Maꞈtehˬ 18:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Ngaq-euq tsawrmyanr-euq uqmov heulof-aer ghae-eu zaq yawnyir tiq ghaq-anr hageuf-eu tsawrhaq-aq, ngaq-anr hageuf-eu mae.

Akha

⁵ Ngaˬ-euˬ tsawˇ myahˇ uˬ moˆ heu loꞈ-ehˇ gʼeh-eu zaˬ yaw nyiˇ tiˬ gʼaˬ-ahˇ ha-eu tsawˇ haˬ-aˬ, ngaˬ-ahˇ ha gaˇ duˇ-eu meh.

Maꞈtehˬ 18:5 Referans Kwoze

Maꞈtehˬ 25:40

Khoerngae, Sanqpaq khoerghaq, aqyawf maf-anr aerkhof naeq-eu, ‘Ngar, nawmaf-anr aqdirma-aer aernaeq nyar, nawmaf nae ngaq-euq aqyuif aqnyir heudeuq-euq lafkhoer nae nyirdzaeq dzaeq-eu tiq ghaq-anr janrnaeq-euq khoer-aq, ngaq-anr janrnaeq laf-euq mae.’

Gaˬlaˬtiˆ 4:14

Ngar nar-eu mirnae, nawmaf-euq gharduq shaqzanq pyeuf-eu khawf, nawmaf, ngaq-anr maq hawnanr-eu lof-aer maq janrnaeq laf-euq uqtaf, maq byaerdzae naeqlaf-aq. Miqyaer-euq mqtav ghaqkhaer-anr hageuf-eu lof-aer hageuf naeqlaf-awr, Yeqsur Kali-anr hageuf-eu lof-aer hageuf naeqlaf-euq mae.

Yoˇhaˬ 13:20

Ngar, nawmaf-anr aqdirma-aer aernaeq nyar, ngaq nae khaerghae-euq tsawrhaq-anr hageuf-eu ghaq-aq, ngaq-anr hageuf-eu mae. Ngaq-anr hageuf-eu tsawrhaq-aq, ngaq-anr khaerghae lef-euq ghaq-anr hageuf-eu mae.”

Maˬkuˆ 9:37

“Ngaq-euq tsawrmyanr-euq uqmov heulof-aer ghae-eu zaq yawnyir tiq ghaq-anr hageuf-eu tsawrhaq-aq, ngaq-anr hageuf-eu mae. Ngaq-anr khar hageuf-eu tsawrhaq-aq, ngaq-anr hageuf-eu maqngeur-a, ngaq-anr khaerghae lef-euq ghaq-anr hageuf-eu mae.”

Luˇkaꞈ 9:48

Khoernar-aq, aqyawf, aqyawf maf-anr aernaeq-eu, “Ngaq-euq tsawrmyanr-euq uqmov zaq yawnyir heughaq-anr hageuf-eu tsawrhaq-aq, ngaq-anr hageuf-eu mae. Ngaq-anr hageuf-eu tsawrhaq-aq, ngaq-anr bi’oe-euq ghaq-anr hageuf-eu mae. Nawmaf dawqtawv luf-euq lafkhoer aqcawq navmaqtser nyirdzaeq-eu ghaq-aq, aqcawq navmaqtser huiqdzaeq-eu ghaq pyeuflar taef-a.”

Maˬkuˆ 9:41

Ngar, nawmaf-anr aqdirma-aer aernaeq nyar, nawmaf, Kali-anr taf-eu tsawrhaq mirnae, ngaq-euq tsawrmyanr-anr ghoe-awr nawmaf-anr ircuf tiq khmq kharbi dawr naeqlaf-eu aqsur ghaq maqkaq, aqyawf-aq, mrpoeq lafsawq maqza-aer maqghae-ar.

Maꞈtehˬ 25:45

Khoerngae, sanqpaq, aqyawf maf-anr heulof-aer aerkhofnaeq taef-a, ‘Ngar, nawmaf-anr aqdirma-aer aernaeq nyar, tsawrhaq heudeuq-euq lafkhoer nae nyirdzaeq dzaeq-eu aqgeu ghaq-anr maqkaq, nawmaf maq janrnaeq-euq khoer-aq, ngaq-anr maq janrnaeq-euq gar dur-eu mae.’

Maꞈtehˬ 7:8

Aqjeq mirnae aernar-aq, kharshar-eu tsawrhaq-aq za-awr, pov-eu tsawrhaq ya’mawr-eu uqtaf, larghov-anr khov-eu tsawrhaq-anr khawf pannaeq taef-a.

Maꞈtehˬ 18:4

Khoermirnae, zaq yawnyir heughaq lof-aer nuima nanqyuni taq-eu tsawrhaq-aq, mqtav mirkhanq-euq lafkhoer huiqdzaeq-eu ghaq mae.

Maꞈtehˬ 18:6

“Aqsur ghaq maqkaq, ngaq-anr jan-eu tsawrhaq heudeuq-euq lafkhoer nae yawnyir tiq ghaq-anr bi mrlaeq nar-aq, khoerghaq-euq kawqlanr-anr lolaeq laeqma paftawf-awr, iqmalavshav yawnaf-anr bafpuf-eu-aq, muiqdzaeq taef-a.