nuima muiq-eu hawr-eu yawqha-euq khaqdzerzaq-euq lafov jawrnya-eu tsawrhaq khawf pyeuflar taef-a. Aqyawfmaf khoerlof-aer janr nar-aq, aqcawq, Miqyaer-euq dawq-anr yaeqbawq saerlu-aer aerkhar maqza-ar.

1 Tiˆmoˇseˬ 6:1

Miqyaer-euq tsawrmyanr hawr-eu aqyawf-euq dawqmaeq dawqtsov-anr aqcawq yaeqbawq saerlu-aer maqya aerni, aqcawq-euq zaqkhav khar geufluf-eu tsawrhaq yawqghaq navluf yawqjeq navluf-euq lafkhoer, yawqha-euq yawsanr ghaq-anr yawzeubaw paq-aer ghae-eu mae.

Gʼaˬkʼehˇ 1:16

“Aqyuif aqnyir deuq-or! Yawshawr Saflar, Daqbir-euq khaqmae-anr ghoe-awr aerkeuv taq-euq, Yaerbof-euq lafkhoer boftaq-euq dawq heudawq ya byanlar-eu mae. Khoer-aq, Yeqsur-anr nyaef-euq tsawrhaq deuq-anr sheuqmaeq naeq-eu tsawrhaq pyeuflar-euq Yurdav-euq garkawv mae.

Yoˇhaˬ 17:12

Ngar, aqyawfmaf naeq-aer mirtsaq-euq khoertav jawrluf ngae, nawq-euq tsawrmyanr-euq uqmov, ngar, aqyawf maf-anr bosav-euq ma. Nawq nae ngaq-anr bifnaeq laf-euq tsawrhaq deuq-anr ngar bosav-awr, lavcawv-eu ghaq-euq zaq maqngeur nar-aq, aqyawfmaf tiqghaq-iq maqbyov-ir-aq. Heu-aq, Yaerbof-euq lafkhoer boftaq-euq lof-aer bi byanlar-eu gharduq mae.

Maˬkuˆ 13:7

Guirdeuv deuvluf-eu gar hawr-eu guirdeuv deuv-eu laer ghaeluf-eu gar nawmaf yagaq taef-a. Aerkhawf, taq tsawqguv-ir, aqjeq mirnae aernar-aq, khoerdeuq ya pyeuflar taef-a. Aerkhawf, arsaq saq-eu maqngeur-a siq.

Maꞈtehˬ 16:23

Khoerngae, Yeqsur nanrghof ghofhaw-awr Beqtuvluv-anr aernaeq-eu, “Naef Saqdaq-or! Ngaq-euq narkhan paw caev-awq. Nawr, ngaq-anr sanqtif bitif-eu laer ghae-eu nga. Aqjeq mirnae aernar-aq, nawq-euq nuinoeq-aq, Miqyaer-euq nuinoeq maqngeur-eu, tsawrhaq-euq nuinoeq sharnoeq luf-eu nga.”