Maꞈtehˬ 18:15 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ “Nawq-euq aqyuif aqnyir, nawq-anr mrlaeq-euq nar-aq, aqyawf jawr-eu gar ir-awr, nawnyaf taef-aer jawr ngae, aqyawf nae mrlaeq-euq jeq toeqmaeq naeq-awq. Aqyawf, nawq-euq dawq narhaq nar-aq, nawr, nawq-euq aqyuif aqnyir-anr zakhof-euq mae.

Akha

¹⁵ Nawˬ-euˬ mehˇ nmˇ nawˬ-ahˇ mˇ lehˬ laꞈ naˇ, aˬ yawꞈ jawˇ gaˇ iˇ-awˇ, aˬ yawꞈ-euˬ yaw lehˬ toeˬ mehˬ nehˬ-awˬ. Kʼoeˇ loꞈ-ehˇ jahˇ ngeh, yawˬ ha mehˇ nmˇ yaw kaˬ tehꞈ-ehˇ ciˬ cuˇ ni jahˇ-awˬ. Nawˬ-euˬ ehˇ dawˬ-ahˇ aˬ yawꞈ naˇ haˬ nehˬ laꞈ naˇ, nawˬ-euˬ mehˇ nmˇ-ahˇ nawˇ paˇ za kʼoꞈ-euˬ gaˇ duˇ-eu meh.

Maꞈtehˬ 18:15 Referans Kwoze

Gawˇlawˇsehˇ 3:13

Tiqghaq tirghaq oror-aer daef-awq. Tiqghaq-euq khoertav tiqghaq iqbax taqkharza nar-aq, tiqghaq tirghaq iqbax pyaeq-awq. Kali, nawmaf-euq iqbax-anr pyaeq-euq lof-aer, nawmaf khawf tiqghaq tirghaq iqbax yapyaeq-eu mae.

Gaˬlaˬtiˆ 6:1

Aqyuif aqnyir deuq-or! Tsawrhaq tiqghaqnav mrbanq mrlaeq luf-eu nar-aq, nawmaf saflar paw ghaq khav-eu deuq, nuima nanqyuni anr-awr aqyawf-anr sheuqpyawrkhof laf-eu tsaq mae. Yawqha khawf, murjur jur-eu maeqnan maqya cantae ghaeni yanr-awq.

2 Teˇsaˬloˇni 3:15

Aerkhawf, aqyawf-anr muir-eu tiq ghaq lof-aer maqsawx-aer, aqyuif aqnyir-anr durni maeqbawq bifnaeq-awq.

Maꞈtehˬ 18:35

“Nawmaf yawqghaq navluf khawf, nuima-euq lafkhoer nae yawqha-euq aqyuif aqnyir-anr, mrbanq lavbanq-euq iqbax maq pyaeqnaeq nar-aq, mq-euq khoertav jawr-eu ngaqDa khawf, nawmaf-anr khoerlof-aer janrnaeqlaf taef-a.”

Jaceuq 141:5

Tsaq-awr dawr-eu tsawrhaq nae ngaq-anr bidiq-awq; Khoer-aq, ghawqshaq gaq-eu jeq pyeuf taef-a. Aqyawf nae ngaq-anr bidaeq-awq; Khoer-aq, zawr muiq-eu tsir lof-aer pyeuf-awr; Ngaq-euq uqduq maq hageuf-aer taqbi ghae naeqlaf. Aqjeq mirnae aernar-aq, Ngar guiqlanq sharshar-aer tsawrcawv deuq-euq gardeuq-anr deuvluf-eu ma.

Lormav 12:21

Yawdoer jeq nae nawmaf-anr taqbi ghaqlar. Yawmuiq jeq nae yawdoer jeq-anr ghaqler-awq.

1 Beˬtuˆluˆ 3:1

Khoerlof-aer durni, nawmaf, miqzaq deuq khawf, yawqha-euq khaqdzerzaq-euq lafov jawr-awq. Khoerlof-aer jawr nar-aq, khaqdzerzaq ghaq, Yaerdawq-anr maq narhaq geuf-eu khawf, miqzaq deuq yawdaef yawmuiq-aer daef-eu gar haw-awr, aqyawf maf-anr dawqmaeq maqmaeq-euq khawf janlar taef-a.

1 Gawˇliˬtu 8:12

Nawmaf, aqyuif aqnyir deuq-anr khoerlof-aer mrbanq-awr, aqyawf maf-euq ghaq baq-eu zaqsiq nuisiq-anr lavnar naeq-eu-aq, Kali-anr mrbanq-eu jeq pyeuf-eu mae.

Dawqdaq 11:30

Tsaq-awr dawr-eu tsawrhaq-euq arsiq-aq, Daef-eu jeq bif-eu arbawr pyeuf-awr, Aqcawq-euq nuima saflar-anr za’nya-eu tsawrhaq-aq yawganr mae.

2 Gawˇliˬtu 7:12

Khoermirnae, ngar, nawmaf-anr sanqbof bofnaeq-euq-aq, mrbanq-euq tsawrhaq-euq gharduq maqngeur. Aqcawq mrbanq lar-eu gar ya daqluf-eu tsawrhaq-euq gharduq khawf maqngeur. Miqyaer-euq maeqshi nga’maf, nawmaf-anr arnavni khanqlanr-eu garkawv bisiqni bofanr lef-euq ma.

1 Teˇsaˬloˇni 4:6

Garkawv heu-anr tafler-awr nae tsawrhaq tiqghaq-iq yawqha-euq aqyuif aqnyir-anr coeqler civlerni, myawf-awr shuir-eu jeq taqmr. Nawmaf yanr de-eq laer dzeurlaf ngae ngar, nawmaf-anr yawkhav khav-aer maeqnaeq-euq lof-aer, Sanqpaq Miqyaer khoerlof-aer janr-euq tsawrhaq-anr yarkhaq darnaeq taef-a.

Maꞈtehˬ 18:14

Khoerlof-aer durni, mq-euq khoertav jawr-eu nawmaf-euq Aqda khawf, zaq yawnyir heudeuq, tiq ghaq taef-aer khawf maqbi cawv-ir mawf-a.

Maꞈtehˬ 18:21

Khoerngae, Beqtuvluv, Yeqsur jawr-eu gar lar-awr narhaq-eu, “Sanqpaq-or! Ngaq-euq aqyuif aqnyir, ngaq-anr mrlaeqlar nar-aq, ngar, aqyawf-euq iqbax armyav pov keuvni ya pyaeqnaeq-eu la? Shif pov keuvni lor?”

Tiˇtuˆ 3:10

Armur birpav-awr ghawq-ir ghaer-ir ni janr-eu tsawrhaq deuq-anr, tiqpov nyiqpov yawmuiq-aer maeqnaeq ngae maq narhaq nar-aq, aqyawf naeq-aer cawq taqcawq.