Maꞈtehˬ 16:21 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoerngae yamq-anr nae nar-aq danqbae-awr, Yeqsur, aqyawf-aq, Yeqlursaqlaeq-anr yale-awr, aqyuif aqtsu deuq, pirma aqyuif deuq hawr-eu zanr maeq-eu deuq-euq aqlaf-euq lafkhoer, ghawqmya jeq yadaq-eu uqtaf, yabi saef-awr, smq nan byanlar nar-aq, ya ghofdaeflar mae laer aqyawf-euq zaqlanr deuq-anr byacaevni bisiq-euq mae.

Akha

²¹ Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 16:21 Referans Kwoze

Maꞈtehˬ 17:12

Ngar, nawmaf-anr aernaeq nyar, Erlirya oedzeur-euq mae. Aerkhawf, aqcawq, aqyawf-anr maq siqnya-aer, khar janrmawf-eu jeq janrnaeq-euq mae. Khoerlof-aer durni, Tsawrhaq-euq Zaqyo khawf, aqyawf maf-euq aqlaf-euq lafkhoer yadaq taef-a.”

Maꞈtehˬ 27:63

“Sanqpaq-or! Aqcawq-anr sheuqbanq-eu khoerghaq daefluf ngae, aqyawf, ‘Smq nan byanlar nar-aq, ngar ghofdaeflar ma’ laer aer-eu gar nga’maf noeqtaq-euq ma.

Maꞈtehˬ 20:28

Aqjeq mirnae aernar-aq, Tsawrhaq-euq Zaqyo-aq, aqcawq-anr yawqha-euq kuirlaf bigeuf-eu laer oe-euq maqngeur-eu. Aqcawq-euq kuirlaf geuf-awr, tsawrhaq ghawqmya ni-euq gharduq yawqha-euq daefzir bif-awr kakhof-eu laer oe-euq mae.”

Luˇkaꞈ 17:25

Aerkhawf, yawbae jeq-aq, aqyawf khaeq-awr khav-eu ghawqmya jeq-anr yadaq-awr heuzir-euq tsawrhaq, aqyawf-anr byaerdzae taef-a.

Luˇkaꞈ 24:46

Yeqsur, aqyawf maf-anr heulof-aer par aernaeq-euq mae, “Yaerbof-euq lafkhoer boftaq-euq lof-aer, Kali-aq, shaqzanq yadaq-awr, smq nan byanlar nar-aq, shir-euq gar nae ya ghofdaeflar taef-a.

Maˬkuˆ 8:31

Khoerngae nae nar-aq, danqbae-awr, Yeqsur, aqyawf maf-anr, Tsawrhaq-euq Zaqyo-aq, shaqzanq ghawqmya jeq-anr yadaq-awr, aqyuif aqtsu deuq, pirma aqyuif deuq hawr-eu zanr maeq-eu deuq maq hageuf-eu uqtaf, yabi saef taef-a. Aerkhawf, smq nan keuvlar nar-aq, ghofdaeflar taef-a laer maeqnaeq tsovnaeq-euq mae.

Luˇkaꞈ 9:31

Aqyawfnyaf yawshaef khanqsaer-euq lafkhoer dovle-awr, ghawqmyanr maqghae-aer Yeqsur, Yeqlursaqlaeq-anr yashir-awr ya mrbyan-eu garkawv, aqyawf naeq-aer jacawq luf-eu mae.

Maꞈtehˬ 26:47

Yeqsur khoerlof-aer aernaeqluf ngae, ghaqkhaer 12 ghaq-euq lafkhoer keuq-eu Yurdav laer kur-eu ghaq oekeuv-euq mae. Micaer baf-awr darkawq gheuluf-eu tsawrhaq bafmaf khawf, aqyawf naeq-aer oeluf-eu mae. Pirma aqyuif deuq hawr-eu mirkhanq-euq aqyuif aqtsu deuq nae aqyawf maf-anr khaerghae lef-euq mae.

Maꞈtehˬ 26:2

“Nyiq nan dzeur-euq nar-aq, Baqsaqkaq yawbui bui-eu aryamq keuvlar mae laer nawmaf siqnya-eu mae. Khoerngae, Tsawrhaq-euq Zaqyo-aq, aqcawq-euq aqlaf-euq lafkhoer ya’anr-ir-awr, lafyaq-euq khoertav yabi taftaeq taef-a.”

Maꞈtehˬ 27:12

Pirma aqyuif deuq hawr-eu aqyuif aqtsu deuq, Yeqsur-euq khoertav iqbax taq ngae, aqyawf tiqjeq-iq maq aerkhof naeq-a.

Maꞈtehˬ 16:28

“Ngar, nawmaf-anr aqdirma-aer aernaeq nyar, heugar yawfluf-eu tiqpavnav deuq-aq, maqshir-euq minav-aer, Tsawrhaq-euq Zaqyo, aqyawf-euq tsawrhaq-anr uvlanr le-eu gar ya’mawr taef-a.”

Maꞈtehˬ 12:40

Yornav, ngaqshaq shaqma-euq uqmav-euq lafkhoer smq nan smq mir ur-euq lof-aer, (Yn 1:17) Tsawrhaq-euq Zaqyo khawf, mirtsaq-euq dawqdan smq nan smq mir yajawr taef-a.

Maꞈtehˬ 16:22

Khoerngae, Beqtuvluv, Yeqsur-anr gardzer paw sheuqghawq-awr daeq-eu lafkhoer aer-eu, “Sanqpaq-or! Khoerlof-aer ghae-eu jeq nawq-euq khoertav tiqjox-iq maq keuvle khmq-ar!”

Maꞈtehˬ 17:9

Aqyawfmaf, gawqjawq-anr nae zafkale ngae, Yeqsur, aqyawf maf-anr dawq bif-eu, “Tsawrhaq-euq Zaqyo shir-awr maq ghofdaef lar-euq khoer-aq, nawmaf nae ya’mawr-euq jeq tiqghaq-anr-iq taq ja’naeq de-eq.”

Maꞈtehˬ 28:6

Aqyawf heugar maqpar jawr mae. Aqyawf nae aertaq-euq lof-aer, aqyawf ghofdaef lar-euq mae. Nawmaf, Sanqpaq Yeqsur baftaq duq-anr hawlar-awq.

Maˬkuˆ 9:12

Khoerngae, Yeqsur, aqyawf maf-anr heulof-aer aernaeq-euq mae, “Erlirya-aq, aqdirma-aer jeqhu ya’oe-awr, yawqjeq navluf-anr lavmuiqkhof taef-a. Yaerbof-euq lafkhoer Tsawrhaq-euq Zaqyo-euq garkawv heulof-aer boftaq-euq maqngeur-a lor? Aqyawf-aq, ghawqmya jeq yadaq-awr, aqcawq, aqyawf-anr yaeqbawq saerlu-aer janrlar-eu gar yadaq taef-a.