Maꞈtehˬ 17:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Beqtuvluv, dawq ngaeqluf ngae, yawshaef bya-eu mqdmr tiq tsanq aqyawf maf-anr uvtaeq le-awr, mqdmr-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma. Nawmaf, aqyawf-euq dawq narhaq geuf-awq.”

Akha

⁵ Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Maꞈtehˬ 17:5 Referans Kwoze

Maꞈtehˬ 3:17

Khoerngae, mq-anr nae tersar ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Ngar, aqyawf-anr nuikhanrshir duidui ma.”

Maꞈtehˬ 12:18

“Ngaq nae tserdov taq-euq ghaqzaq ghaqkhaer-anr hawsher-eq. Ngaq-euq nuima saflar, aqyawf-anr gaq duidui-awr, aqyawf-anr nuikhanrshir nya. Ngar, ngaq-euq Saflar, aqyawf-anr bif ma. Aqyawf, aqcawq tsawrjeuq tsawrca-anr tsaq-awr dawr-eu garkawv ja’maeq taef-a.

Maˬkuˆ 9:7

Khoerngae, jeqtmq tiq tsanq aqyawf maf-anr tanqtsanq le-awr, jeqtmq-anr nae dawq ngaeqdov lef-eu, “Heughaq-aq, ngar zawr gaq-eu ngaq-euq Zaqyo ma. Nawmaf, aqyawf-euq dawq narhaq geuf-awq.”

Yoˇhaˬ 3:35

Aqda, Zaqyo-anr gaq-awr, yawqjeq navluf aqyawf-euq aqlaf-euq lafkhoer a’naeq jir-euq mae.

Maˬkuˆ 1:11

Khoernar-aq, mq-anr nae tersar ngaeqdov lef-eu, “Nawr-aq, ngar zawr gaq-eu ngaq-euq Zaqyo ma. Ngar, nawq-anr nuikhanrshir duidui ma.”

Panmaeq 1:7

Hawde-eq. Aqyawf, mqdmr-euq lafkhoer zafkale taef-a. Myavnuiv yawqnuiv navluf, aqyawf-anr ya’mawr-awr aqyawf-anr tsawv-euq tsawrhaq deuq khawf ya’mawr taef-a. Mirtsaq-euq khoertav jawr-eu tsawrjeuq tsawrca dawqtawvluf, aqyawf-euq baqda’nae tsawrngoer ya’ngoer taef-a. Heulof-aer pyeuflar taef-a. Aqmeq.

Luˇkaꞈ 3:22

Khoerngae, Yawshawr Saflar, khaqkhoeq lof-aer dur-eu lafkhoer, aqyawf-euq khoertav zafka le-awr, mq-anr nae tersar ngaeqdov lef-eu, “Nawr-aq, ngar zawr gaq-eu ngaq-euq Zaqyo ma. Ngar, nawq-anr nuikhanrshir duidui ma.”

HeˬByehˇ 5:9

Aqyawf khoerlof-aer byanlar-euq nar-aq, aqyawf-anr narhaq geuf-eu yawqghaq navluf-euq, li-eu maqbawni kakhof-eu jeq-euq dawqpaeq duqpur pyeuflar-euq mae.

Gʼaˬkʼehˇ 7:37

“Tsawrhaq heughaq-aq, Irsaqleqlav tsawrhaq-anr heulof-aer aernaeq-euq Morseq mae, ‘Sanqpaq Miqyaer, ngaq-anr bi dovlar-euq lof-aer, nawmaf-euq gharduq, nawmaf-euq aqyuif aqnyir-euq lafkhoer nae, Miqyaer gharduq ngaeqdan-eu tiq ghaq bi dovlar taef-a. Nawmaf, aqyawf-anr ya narhaqgeuf taef-a.’ (Dm 18:15)

Yoˇhaˬ 5:37

Ngaq-anr khaerghae lef-euq Aqda khawf ngaq-euq garkawv sarkir kamq-eu mae. Nawmaf-aq, aqyawf-euq tersar tiqpov-iq maq gaqhaw-aer, aqyawf-euq pyawqnaq-anr khawf maq mawrhaw-aq.

Gawˇlawˇsehˇ 1:13

Aqyawf, aqdui-anr yawzanr-euq baoq-euq lafkhoer nae bibuq-ir naeqlaf-awr, aqyawf zawr gaq-eu Zaqyo uvlanr-eu jeq-euq lafkhoer sheuqur naeqlaf-euq mae.

Eˇpeˇsu 1:6

Aqdui, aqyawf-euq guiqlanq yawdzanr-euq yawshaef khanqsaer-anr bi jaceuq-eu laer Miqyaer, aqyawf zawr gaq-eu ghaq-anr ghoe-awr, aqdui-anr hageuf naeqlaf-euq mae.

Yoˇhaˬ 3:16

“Miqyaer, mirtsaqzaq-anr gaq duidui-eu mirnae, aqyawf-euq Zaqyo tiq ghaq taef khawf bifnaeq lef-euq mae. Zaqyo-anr kharjan-eu tsawrhaq maqya cawv-ir-eu uqtaf, mqmaq maqbyav yarzir yadaef-eu mae.

Gʼaˬkʼehˇ 1:9

Dawq khoerdeuq aerghaq-awr, aqyawfmaf hawluf ngae, aqyawf-anr bi sheuqdav lef-euq mae. Mqdmr tiq tsanq nae aqyawf-anr uvkaq le-awr, aqyawf-anr maqpar mawrnya-aq.

Jaceuq 81:7

Nawr, gardzaq garkawv-euq lafkhoer kur ngae, Ngar, nawq-anr bibuq-ir-euq ma. Ngar, zaftaq-euq jawrduq mqjeq-euq lafkhoer nae, Nawq-anr ngaeqkhof-euq ma. Ngar, nawq-anr Maqlirbaq lawrgawv-euq dawqpae tsermr haw-euq ma. Sela.

Maꞈtehˬ 17:6

Zaqlanr deuq dawq khoerdawq-anr yagaq ngae guv duidui-eu mirnae, mirtsa awbyav taq-euq mae.

Panmaeq 14:14

Hawsher-eq. Ngar hawghaelef ngae, pyurdeuqni ghae-eu mqdmr-anr ya’mawr-euq ma. Mqdmr khoer-euq khoertav, Tsawrhaq-euq Zaqyo-anr dur-eu tiq ghaq nuirluf-eu mae. Aqyawf-euq uqduq-anr shuir uqkhov khov-awr, aqlaf-anr tav duidui-eu yaeqkhof yurluf-eu mae.