Maꞈtehˬ 18:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ “Nawmaf, zaq yawnyir heudeuq-euq lafkhoer tiqghaq-anr-iq yaeqbawq saerlu-aer maqya ghaeni yanr-awq. Ngar, nawmaf-anr aernaeq nyar, aqyawf maf-euq mqtav ghaqkhaer, mq-euq khoertav jawr-awr, aqmyanluf ngaqDa-euq myavpyawq-anr mawrluf-eu mae.

Akha

^10-11 “Tsawˇ haˬ yaw nyiˇ heu loꞈ-ehˇ gʼeh-eu tiˬ gʼaˬ na-ahˇ naw maꞈ yehˬ bawˬ sehˇ lu-ehˇ maˬ ya gʼeh ni yahˇ-awˬ. Mˬ kʼoeˇ taˆ ngaˬ Da-euˬ mehˬ shi, aˬ yawꞈ maꞈ-euˬ mˬ taˆ gʼaˬ kʼehˇ deuˬ aˬ myah luꞈ jawˇ-eu meh lehˇ, naw maꞈ-ahˇ ngaˇ ehˇ-eu ma.Jaˇliꞈ tiˬ paˆ na deuˬ laꞈ kʼoeˇ, gaˬ naˇ yaw zaˬ 11 heu loꞈ-ehˇ ahˇ-eu meh. 18.11: Aˬ jeˬ miˇ neh ehˇ naˇ, byoˆ-iˇ-euˬ tsawˇ haˬ deuˬ-ahˇ ka kʼoꞈ-eu gʼaˇ duˬ, Tsawˇhaˬ-euˬ Zaˬmaˇ oe-euˬ meh(Luˇkaꞈ 19.10)*

Maꞈtehˬ 18:10 Referans Kwoze

Jaceuq 91:11

Aqjeq mirnae aernar-aq, aqyawf, nawq-euq gharduq, Aqyawf-euq mqtav ghaqkhaer-anr dawq bif-awr, Nawq-euq garma dawqtawv luf-anr bi hawpir taef-a.

HeˬByehˇ 1:14

Kuirlaf zaqkhav pyeuf-eu saflar dawqtawvluf, kakhof-eu jeq jeqbir lof-aer za-eu tsawrhaq deuq-anr bi cawba-eu laer, Miqyaer nae khaerghae lef-euq maqngeur-a lor?

Jaceuq 34:7

Ya’we Miqyaer-euq mqtav ghaqkhaer, Miqyaer-anr guv-eu deuq-euq tiqjawq lofjawq taq-awr, Aqyawf maf-anr bibuq-ir-eu mae.

Luˇkaꞈ 16:22

“Tiqnan keuvlar ngae, hawqshar shardzaq-eu heughaq shir-awr, mqtav ghaqkhaer deuq nae Aqbyaqhaq-euq bawkhanr-anr sheuqkeuv naeqler-euq mae. Smrmuiq smrbaw khoerghaq khawf shir-awr, bafpanq-euq mae.

Maꞈtehˬ 24:31

Khoerngae, darhae yawkhav-aer baw-awr, aqyawf, mqtav ghaqkhaer deuq-anr khaerghae-awr nae, mirma oeqcoer oeqbawq-anr luf, mq heudzer-anr nae khoerdzer-anr dovni, aqyawf nae tserdov taq-euq tsawrhaq deuq-anr bi kuruiqlaf taef-a.

Luˇkaꞈ 1:19

Khoerngae, mqtav ghaqkhaer khoerghaq heulof-aer aerkhof naeq-euq mae, “Ngar-aq, Miqyaer-euq maeqshi yawfluf-eu Gaqbeqlar ma. Aqyawf, ngaq-anr khaer-awr laqkhaq caerlar paq-aer ghae-eu garkawv heu, nawq-anr bi tsafgaq le-euq mae.

Maꞈtehˬ 18:14

Khoerlof-aer durni, mq-euq khoertav jawr-eu nawmaf-euq Aqda khawf, zaq yawnyir heudeuq, tiq ghaq taef-aer khawf maqbi cawv-ir mawf-a.

Maꞈtehˬ 18:6

“Aqsur ghaq maqkaq, ngaq-anr jan-eu tsawrhaq heudeuq-euq lafkhoer nae yawnyir tiq ghaq-anr bi mrlaeq nar-aq, khoerghaq-euq kawqlanr-anr lolaeq laeqma paftawf-awr, iqmalavshav yawnaf-anr bafpuf-eu-aq, muiqdzaeq taef-a.

Maꞈtehˬ 2:19

Heqlor shirdzeur-awr, Yorsaev, Irjirtuv-anr jawrluf ngae, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr heulof-aer aernaeq-euq mae,

Maꞈtehˬ 2:13

Aqyawfmaf ghof-ir dzeur-euq nar-aq, Sanqpaq Miqyaer-euq mqtav ghaqkhaer tiq ghaq, Yorsaev yufmav mav-eu lafkhoer dovle-awr aer-eu, “Tur-awr, aqlizaq hawr-eu aqyawf-euq aqma sheuq-awr Irjirtuv-anr caevjawr-ir-awq. Ngar, nawq-anr aernaeqlaf ngae keuvni khoergar jawr-awq. Aqjeq mirnae aernar-aq, Heqlor, aqlizaq-anr saef-eu laer pov taef-a.”

Maꞈtehˬ 1:20

Yorsaev khoerlof-aer sharnoeqluf ngae, aqyawf yufmav mav-eu lafkhoer, Sanqpaq Miqyaer-euq mqtav ghaqkhaer dovle-awr heulof-aer aer-eu mae: “Daqbir-euq zaqyo Yorsaev-or, nawq nae aertsaev taq-euq Maqliv-anr sheuqdanq dzaq-eu taq noeqshaq. Aqjeq mirnae aernar-aq, aqyawf piluf-eu zaq-aq, Yawshawr Saflar-euq baqda’nae tsaevler-euq mae.

1 Teˇsaˬloˇni 4:8

Khoermirnae, dawq khoerdawq-anr maq hageuf-eu tsawrhaq-aq, tsawrhaq-euq dawq-anr maq hageuf-eu maqngeur-aer, nawmaf-euq lafkhoer Yawshawr Saflar bi jawrle-euq Miqyaer khoerghaq-euq dawq-anr maq hageuf-eu jeq pyeuf-eu mae.

1 Gawˇliˬtu 11:22

Nawmaf dzaq-awr dawr-eu gharduq, nymr maqjav-eu le lor? Maqngeur nar-aq, Miqyaer-euq Kalizaq armur-anr yaeqbawq-aer janr-awr, dzaqdzaq dawrdawr maqjav-eu deuq bi shafdawr-ir-eu laer janr-eu le laq? Ngar, nawmaf-anr aqjox-aer aernaeq-eu tsaq-eu la? Nawmaf khoerlof-aer janr-eu khawf, ngar, nawmaf-anr ya jaceuq taef-a lor? Ngar, nawmaf-anr maq jaceuq.

1 Gawˇliˬtu 16:11

Khoermirnae, aqyawf-anr tiqghaq-iq maq hawdoer-aer, aqyawf, ngar jawr-eu gar ghofle-eu gharduq, aqyawf nuisar of-eu lafkhoer maeqhu paw sheuqha dovle naeq-awq. Aqjeq mirnae aernar-aq, aqyawf, aqyuif aqnyir deuq naeq-aer ghofle-eu gar ngar dawqluf-eu ma.

Lormav 14:10

Aerkhawf, nawr aqjeq mirnae nawq-euq maernmr-anr yarkhaq dar-eu le? Nawr aqjeq mirnae nawq-euq maernmr-anr hawdoer-eu le? Aqdui yawqghaq navluf Kali yarkhaq dar-eu nuirmanq-euq maeqshi ya yawfler-eu mae.

Gʼaˬkʼehˇ 27:23

Aqjeq mirnae aernar-aq, ngaq-anr uvlanr-awr, ngar uqduq tanqluf-eu Miqyaer-euq mqtav ghaqkhaer, mircif ngaq-euq dawqpae yawfle-awr,

Gʼaˬkʼehˇ 12:23

Khoerngae, Heqlor, Miqyaer-anr maq ciqhuiq maq ciqmanr-eu mirnae, Sanqpaq Miqyaer-euq mqtav ghaqkhaer japyuqni tanqghae lef-awr aqyawf-anr arboeq armawr deuq nae bidzaq-awr, aqyawf saf tsaev-euq mae.

Gʼaˬkʼehˇ 12:15

Khoerngae, aqyawfmaf, aqyawf-anr, “Nawr uq-ir-euq nya laq” laer aernaeq-euq khawf, aqyawf maqjuqni aerluf-eu mirnae, aqyawfmaf, “Beqtuvluv-euq mqtav ghaqkhaer nya” laer aer-eu mae.

Gʼaˬkʼehˇ 10:3

Tiqnan, uqciftaw paw naqliq smr laf byanlar ngae, mawrle-eu lafkhoer byacaevni ya’mawr-euq Miqyaer-euq mqtav ghaqkhaer tiq ghaq, aqyawf jawr-eu gar urlar-awr aqyawf-anr aernaeq-eu, “Gorneqlir-or!”

Gʼaˬkʼehˇ 5:19

Aerkhawf, uqcif paw Sanqpaq Miqyaer-euq mqtav ghaqkhaer tiq ghaq, kuv-euq larghov deuq panle-awr, aqyawf maf-anr sheuqdov ghae-awr aer-eu,

Jaceuq 17:15

Aerkhawf, ngar lawnmr-aq, tsaq-awr dawr-eu lafkhoer nawq-euq myavpyawq-anr ya’mawr ma. Ngar noeqlar ngae, nawq-anr dur-eu shaevdzeuf za-euq mirnae, ngaq-euq nuima tmqjawvni ghae taef-a.

Jaceuq 15:4

Aqyawf-euq myavnuiv-aq, yawdoer yawcawv tsawrhaq-anr hawdoer-awr, Ya’we Miqyaer-anr guv-eu tsawrhaq-anr taqhuiq-eu uqtaf, Yawqha nae kamq-euq jeq, yawqha-anr deuqlar-eu khawf maqpov maq parlar-eu tsawrhaq,

1 Tiˆmoˇseˬ 4:12

Nawr zaqguq pyeuf-eu mirnae, aqcawq nae yaeqbawq-aer taqbi hawdoer. Ngaeq-awr tmr-eu paw, mr-awr shar-eu paw, gaq-eu paw, saflar paw, jan-eu paw hawr-eu shawrjaevni daef-eu paw, jan-eu tsawrhaq, nawq-anr hawgeuf dzawgeufduq pyeuf paq-aer daef-awq.

1 Gawˇliˬtu 9:22

Ghaq baq-eu tsawrhaq, Kalizaq bi pyeuflarni, ngar, aqyawf maf-euq gharduq ghaq baq-eu tsawrhaq lof-aer pyeuf-eu ma. Aqjox-aer ghae-awr nae khawf, tsawrhaq tiqpavnav deuq kakhof-eu jeq bi za’ni, ngar, yawqghaq navluf-euq gharduq, yawqjeq navluf pyeuf-eu ma.

Lormav 15:1

Aqdui jan-eu ghaq khav-eu tsawrhaq deuq, yawqha nuikhanr shirni mr-eu maqngeur-eu, ghaq baq-eu deuq-euq khavbaev cawpi naeq-eu tsaq mae.

Lormav 14:21

Shaqjir dzaq-awr, aqgaf dzaruir dawr-eu uqtaf, tiqjeqnav mr-eu baqda’nae nawq-euq maernmr-anr sanqtif bitif-awr, bitov-ir-eu uqtaf, ghaq bibaq-ir paq-aer ghae-eu jeq maqmr nar-aq yawmuiq mae.

Panmaeq 8:2

Khoerngae, ngar, Miqyaer-euq maeqshi yawfluf-eu mqtav ghaqkhaer khoer shif ghaq-anr darhae tiq ghaq-anr tiq hmq bifnaeq-eu gar ya’mawr-euq ma.

Gaˬlaˬtiˆ 6:1

Aqyuif aqnyir deuq-or! Tsawrhaq tiqghaqnav mrbanq mrlaeq luf-eu nar-aq, nawmaf saflar paw ghaq khav-eu deuq, nuima nanqyuni anr-awr aqyawf-anr sheuqpyawrkhof laf-eu tsaq mae. Yawqha khawf, murjur jur-eu maeqnan maqya cantae ghaeni yanr-awq.

2 Gawˇliˬtu 10:10

Aqjeq mirnae aernar-aq, aqyawfmaf aer-eu, “Aqyawf nae bof-euq sanqbof-aq, kan duidui-awr, baoq khav duidui-eu khawf, aqyawf-euq mawrdo heugar jawr nar-aq, tiqpawf-iq ghaq maqanr-aer, aqyawf-euq dawq-aq shiqma maqnaf-a.”

2 Gawˇliˬtu 10:1

Ngar-aq, nawmaf naeq-aer jawr ngae nuinanq nuiyu anr-awr, nawmaf naeq-aer maqjawr ngae-aq, nuima khaqduqni ghae-eu Pawrluv ma. Nymq-mr ngar, Kali-euq nuinanq nuiyu hawr-eu nuima nanqyuni ghae-eu lafkhoer, nawmaf-anr shar-eu ma.

Luˇkaꞈ 10:16

Nawmaf-euq dawq narhaq geuf-eu tsawrhaq-aq, ngaq-euq dawq narhaq geuf-eu mae. Nawmaf-anr byaerdzae-eu tsawrhaq-aq, ngaq-anr byaerdzae-eu mae. Ngaq-anr byaerdzae-eu tsawrhaq-aq, ngaq-anr bi’oe-euq ghaq-anr byaerdzae-eu mae.”

Maꞈtehˬ 12:20

Tsaq-awr dawr-eu jeq maq ghaqler-euq khoer-aq, Maq khaeftsaev-ir-aer ngeuqluf-eu artof-euq arkanq-anr aqyawf maqbi khaeftsaev-ir-ar. Uqkhoeq dudu-aer dofluf-eu tsirdif-anr aqyawf maq lavmiv naeq-ar.

HeˬByehˇ 9:24

Aqjeq mirnae aernar-aq, marmarni ghae-eu jawrduq-euq arbar taef-aer pyeuf-eu, tsawrhaqzaq nae tsovtaq-euq shawr-eu jawrduq-anr Kali urler-euq maqngeur-a. Aerkhawf, aqyawf, aqdui-euq danzar Miqyaer-euq maeqshi jawrni mq-euq khoertav urler-euq mae.