Maꞈtehˬ 16:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Khoerngae, Sirmoq Beqtuvluv aerkhof-eu, “Nawr-aq, daefluf-eu Miqyaer-euq Zaqyo pyeuf-eu Kali mae.”

Akha

¹⁶ Siˇmoˬ Beˬtuˆluˆ ehˇ-eu, “Nawˇ-aˬ, Dehꞈ luꞈ-eu Miˬyehˇ-euˬ Zaˬmaˇ pyeuꞈ-eu Meˬsiˇya meh.”

Maꞈtehˬ 16:16 Referans Kwoze

Maꞈtehˬ 14:33

Khoerngae, lawq-euq lafkhoer urluf-eu deuq, Yeqsur jawr-eu gar lar-awr uqduq tanqtanq-aer aer-eu, “Nawr-aq, aqdir aqmar Miqyaer-euq Zaqyo ngar-a.”

Yoˇhaˬ 11:27

Maqta, aqyawf-anr aernaeq-eu, “Sanqpaq-or! Jan ma. Nawr-aq, mirtsaq-euq khoertav oe mae laer aer-eu Miqyaer-euq Zaqyo Kali mae laer, ngar jan ma.”

1 Yoˇhaˬ 4:15

Yeqsur-aq, Miqyaer-euq Zaqyo mae laer khar aerdov-eu tsawrhaq-aq, Miqyaer, aqyawf-euq lafkhoer jawr-awr, aqyawf khawf Miqyaer-euq lafkhoer jawrluf-eu mae.

Maꞈtehˬ 27:54

Khoerngae, yardzoeq guirhuq hawr-eu aqyawf naeq-aer Yeqsur-anr lofluf-eu guirzaq deuq, mirluv luv-eu gar hawr-eu khar pyeuflar-euq deuq-anr ya’mawr ngae, guv duidui-ir-awr aer-eu, “Tsawrhaq heughaq-aq, aqdirma-aer Miqyaer-euq Zaqyo ngar-a!”

1 Tiˆmoˇseˬ 4:10

Khoer baqda’nae, arnyaf laejae-eu lafkhoer gar mr-awr dawqdoer daqluf-eu ma. Aqjeq mirnae aernar-aq, aqdui, daefluf-eu Miqyaer-anr noeqtmq luf-eu ma. Aqyawf-aq, tsawrhaq dawqtawv luf-anr Kakhof-eu ghaq pyeuf-awr, aqyawf-anr jan-eu deuq-euq gharduq, ngeurdzaeq Kakhof-eu ghaq pyeuf-eu mae.

Gʼaˬkʼehˇ 9:20

Sawrluv tiqpov taef-aer zanrdawq khawqnymr-euq lafkhoer, Kali-aq, Miqyaer-euq Zaqyo mae laer maeqnaeq-euq mae.

1 Teˇsaˬloˇni 1:9

Nga’maf, nawmaf jawr-eu gar lar ngae, aqjeq pyeuflar-euq garkawv hawr-eu daefluf-awr aqdir aqmar Miqyaer pyeuf-eu Miqyaer-euq gar mrnya’ni, nawmaf, tanqpanq aqma mawrkawr-anr byaerdzae yaf-awr, Miqyaer jawr-eu paw ghoflar-euq garkawv deuq aqcawq jaluf-eu mae.

Maꞈtehˬ 26:63

Aerkhawf, Yeqsur ciqcurni jawr-euq mae. Khoerngae, pirma yawhuiq ghaq, aqyawf-anr par narhaq-eu, “Daefluf-eu Miqyaer-euq tsawrmyanr-euq uqmov ngar, nawq-anr bikamq ma. Nawr, Miqyaer-euq Zaqyo, Kali laer kur-eu khoerghaq ma lor laer nga’maf-anr aernaeq laf-awq!”

1 Yoˇhaˬ 5:5

Mirtsaq-anr ghaqler-eu aqsur ghaq la? Yeqsur-aq, Miqyaer-euq Zaqyo mae laer jan-eu tsawrhaq taef-aer ghaqler-eu mae.

HeˬByehˇ 10:31

Daefluf-eu Miqyaer-euq aqlaf-euq lafkhoer ya ga’ur-eu-aq, guvlar paq-aer ghae-eu jeq pyeuf-eu mae.

Lormav 1:4

Yawshawr Saflar-euq baoq-anr ghoe-awr nae Kali shir-euq khawf ghofdaef lar-euq mirnae, Miqyaer-euq Zaqyo mae laer bi siqnya naeqlaf-euq mae.

Jaceuq 2:7

Ngar, Ya’we Miqyaer-euq zanrtaq khoftaq bisiq bigaq ma. Ya’we Miqyaer, ngaq-anr heulof-aer aernaeq laf-euq mae, “Nawr-aq, ngaq-euq Zaqyo mae. Iqnan, ngar, nawq-euq Aqda pyeuflar-euq ma.

Maˬkuˆ 14:61

Aerkhawf, Yeqsur tiqdawq-iq maq aerkhof-aer ciqcurni jawr-eu mae. Pirma yawhuiq ghaq, aqyawf-anr par narhaq-eu, “Nawr, Guiqlanq huiq-eu ghaq-euq Zaqyo, Kali laer kur-eu ghaq ma lor?”

Yoˇhaˬ 20:31

Aerkhawf, Yeqsur-aq, Kali pyeuf-eu Miqyaer-euq Zaqyo ngar-a laer nawmaf jan-awr, aqyawf-anr jan-eu mirnae, aqyawf-euq tsawrmyanr-euq lafkhoer nawmaf daef-eu jeq za’ni garkawv heudeuq boftaq-euq ma.

Yoˇhaˬ 1:49

Naqdaqneqlar aer-eu, “Laqbir-or! Nawr-aq, Miqyaer-euq Zaqyo ngar-a! Irsaqleqlav tsawrhaq-euq Sanqpaq khawf ngeur ngar-a!”

HeˬByehˇ 12:22

Aerkhawf, nawmaf-aq, Ziroq gawqjawq hawr-eu daefluf-eu Miqyaer-euq meuq-anr larkeuv-euq mae. Meuq heumeuq-aq, mqtav-euq Yeqlursaqlaeq pyeuf-awr, heugar maq guijir coerni myaq-eu mqtav ghaqkhaer deuq uiqlarduq pyeuf-eu mae.

1 Tiˆmoˇseˬ 3:15

Miqyaer-euq nymrkhanq-euq lafkhoer aqjox-aer mr paq-aer ghae-eu deuq nawr yasiqni, garkawv heudeuq ngar, nawq-anr bofanr lef-euq ma. Nymrkhanq khoer-aq, daefluf-eu Miqyaer-euq Kalizaq armur pyeuf-awr, yawtsaq yawdawr jeq-euq zeurma hawr-eu dawqpaeq mae.

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

2 Gawˇliˬtu 6:16

Miqyaer-euq uqduq tanqnymr nymrma hawr-eu tanqpanq aqma mawrkawr aqjox-aer tsaqler dzoerler nya-eu? Aqjeq mirnae aernar-aq, nawmaf-aq, daefluf-eu Miqyaer-euq uqduq tanqnymr nymrma mae. Miqyaer nae aertaq-euq lof-aer, “Ngar, aqyawf maf-euq lafkhoer jawr-awr, aqyawf maf-euq ghanrcae can ma. Ngar, aqyawf maf-euq Miqyaer pyeuf-awr, aqyawfmaf, ngaq-euq tsawrhaq pyeuf taef-a.” (Lb 26:12; Ezk 37:27)

2 Gawˇliˬtu 3:3

Nawmaf-aq, Kali nae nga’maf-anr ghoe-awr boftaq-euq sanqbof ngar-a laer byacaevni javluf-eu mae. Sanquir nae boftaq-euq sanqbof maqngeur-a, daefluf-eu Miqyaer-euq Saflar nae boftaq-euq mae. Khaqlo terbyaf-anr boftaq-euq khawf maqngeur-a, shiqshaq-euq terbyaf pyeuf-eu nuima-euq lafkhoer boftaq-euq sanqbof mae.

Gʼaˬkʼehˇ 14:15

heulof-aer aer-eu mae: “Aqyuif aqnyir deuq-or! Aqjeq mirnae teulof-aer janr-eu le? Nga’nyaf khawf nawmaf lof-aer dur-eu tsawrhaqzaq pyeuf-eu ma. Nga’nyaf, nawmaf-anr dawqmaeq maeqle-euq heu-aq, nawmaf gardanr maqtsoeq-eu teudeuq-anr byaerdzae-awr, mq hawr-eu mir, iqmalavshav hawr-eu kharjawr kharjav-eu jeq dawqtawv luf-anr bae-euq ghaq pyeuf-eu, daefluf-eu Miqyaer jawr-eu paw bi ghofpyawr lar-eu gharduq ma.

Maꞈtehˬ 4:3

Khoerngae, murjur jur-eu ghaq oe-awr aqyawf-anr aernaeq-eu, “Nawr, Miqyaer-euq Zaqyo ngeur nar-aq, khaqlo heudeuq-anr kaqmur pyeuflar-awq laer dawq bif-awq lawr.”

Jaceuq 42:2

Ngaq-euq nuima saflar-aq, Miqyaer-anr maef mir-a, Daefluf-eu Miqyaer-anr mawrmawf mir-a. Ngar, nawr jawr-eu gar aqmyan yalar-awr, nawq-euq maeqshi ya larmawr-eu la?

Gʼaˬkʼehˇ 8:36

Aqyawfnyaf garma kanrli-aer irghae-awr, ircuf danq-eu tiq tsanr-anr irkeuv ngae, aqyuif khoerghaq aer-eu, “Hawsher-eq. Heugar ircuf danq ngar-a. Ngar bartirsaq hageuf-eu gar lavtsoeq paq-aer tiqjeqnav jav-a laq?”

Yoˇhaˬ 6:69

Khoeruqtaf, nawr-aq, daefluf-eu Miqyaer-euq Zaqyo Kali ngar-a laer, nga’maf siqnya lar-awr janlar-euq ma.”

Maꞈtehˬ 1:16

Yaqkov-euq zaqyo-aq, Maqliv-euq khaqdzerzaq Yorsaev mae. Kali laer kur-eu Yeqsur-aq, Maqliv-anr nae daefle-euq mae.

Maꞈtehˬ 16:15

Yeqsur, aqyawf maf-anr narhaq-eu, “Nawmaf lawr nae? Ngar, aqsur ghaq nga laer aer le?”

Luˇkaꞈ 2:11

Iqnan, Daqbir-euq meuq-euq lafkhoer, nawmaf-anr Kakhof-eu ghaq Sanqpaq Kali daefle-euq mae.

Yoˇhaˬ 6:57

Daefluf-eu Aqda Miqyaer, ngaq-anr khaerghae lef-awr, ngar khawf aqyawf-euq baqda’nae daefluf-eu ma. Khoerlof-aer durni, ngaq-euq shaqjir dzaq-eu tsawrhaq khawf, ngaq-euq baqda’nae yadaef taef-a.

Yoˇhaˬ 6:68

Khoerngae, Sirmoq Beqtuvluv, aqyawf-anr heulof-aer aerkhof naeq-euq mae, “Sanqpaq-or! Nawq-euq lafkhoer mqmaq maqbyav yarzir daef-eu jeq bif-eu dawq anr-eu mae. Nga’maf aqsur ghaq-euq maeqnan par cantae-ir nmr-mq?

2 Gawˇliˬtu 1:19

Aqjeq mirnae aernar-aq, ngar, Siqlav hawr-eu Tivmorseq, nga’maf nae nawmaf-anr dawqmaeq maeqnaeq-euq, Miqyaer-euq Zaqyo Yeqsur Kali-euq garkawv-aq, ngeur-eu jeq khawf, maqngeur-eu jeq khawf, keuqkeuq soso-aer ghae-eu maqngeur-aer, aqyawf-euq lafkhoer-aq ngeur-eu jeq taef mae.

HeˬByehˇ 3:12

Aqyuif aqnyir deuq-or, yanr-awq! Maqyanr nar-aq, nawmaf-euq lafkhoer tiqghaqnav maqjan-eu nuima yawdoer anrlar-awr, daefluf-eu Miqyaer-anr nae ghawq-ir nya-eu baw-mr.

HeˬByehˇ 9:14

Kali-euq shiq, ngeurdzaeq arnavni par lavshawr nya-eu jeq nga. Aqyawf, li-eu maqbawni daef-eu muiq-eu Saflar-anr ghoe-awr, marbyawf maqbaw-eu aqyawf-euq mawrdo, Miqyaer-anr lawrnaeq-euq mae. Nawmaf, daefluf-eu Miqyaer-anr uqduqtanq nya’ni, aqyawf-euq shiq-aq, gar yawshir-anr nae nawmaf-euq zaqsiq nuisiq-anr tsiqshawr naeqlaf-eu mae.

Panmaeq 7:2

Khoerngae, ngar, mqtav ghaqkhaer yawqghaqyawq, daefluf-eu Miqyaer-euq jmq yur-awr, nanrma dovkhaeq paw nae dovlar-eu gar ya’mawr-euq ma. Mirtsaq hawr-eu iqmalavshav-anr lavcawv-eu baoq zataq-euq mqtav ghaqkhaer khoer oeq ghaq-anr, aqyawf tersar yawkhav-aer gurgur-aer,

Gʼaˬkʼehˇ 8:37

Khoerngae, Pirlirpuv aer-eu, “Nawq-euq nuima dawqtawvluf jan nar-aq, bartirsaq hageufnya taef-a.” Khoerngae, aqyuif khoerghaq aer-eu, “Yeqsur Kali-aq, Miqyaer-euq Zaqyo ngar-a laer ngar jan ma.”