Maꞈtehˬ 16:26 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Tsawrhaq tiqghaqnav mirtsaq dawqtawvluf za-euq khawf, aqyawf-euq nuima saflar smq nar-aq, aqyawf-euq gharduq aqjeq gardanr tsoeq-eu? Tsawrhaq tiq ghaq, aqyawf-euq nuima saflar-anr aqgeu jeq nae zeurkhof dawqkhof nya-eu la?

Akha

²⁶ Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Maꞈtehˬ 16:26 Referans Kwoze

Luˇkaꞈ 9:25

Tsawrhaq tiqghaqnav mirtsaq dawqtawvluf za-euq khawf, aqyawf-euq daefzir cawv-ir-awr byov-ir-euq ngeur nar-aq, aqyawf-euq gharduq aqjeq gardanr tsoeq-eu?

Luˇkaꞈ 12:20

Aerkhawf, Miqyaer, aqyawf-anr aernaeq-eu, ‘Aqdzawq argan-or! Nymrcif nae ngar, nawq-euq saflar yurkhof ma. Tox-aer mar-iq, nawq nae povuiq taq-euq deuq, aqsur ghaq-euq pyeuf-ir-eu jeq la?’

Luˇkaꞈ 16:25

Aqbyaqhaq heulof-aer aernaeq-euq mae, ‘Aqli-or! Nawr yawdaefdaef ngae, yawmuiq bymr yatawv-awr, Laqzaqlur-aq, yawdoer jeq za-euq gar taqngaer de-eq. Nymq-mr aqyawf heugar nuisar of-eu lafkhoer yajawr-awr, nawr-aq, shaqdui zanq duidui-eu gar ya daqluf-eu mae.

Maꞈtehˬ 5:29

Nawq-euq myavnuiv armar nuiv, nawq-anr iqbax bi mrlaf-euq ngeur nar-aq, myavnuiv khoernuiv-anr kheufdov-awr biqdzae-awq. Mawrdo dolan-aer shiqbuir lanma-anr bi bafanr ghae-eu navmaqtser, arsaer tiq saer biteq-ir-eu-aq, muiqdzaeq taef-a.

Maꞈtehˬ 16:25

Aqjeq mirnae aernar-aq, aqsur ghaq maqkaq, yawqha-euq daefzir bibuq-ir mawf nar-aq, daefzir yasmq taef-a. Aerkhawf, aqsur ghaq maqkaq, ngaq-euq gharduq yawqha-euq daefzir bismq-ir nar-aq, daefzir za taef-a.

Maꞈtehˬ 16:27

Tsawrhaq-euq Zaqyo-aq, aqyawf-euq Aqda-euq yawshaef khanqsaer-euq lafkhoer, aqyawf-euq mqtav ghaqkhaer deuq naeq-aer zafkale taef-a. Khoerngae, tsawrhaq yawqghaq navluf-anr yawqha nae khar mrtaq-euq lof-aer janrkhofnaeq taef-a.