Maꞈtehˬ 16:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Ngar, nawq-anr aernaeq nyar, nawr-aq, Beqtuvluv ngar-a. Ngar, khaqlo heu-euq khoertav ngaq-euq armur tsovdav ma. Shir-eu mirkhanq-euq larghov-aq, armur heumur-anr maq ghaqlar nya-ar.

Akha

¹⁸ Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

Maꞈtehˬ 16:18 Referans Kwoze

Gawˇlawˇsehˇ 1:18

Kali-aq, aqyawf-euq mawrdo pyeuf-eu Kalizaq armur-euq uqduq pyeuf-eu mae. Aqyawf-aq, ardanq bae-eu ghaq pyeuf-awr, yawqjeq navluf-euq khoertav uqdzan ghaq pyeuflarni, shir-euq deuq-anr nae ghofdaeflar baebae-euq ghaq pyeuf-eu mae.

Yoˇhaˬ 1:42

Khoernar-aq, Aqdaeqlaeq, Sirmoq sheuq-awr, Yeqsur-anr dzoer-ir-euq mae. Yeqsur, Sirmoq-anr haw-awr aer-eu, “Nawr-aq, Yornav-euq zaqyo Sirmoq ngar-a. Aqkar nar-aq, nawq-anr Geqpar laer yakur taef-a.” (Geqpar laer aer-eu-aq, khaqlo laer aermawf-eu mae.)

HeˬByehˇ 12:28

Aqdui maq gheunyae nya-eu uvlanr-eu jeq zataq-euq mirnae, Miqyaer-euq guiqlanq yawdzanr-anr hageuf-awr, yawzeu baw-awr guv-eu lafkhoer, Miqyaer nuima tsaq-eu lof-aer aqyawf-euq gar mr kar-eur.

Gʼaˬkʼehˇ 2:47

Aqyawfmaf, Miqyaer-anr jaceuq-eu mae. Tsawrhaq dawqtawvluf, aqyawf maf-anr nuikhanr shir-eu mae. Nan-anr nae kakhof-eu jeq za-awr jan-eu tsawrhaq deuq bi lanqlarni, Sanqpaq Miqyaer mrluf-eu mae.

1 Tiˆmoˇseˬ 3:15

Miqyaer-euq nymrkhanq-euq lafkhoer aqjox-aer mr paq-aer ghae-eu deuq nawr yasiqni, garkawv heudeuq ngar, nawq-anr bofanr lef-euq ma. Nymrkhanq khoer-aq, daefluf-eu Miqyaer-euq Kalizaq armur pyeuf-awr, yawtsaq yawdawr jeq-euq zeurma hawr-eu dawqpaeq mae.

Eˇpeˇsu 5:32

Heu-aq, zaftaq-euq huiq duidui-eu tiqjeq pyeuf-eu mae. Aerkhawf, ngar-aq, Kali hawr-eu Kalizaq armur-anr taf-eu garkawv aermawf-eu ma.

Eˇpeˇsu 3:10

Khoer-aq, nymq-mr Kalizaq armur-anr ghoe-awr, Miqyaer-euq zaqsiq tsawrganr ghawqmya jeq, mq-euq khoertav-euq mqsanr deuq hawr-eu mq-euq khoertav-euq aryaq jav-eu deuq-anr bisiq-eu laer laeqhmq taq-euq mae.

Dawqdaq 24:7

Zaqsiq tsawrganr-aq, Aqdzawq argan-euq gharduq, Ardzaeq-aer gor-eu jeq pyeuf-eu mae. Aqyawf, lanrkhaeq-anr jawr ngae, Dawq ngaeq-eu laer khaqmae maq mrnga-a.

Panmaeq 21:14

Meuq-euq lanr khoerlanr-aq, zeurdanr khaqlo 12 siq-euq khoertav ciqtaq-euq mae. Zeurdanr khaqlo-euq khoertav, Yawrzaq-euq ghaqkhaer 12 ghaq-euq tsawrmyanr boftaq-euq mae.

Gʼaˬkʼehˇ 8:1

Saqteqpaq-anr saef-eu gar Sawrluv khawf nuima tsaq-eu mae. Khoerngae nan-anr nae, Yeqlursaqlaeq-anr jawr-eu Kali-anr jan-eu armur-aq, khaeqdui khav duidui-eu gar yadaq-euq mae. Ghaqkhaer deuq maqngeur nar-aq, Kali-anr jan-eu tsawrhaq dawqtawvluf Yurdav mirkhanq hawr-eu Saqmaqliv mirkhanq doeni caevbyav ghae-euq mae.

Jaceuq 9:13

Ya’we Miqyaer-or! Ngaq-anr ghawqshaq gaqnaeq laf-awq. Ngaq-anr byae-eu deuq nae lavdov naeqlaf-euq gardzaq garkawv jav-eu gar sharnoeq sharsawx naeqlaf-awr, Shir-eu mirkhanq-euq lanrkhaeq-anr nae, ngaq-anr ciqkhof naeqlaf-awq.

1 Tiˆmoˇseˬ 3:5

Yawqha-euq nymrjir-anr maq uvlanr nya-eu tsawrhaq-aq, Miqyaer-euq Kalizaq armur-anr aqjox-aer bosav nya-eu?

Gaˬlaˬtiˆ 2:9

Ngaq-anr bifnaeq laf-euq guiqlanq-anr ya’mawr ngae, Kalizaq armur-euq lafkhoer khawrzeur zeurzif pyeufluf-eu Yaqkov, Beqtuvluv hawr-eu Yorhaq aqha’maf, Baqnaqbar, nga’nyaf-anr armar laf nae laftsaf tsafnaeq laf-awr, gar mrcawq laer sawxnaeq laf-euq mae. Nga’nyaf-aq, aqcawq tsawrjeuq tsawrca jawr-eu gar ir-awr, aqyawf maf-aq, bawkhov maeqdzaq yaeq-euq tsawrhaq jawr-eu gar irni nuima tsaq-eu mae.

Maꞈtehˬ 18:17

Aqyawf khoerdeuq-euq dawq khawf maq narhaq nar-aq, baqmaf baqmur-anr aernaeq-ir-awq. Baqmaf baqmur-euq dawq khawf maq narhaq nar-aq, aqyawf-anr aqcawq tsawrjeuq tsawrca hawr-eu jeq taf-eu tsawrhaq lof-aer sawx-awq.

Maꞈtehˬ 11:23

Gaqbeqneqoq-or! Nawr-aq, mq-anr tuvni bi ciqgor taq-euq khawf, shir-eu mirkhanq-anr yabi gheu’anr ghae taef-a. Aqjeq mirnae aernar-aq, nawq-euq meuq-anr mr-euq baoq huiq-eu gar khoerdeuq, Sordoq-euq lafkhoer mr-euq lawnmr-aq, meuq khoermeuq iqnan keuvni jav taef-a.

Maꞈtehˬ 10:2

Ghaqkhaer khoer 12 ghaq-euq tsawrmyanr-aq heulof-aer mae: yawbae ghaq-aq, Sirmoq (Beqtuvluv laer khawf kur-eu mae) hawr-eu aqyawf-euq aqnyir Aqdaeqlaeq, Zeqbeqdaer-euq zaqyo Yaqkov hawr-eu Yaqkov-euq maernmr Yorhaq,

Jaceuq 69:12

Lanrkhaeq-anr nuir-eu deuq, ngaq-anr muir-eu jeq ngaeq-awr, Ngar, jirbaq dawryaef-eu deuq-euq cardawq pyeuflar taq-euq mae.

Panmaeq 11:15

Khoernar-aq, mqtav ghaqkhaer shif ghaq tiqghaq darhae baw ngae, mq-euq khoertav ghawqmya jeq-euq tersar yawkhav-aer aer-eu, “Mirtsaq-anr uvlanr-eu baoq-aq, aqdui-euq Sanqpaq Miqyaer hawr-eu aqyawf-euq Kali-euq pyeuflar-euq mae. Aqyawf mqmaq maqbyav yarzir uvlanr taef-a.”

1 Gawˇliˬtu 15:55

“Shir-eu jeq-or! Nawq-euq byaqiq aqlaeq? Shir-eu mirkhanq -or! Nawq-euq ghaqler-euq jeq aqlaeq?” (Hs 13:14)

Jaceuq 107:18

Aqyawf maf-euq nuima saflar, dzaqdzaq dawrdawr kharngeur-eu jeq-anr maq hawcawq nanr-aer; Aqyawfmaf shir-eu jeq-euq larghov dawqpae larkeuv taq-euq mae.

Jaceuq 127:5

Kavmyaq-euq banq-anr khoerlof-aer ghae-eu kavmyaq byan-eu tsawrhaq-aq, laqkhaq yacaer taef-a. Aqyawfmaf, lanrkhaeq-anr muir-eu deuq naeq-aer ya jadzaq khawf, Daqga-eu gar maqya keuv-ar.

Jaceuq 129:2

“Ngar, zaqguq ngae nae, aqyawfmaf, ngaq-anr khaeqnaeq khavnaeq laf-euq mae; Aerkhawf, aqyawfmaf, ngaq-anr maq ghaqlar nya-a.

Maꞈtehˬ 4:18

Yeqsur, Gaqliqlaer lan landzer canluf ngae, Beqtuvluv laer kur-eu Sirmoq hawr-eu aqyawf-euq aqnyir Aqdaeqlaeq, aqnyafnmr, lan-euq lafkhoer za dzaeluf-eu gar ya’mawr-euq mae. Aqnyaf nmr-aq, ngaqshaq nyaef-eu tsawrhaq mae.

Maꞈtehˬ 7:24

“Khoermirnae, ngar maeq-eu dawq heudeuq gaq-awr mrcaw-eu aqsur ghaq maqkaq, khaqlo-euq khoertav zeurdanr danr-awr nymr tsov-euq zaqsiq tsawrganr anr-eu tiq ghaq-anr dur-eu mae.

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.